عليكم السلام ورحمة الله وبركاته

الحمد لله عندك مديرة مهتمة وناصحة الله يجزاه خير

برأيي تاخذين إجازة منها وترجعين بعد زواجك بوقت كافي

لاتقطعين خط الرجوع للعمل لأن الندم حينها لن يفيـــد

مقدّره شعورك وموقفك لكن حالياً إنتِ تفكرين بشيء مستقبلي

ويمكن ماأقدر ويمكن يكون صعب ووو

لكن لو فعلاً تزوجتي ورتبتي وقتك وعرفتِ كيف حياتك وخاصة في البداية

راح تلقين وقت فراااااغ كبير هذا من ناحية

ولو إحتجتِ لشيء معين ومثلاً زوجك مش قادر عليه في الوقت نفسه راح تقولين

ليتني ماتركت وظيفتي وهذا من ناحية ثانية

يعني مادياً وبحياتك الإجتماعية راح تفقدين اللي كنتِ فيه

لذلك لاأنصحك أبد بترك الوظيفة وقبل هذا كله إستخيري ربك

والله يكتب لك اللي فيه خير لك .

انا للاسف موقعة عقد عمل لمدة 3 سنوات

بعد ماتزوجت احس ماراح اقدر اوازن بين العمل والبيت..خصوصا انه دوامي شفتات و 12 ساعة

انتي فكري بينك وبين نفسك اذا تقدري توازني بينهم لا تطلعين من الشغل واذا لا ...انصحك ببيتك وزوجك احسن

أشكركم جميعاً على ردودكم
ما تتصورون مدى أهمية أرائكم لي
وأن شاء الله راح استخير وأفكر بالموضوع أكثر
وربي يكتب اللي فيه الخير يارب

مشكلة اللي بعدهم ماتزوجوا عاطفيين بزياده ويفكرون ان كل شي بيكون لصالحهم وبيمر بهدوء وسلام

يا اختي وظيفتك هي ضمان مستقبلك .. واذا تقولي ان زوجك وعياله وبيتك هم مستقبلك فأنتي ماتضمنين

الظروف ..

صحيح التفاؤل والامل زين بس مفروض تحطي ببالك اسوأ الاحتمالات

ودامك تقولين ان وظيفتك بعقد .. تقدرين تجربين وتشوفين هل مرتاحه ولا لا .. هل تقدري توفقي بين بيتك

وشغلك ولا لا ... ساعتها يحلها ألف حلاّل ..

بالتوفيق

مرحبا أختي

بكلمك عن تجربتي الشخصية، أنا صارلي متزوجة سنة :17:

ولسه ما خلصت الجامعة، بخلص إن شاء الله بعد 4 شهور :14:

بس بصراحة ما أفكر بالشغل نهائيا، مع إني قبل ما أتزوج كنت أفكر إني أشتغل طبعاً

أما الحين أحس إنه زوجي وإن شاءالله عيالي أهم من كل شي، ما في شي في الدنيا يستاهل اني انشغل فيه عنهم

وفي بعد نقطة مهمة، الحمدلله زوجي الله فاتح عليه ومعاشه زين وهذا الشي بعد خلاني ما أفكر بالشغل..
أما لو كان مثلا زوجي معاشه بسيط كنت ممكن أفكر أشتغل وأساعده..

إن شاءالله أكون فدتك :)

أشكركم جميعاً على تفاعلكم معاي وأرائكم جدا تهمني
بالنسبه لخطيبي فحمد الله هو أنسان طيب جدا ومتفهم ومرتاحين لبعض كثير وما عندي خوف من هذي الناحية، وفعلا راتبه كويس جدا وأنا لمن استشرته بالموضوع كان أهم شي عنده اني أسوي الشي اللي "يريحني"
من ناحية "الأحلام الوردية" فهذا الشي مو عندي، صحيح الواحد المفروض يكون متفاءل ولكن بالعكس أنا اللي يخليني أقول أني ما أبي اعمل أني أعرف "قدر المسؤولية" اللي راح تكون بحياتي الجديدة، مو بس لزوجي أو بيتي، ولكن وهو أهم شي عندي أني أكسب أولادة، واعتقد انو شي مو سهل وأحتاج "أركز علية"
مرة اخرى أشكر جميع من تفاعل معي
وفي انتظار المزيد من الاراء من اعضاء المنتدى الغالين
:)

أشكرك أختي اكره التعقيد! :)
ومن ناحية الجلسة بالبيت فبالعكس أنا جداااا بيتوتية، ولا راح أكون فاضية لأن سبق سويت مشروع صغير بالبيت كهواية، وفكرت أرجع أكمله باذن الله من باب أني ما أحس بالفراغ
والله يبارك فيك ويسعدك دوم يارب

انتي كلامك يبين انك راح تتركين العمل انا اقول اتركيه لكن بعد ما تخلصين رصيد اجازاتك بعدها راح يبين كل شي والله ولي التوفيق