منتدى عالم الأسرة والمجتمع - أتمنى أن تفيدوني .. عملية الليزر أو الليزك لعيون

منتدى عالم الأسرة والمجتمع (http://www.66n.com/forums/index.php)

- عيادة الاسرة (http://www.66n.com/forums/forumdisplay.php?f=95)

اقتباس:

المشاركة الأصلية كتبت بواسطة أكره التعقيد!

اهلا اختي

انا سويت العملية ( ليزك )من قريب وبصراحه ارتحت جدا
لاني عانيت من العدسات اللاصقه وياما سببت لي التهابات وتعبت عيوني جداً
وبالذات اذا نسيت ونمت فيها وسببت لي جفاف

اهم شي تختاري دكتور شاطر موثوق فيه للأطمئنان فقط..وين رحتي أنتي وبكم سويتيها..
ولا العمليه سهله جدا وماتستغرق اكثر من ساعـه

بالبدايه ماراح تقدري تجلسي في مكان انواره قويه او تشوفي التلفزيون
او تستخدمي الكمبيوتر وممكن تدمع عيونك كثير
وراح تحسي بتشويش في النظر
وكل هالكلام ماياخذ اكثر من اسبوع وبعدين تضح لك الرؤيا وتروح كل هالمشاكل
والدكتور راح يعطيك قطرة للعيون ولازم تستخدميها كل ساعتين عشان الترطيب
وهذا شي ضروري جدا للعيون
وراح تكون لك مواعيد بالمستشفى مابين كل فترة عشان يفحصوا عندك النظر
واذا حصل لا سمح الله جفاف او اي مشاكل

بس حبيت اقولك العمليه آمنة ومريحه جدا انا لما سويتها تأسفت اني ما سويتها من زمان وارتحت
لاني عانيت جدا مع العدسات
ولان سني ماكان يسمح لي.. لان يقولوا مايثبت النظر الا بسن العشرين

ووالدتي سوت عملية التشطيب لها تقريبا حدود 14 سنه والحمدلله ماعانت من مشاكل ابدا
اول ماسوتها كانت دوبها طالعه الليزر بس هي كانت متخوفه وسوت التشطيب
وعلى فكره عملية التشطيب متعبة اكثر من الليزر و الليزك

وطبعا الدكتور نفسه راح يحدد لك نوع العملية سواء كانت ليزر او ليزك على حسب
سمك العدسه عندك..

اذا حابة اشرح لك طريقة العملية ماعندي اي مشكلـه..

توكلي على الله وسويها ..

ان شاء الله أكون افدتك..

اختك/ أكره التعقيد
:21:

مشكووورة أختي وما قصرت وإن شاء الله إني بسويها جزمتوني الله يبارك فيكم

السلام عليكم و رحمة الله و بركاته

انا عملتها قبل 6 أو 7 سنوات و الحمد لله للحين كل شي تمام

و اقاربي عملوا تشطيب قبلي بسنوات كثيره و هم اللي شجعوني..

و مثل ما قالوا الاخوات العمليه سهله و ما تاخذ اكثر من ربع ساعه..

لكن اهم شي تختاري دكتور ممتاز.. و يكون عمرك بين 20- 30

لأن الدكتور يقول انها متعبه للي فوق الثلاثين.. و يحتاجون نظاره للقرأة..

و هو طبعاً اللي بيحدد لك إذا تحتاجي ليزر أو ليزك..

و دايماً اقول هالعمليه أحسن قرار اخذته في حياتي.. :22:

الله يسهل لك..

....................

اقتباس:

المشاركة الأصلية كتبت بواسطة soo_soo

مشكوووورة ويعطيك العافية يارب والله يبارك فيك

إن شاء الله إن شاء الله إني جزمت أسويها

الله يسهل امرك اشوفك اقتنعت إن شاء الله

ومثل ما قالت الاخت هذا احسن قرار اتخذته من جد ارتحت الحمد لله

.................................................. ..............................
\

ويوم ما سويتها كان فيه عرض بمناسبة رمضان في حدود 7000 ريال

زميلاتي سووها قبل رمضان بـ 10000 والحمدلله:d

إن شاء الله بروح اراجع اليوم تدرين ليش ,,, مشتاقه البس عدسات ملونه للزينه :d

دمت بخير

يمنع ذكر أسماء لأطباء أو مستشفيات ...

بجد ربنا يطمنكم لان انا كمان نظري ضعيف والبس عدسات من سنين طويله وانا طفله ونفسي اعمل العمليه وسالت الدكتور بتاعي قالي انها كويسه بس برضه كنت لسه قلقانه لكن بعد كلامكم ده اتشجعت اني اعملها وياريت اللي عملوا العمليه يحكولي عنها بالتفصيل علشان اكون مستعده
وجزاكم الله خيرا

الإشـــــــــراف :::: قوانين المنتدى تمنع ذكر المستشفيات أو الأطباء

اختي الغاليه

ماتقدرين تختارين العمليه ليزك او ليزر الدكتور اللي يكشف عليك هو اللي يحدد

اختي لما راحت الدكتور على اساس انها تسوي ليزر
بس الدكتور قالها مو انتو اللي تختاروا التشخيص هو اللي يقررر

وبكذا لما كشف عليها قرر لها عمليه ليزك نجحت وبالمره تمدحهاااااااااااا
والله يديم عليها وعليكم الصحه والعافيه

قوانين المنتدى تمنع ذلك أخيتي ...

أشكركم من أعماق قلبي

بارك الله فيكم وحفظكم من كل شر ومكروه

أختي ورود الغلا قولي منو الدكتور الممتاز .. ولك خالص دعواتي

بس حبيت استفسر

الدكتور الي حيعملها لك لابس نظارة <<< اغلبهم طبعا

طيب دام تفيد وكويسه كان سواها لنفسه اولى

++++++ وجهة نظري ++++++

والله يكتبلك الي فيه الخير

ورود الغلا ........... بارك الله فيك وما قصرت