المشاركة الأصلية كتبت بواسطة اثير الاحلام

ياختي شجون
الزوجة الى اخترتيها الى اخيك ممتازه
اما مسالة الجمال الجمال يطلع بعدين مع الوقت اخوك يتعود عليها ويحبها انشاء الله
على قولة المثال" القرد في عين امه غزال"
مو تفهمين المثال غلط

يعني مهما كان شكلها ان شاء الله تكون في عين اخوك غزاله

انا لما قلت الى امي اخطبي لي قالت كيف تبي اوصافها مثل اخوك قلت لها الى تختارها اختي الكبيره ان شاء الله تناسبني
المهم راحو وختارو كم وحده يخيروني فيهم
قالو في وحده جميله بس عنوده شوي والثانيه اجمل بس راسها يابس "اخلاقه مو الى هناك"
الثالثه عاديه واخلاقها حلوه احل منها : قلت لهم انا ابي العادي يمكن تكون حلوه عندي وان شاء الله تناسبني
المهم بعدين بعد العقد وكتابت الكتاب شفتها والله اعجبتني

المشاركة الأصلية كتبت بواسطة marjanah

السلام عليكم ورحمة الله وبركاته


إقتباس:
واخوي قال حتى لو وافقو وما عجبته مستحيل
يجرح البنت بعد الشوفه ويقول ما ابيها؟

ما دام هذا كلامه وإذا كانت البنت طيبة وأخلاقها ودينها كويسين أظن ان شاء الله لا مشكلة.

بالتوفيق ان شاء الله.

المشاركة الأصلية كتبت بواسطة shadir

" اظفر بذات الدين تربت يداك"

هادا هو الأساس في اختيار الزوجة، أكيد الجمال مهم، بس هو مسألة نسبية تختلف مقاييسها من شخص لآخر.
ولا تنسي أن الْأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ‏

ومثل ما قالو الأخوان والأخوات في ردودهم، يمكن انتي ما شفتيها حلوة بس يمكن هو يعجب فيها.

وطبعا ضروري يصلي صلاة الاستخارة و ان شاء لله ،،، الله حيختارلو اللي فيه الخير ليه وليها وليكم بعد

ان شاء الله تكتب على هذا النحو

المشاركة الأصلية كتبت بواسطة شجون_بوظبي

صدقتي ياختي

اظفر بذات الدين

وان شاء الله اخليه يصلي الاستخاره

وربي يجازيج الف الف خير على المرور

المشاركة الأصلية كتبت بواسطة shadir

مشكورة أختي على الرد، بس ترى أنا شاب مو بنت :25:

بسيطة، تحصل في أحسن العائلات

المشاركة الأصلية كتبت بواسطة زياد النجدي

اختي الكريمة

الشيخ محمد العريفي تعرفينه ..؟؟

قبل ان يتزوج بنت عمــه كان عندهم في العائلة النظرة الشرعية مرفووووضة

طيب ايش اللي عمله الشيخ

قال لأختــه تعزم البنت عندهم في البيت

ولما عزمتها راح الشيخ ودخل في المخزن بجوار الصاله وسكر الباب وترك فتحة صغييييرة

وقال لأخته تأتي بالبنت من امام الباب وتقف تسولف معها

وفعلا طبقتها وقام يناااظر في البنت واعجبته وتزوجها

وهذا جائز شرعاً كما فعل الصحابي جابر رضي الله عنه

اذا النظرة الشرعيه عندكم (ممنوعه) بسبب القبلية , فعليكم بالمرواغة على القبلية


وانا اشوف انك قدمتي لأخوك اجمل البنات (بما انها ذات دين وخلق)


الله يوفقه لما يحب ويرضى