|
لا طلعين السالفه خارج البيت يعني لا لعمك ولا لخالك
اتصرفي بنفسك انتي الي اكتشفتي ونتي الي حلي المشكله ولا تخبري ولا احد من البيت لا ام ولا اب ولا اخوان علشان لا ياخدوا فكره عن اختك وضل معاهم هالفكره لما تكبر ومايثقون فيها بعدين اختك بعدهي صغيره تردها الجهاله وهذه تصرف طبيعي للمراهقين اذا كلمت شخص وقص عليها بكلمتين على طول بتعطيه رقمها الحل انك تتصلين لهذا الشاب وتكلمينه وتوضحين له انك مب راضيه على هذا الشي بهدوء وبتفاهم وليس بصراخ وتفهمينه ان اختك صغيره وماتعرف مصلحة نفسها وانك خايفه عليها وتهددينه انه مايتصل مره ثانيه واختك فهميها ان هذا الي تسويه غلط وقولي لها انك توعدينها انك مابتخبري احد وهي توعدك انها مابتكلمه مره ثانيه وقولي لها اذا كلمتينه مره ثانيه بكلم ابوي وبفضحك في البيت وبعدها بيحرمونك من المبايل فالاحسن انك تتوبين |
اقتباس:
جزاك الله خير الجزاء على المرور الكريم |
اقتباس:
|
قولي لها ان اخرت هالمكالمات بيسجلون صوتك وبيطرشونها لابوك وانتي تدرين ان ابوي صحته ما تسمح
ومالها سالفه في الموبايل نهائي لين تتخرج وتدخل الجامعه |
اقتباس:
شكرا أختي الغالية على اهتمامك بالرد .. انا ابي احصل حجة علشان اذا سالوني هلي ليش خذتي موبايلها اقدر اقنعهم بالسبب بس مابيها تطيح من عينهم ... جزاك الله خير الجزاء غاليتي |
ما أنصحـــج تدخلين حد فالســـالفه غيـــرج ؛
حاولي تتكلمين معاها بالهداوة ؛ حاولي إنج تشملين وما تخصصين اذكريلهاا إنها في فترة مراهقــة وإن البنات يغلطن في هالفترة وايعيشن باقي حياتهن في حسرة وندم بسبب هالغلطـــة قوليلها إنه لا هو بولد عمها ولا ولد خالها عشـــان يراعيها وإنه ما يبي غير حايته وما تهمــه مصلحتهــا وانتي أدرى بالأسلوب الي يأثر على أختــج خصوصا إنـج البكر فطبيعي اتكونين عارفــة خواتج عدل لكن ما أنصحــج اتكلمين الريــــــــــال إلا إذا اضطريتي صج صج لكن مشاكل المغازلجيـــة إذا احتكت الوحدة بهم تكثر ما تقل الله يعيـــنج خيتوو وايفكــ اختج منــه |
قولوا ضاع او انها بتبيعه وانها ماتبي موبايل ثاني كي لا يلهيها عن الدراسه لان صديقاتها يتصلون وايد وان مالها حاجه فيه
|
اقتباس:
هلا فيج أختي .. توني جاية من عندها كلمتها بهداوة ونصحتها وسالتها واحس انها تكذب في كلامها لكن خوفتها من عذاب الله واشلون تعصيه وكبر هالذنب اعترفت باشياء بسيطة وسكتت وتميت اكلمها فوق الساعة وخليتها تصلي احين الفجر وقلت لها استغفري .. والله يهديها... صدمتني واخاف مسوية شي كبير وخاشته عني... الله يهديها .. مشكورة أختي الغالية على الرد وجزاك الله خير الجزاء |
اقتباس:
ماتمشي عليهم أي سالفة أبوي وامي لازم سبب مقنع .. لانه جوالها جديد واهي الي كانت تحن تبي رقم الحين وربعاها دوم تكلمهم .. فكرت اقول انه في واحد يتصل يزعجها بس ماعرف هل بيصدقون او لا .. تحياتي لج وتقديري على مشاركتك غاليتي |
اختي الغاليه..
اجلسي مع اختك وكلميها وهدديها وخبريها كم قصه عن الشباب اللعوب الي يلعبون على البنات..خوفيها بالقصص.. وعلشان الجوال خليه عندك فتره ولو رجعتيه لها كوني دائما معاها بكل مكان ولاتتركين لها مجال تكون لوحدها ابدا..الله يهديها..واذا مو حابه ترجعيه تكلمي مع الوالده انك خايفه عليها وانها بسن مراهقه ولازم يناخذ منها الجوال من باب الحرص والخوف عليها..وخليها تقنع الوالد |
| الساعة الآن 02:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©