|
اختي الكريمه
الصبر الصبر....والتمسي له عذرا....وقد علمنا منك مدى الضغط الواقع عليه من الدراسه ولكن اختي اتصلي انت به...وحاولي الى ان يجييب...واخبريه عن انزعاجك واستيائك لعدم الاتصال وعدم الرد...وازعلي منه مره ...تجديه في كل مره.....والله يهونها باقي لك 5 شهور وتنتهي السنه ...وتكوني في جواره...اهدئي واصبري,.....وتحملي....وكان الله في عونك ....وجمع بينكم على خير اخوك |
يا بعد عمري.. قطعتي قلبي والله ..
تبين اقولك كلمة بصراحة ؟؟ خففي اتصالاتك .. هو يوم مايتصل يقول ماعليه هي بتتصل... لا تحسسينه ان ماعندك شغله غيره هو ... ادري صعبه .. بس حاولي انتي الحمدلله مابينك وبين زوجك مشاكل.. والله يتمم عليكم ويرجعه لك ... انا بيني وبين زوجي مشاكل كبيرة معقدة .. وبطبعه هو عنيد ... وللعلم انا في بيت اهلي .. في البدايه كنت اتصل واتصل .. بصورة مستمرة وهو .. يرد علي ببرود ... واحس به يعتمد ومطمن انا الي بتصل.. بس للصبر آخر.. والي بعيد عن العين بعيد عن القلب!!! صرت ماتصل لاني بلحظة .. صحيت .. وحسيت اني اتلصق فيه ... وحقرت ولا اتصلت .. والحين ولله الحمد هو يتصل.. يتصل بي دايما .. وصار خايف من ان يخسرني واني ماحبه .. انا ماقولك اقطعي الاتصال .. مرة وحدة .. بس خففيها شوي.. اذا اتصلتي مثلا الصبح ومارد عليك .. لا تتصلين خلاص.. يعني اتصلي باليوم مثلا مرة .. وبعدين كل يوم وترك .. بعدين كل يومين خليه يحس ويلاحظ ان اتصالاتك قامت اتقل.. بيقعد يحاتي.. بس لا يتولد الجفا.. اذا حسيتي ان هالتصرف مافاد لا تكملين فيه .. طرشيله مسجات اتعور القلب... خليه يحس بك .. والله يعينك يالغالية وان شاء الله نسمع اخبار طيبه |
أختي في الله ...........
أنصحك بتطنيشه وقتا من الزمن ......... فقد يفقدك أو على الأقل يصيبه القلق عليك..... قوي قلبك قليلا....... فلو كنت مكانك لفعلت ذلك......... وأسأل الله في هذا الوقت المبارك وقد قال سبحانه (أدعوني أستجب لكم) أن يلم شملكما,,,,,,,,,,,, ويصلح شأنكما,,,,,,,,,,, ويجمع مابينكم على خير.............. |
الله يصبر قلبك ياعيني ....أتحملي شوي ومابقي وقت طويل علي لقائكم وأنشاء الله هالمرة بيكون علي طول ....
حاولي تشغلي نفسك بدراستك وعلاقاتك مع صديقاتك وأهلك ...حتي تمر الايام والشهور بسرعة .... وليش ماتسوي له مفاجئة وتزورينه في اقرب أجازة دراسية ....لك وحتي لو كان هو مو اجازة أصري انك بتروحين له تعتنين فيه وطفين الشوق اللي بداخلك ... الله يسعدكم ويديم المحبة بينكم |
اذا كنت اختي تخشين من ارسال العتاب
فكوني وسطا في ارسال الرسائل لاتنقطعي وبنفس الوقت لاتكوني مزعجه على العموم حاولي اشغال نفسك بما تستطيعين اي عمل يثمر ويكون في تنمية نفسك كحفظ القرآن او البحث عن موضوع ما او بالالتحاق بدار او مركز او نادي نسائي يشغلك ويشغل وقتك والله يحفظك ويرعاك |
الله يفرج همك ويجمعك مع زوجك و ردة لك رد جميل
اختي اثقلي شوي علية ولا عاملية مثلة يمكن انه هو معتمد انك انت الي تسئلي جربي لا تسءلي يمكن هو يسئل وادعي واستغفري بنية انه يتواصل معك |
فرج الله همك وجمعك بزوجك وطمأن قلبك وانزل عليك السكينه والرحمه
|
اقتباس:
تسلم يا اخوي المتألم الله يرد لك زوجتك ولا يحرمك من اطفالك الله يرزقني الصبر لاني جدا متأزمه |
اقتباس:
الله يعدي هال 5 شهور على خير |
اقتباس:
هلا بام وداد الله يجمع بينج وبين زوجج عاجلا يا رب الغاليه انا من خبرتي في المره الاولى اللي راح فيها عني كنت اتصل يوميا واحيانا يرد واحيانا ما يرد ويكون مشغول وخففت لين ما صار الوضع مكالمه كل اسبوع او عشر ايام و الله لا يراورج مأساتي في هذيك الايام وجربت ابعث له مسج يعور القلب بصراحه يتأثر وايد ويتصل ويعتذر بس ترجع حليمه لعادتها القديمه ومشكلتي هذا القلب اللي ما يهون عليه ينام بدون ما يتطمن |
| الساعة الآن 08:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©