|
اقتباس:
اخي الكريم شكرا عالمشاركة الجميلة وكل عام وانت بخير وفعلا كلامك والله صحيح وافضل شيء الاشتغال باعمال الخير والطاعة والحياة الاجتماعية والله يصبرنا على غربتنا يارب وشكرا عالدعوة الجميلة اتمنى لك مثلها وللكل ياااارب |
اقتباس:
اما الفتيات فعااااااادي انا كان قصدي في الموضوع كل الفئات الي بنطبق عالرجال عالنساء ايضا ينطبق والي في غربةاكيد تعرف بنات يعني;) ورائع تشجيعك لزميلاتك والله انك شاطرة وشجااااعة ايضا واما الطلاب المساكين الله يعينهم الدراسة بهالشهر صعبة انا ايام الجامعة كنت انقهر جدا في رمضان مااعرف اعمل اشي والعبادة كنت اقصر بسب مافي وقت ابدا بسبب الدراسة والنعس بعد التراويح يلا كلو بيعدي صدقيني وانت الله يوفقك يارب ويسعدك ويهديكي انت وكل المسلمين يااااااارب |
بس قالوها بالأمثال الغرببه كربه اي راحت بال بدها تيجي وانا بعيد عن زوجتي و اولادي-- من 4 سنوات ما افطرت مع اولادي برمضان وما سمعت كلمت كل عام وإنت بخير منهم
|
اقتباس:
وكل عام وانت بخير وإن شاء الله الموضووع ينطرح بس اشوف تاييد وتشجيع الاول والله يهون الغربة عالجميع |
اقتباس:
فعلا حزنت جدا لكلامك والله يهونها عليك ويفرجها ماراح اقلك ارجعلهم اوجيبهم عندك لانو لو كان بامكانك اكيد كان فعلت هيك من زمان ولكن اقول لك ادعو الله و اصبر و يارب الله يفرجها |
اقتباس:
ليش هيك عروستنا:29: كل يوم اذخل الموضوع بس سبحان ربنا بيجيني كسل رهيب للكتابة لانه ما عندي برغرام عربي ما اطول عليك انا عملت ركن صغير بالصالون حطيت فيه السجادات وشموع وعطور ما عنا بخور الله المستعان كمان حطيت لولادي فوانيس صغيرة مو عربية بس نمثل ع حالنا بسجل الصلاة والتراويح من تلفزيون السعودية وكمان بسجل الاذان ياحسرتنا بس ياله كله بأجر ان شاء الله هالسنة أنا مسجلة حالي مع اخونا القلب المحبوب لختم القران يا رب يعينا ويكتب له الاجر مسجد ما بقدر اقرب مسجد لنا بمدينة ثانية زوجي بيروح بس انا بضل مع الاولاد لانهم صغار كمان السنة ولادي بلشو مدارس يعني مشاويرهم علي و مدرستهم تاخد 35 دقيقة بيعين الله والله اشتهيت اسمع الاذان وافـطر ع آذان حقيقي مو مسجل وروح ابارك لجيران زي الخلق والناس تدري يالغالية صرت اتفادى المواضيع عن الغربة مشان ما اعصب بس غلاتك اكبر من أنه اعصب حبيبة قلبي والله |
اقتباس:
قلبك كبيير والله يا ام وليد:22: :22: :22: ان شاء الله تتيسر امورك وتنزلي عالاهل باقرب وقت ممكن وجميع اخواننا المغتربين الله يحفظك اختي الفاضلة |
اقتباس:
الله يجبر بخاطرك خيي ابو عمر ويسر عليك امرك ويهون غربتك ويرجع لديرتك وينولك مرادك |
( يارب خفف علية الغربة يارب انا وكل المغتربين من اعضاء المنتدى وكل المسلمين
يارب ردني انا وكل مغتربين المنتدى ومغتربين المسلمين لديارنا قريبا جدا جدا سالمين غانمين يارب حسن الظروف وخلي كل واحد يرجع لاهله وبلده في اقرب فرصة يارب انت كريم ارجوك ارفق بنا وبحالنا ويسر لنا الخير في بلادنا انا وكل المغتربين يارب رجعنا وخلي رجعتنا فيها خير النا ....يارب لاتخلي السنة تمر الا والكل رادد يارب ) اللهم امين... بوركتٍ يا غاااليه.....احتمال يجي ابوي برمضاااان... : ) واكون كسبت واحد من ريحة الاهل...المره الاولى جاء هو وامي......بحاول اقوله يجيب امي معاه..... والله اشتهيت جلسة الاهل ولمتهم ومسامرتهم....... شكرا لكٍ ولمشاعرك الطيبه.....يسعدك ربي عزيزتي ملك... واختي ام وليد قطعتي قلبي ..كان الله في عونك يا غاليه..... |
ام وليد يابطة ياحلوة
شكرا عالمشاركة مابعرف حاساكي مبتئسة والله بتعرفي خلص الامر واقع عليكي اتاقلمي وحاولي تنبسطي يعني كنا انا واهلي متغربين قبل رجوعنا لفلسطين و كنا ببلد اسلامي يعني بس والله كنا كتير ننبسط في رمضان والفضل يرجع لابي وامي الله يخليهم يارب المعنى انت الي بتعملي الجو الحلو في بيتك وبسسسسسسسسسس وماتعصبي ياحلوة انا واثقة بالله كتير مش للصائم دعوة لاترد وقت افطارو خلص محلولة حنضل ندعي كل منفطر واكيد الله بفرجها اناواثقة وحاسة واكيدة حرجع بلبدي بعدين ممكن تقولي انو كيف نرجع من وين مش باين ابدا والله عارفة بكون الوضع مقفل وفجاة تفرج من عند الله الله قدير كتير كتير يعني شوفي احنا في غزة وضعنا كيف ومافي شغل ومنطقيا بحكي من وين نرجع وشو نرجع نعمل؟؟؟ بس مابفكر الا انو الله قدير وعزيز بتعرفي شي والله قلبي محروق عاهلي بدي اموت لاشوفهم مع انو المشكلة اني سعيدة جدا ومافي شي ناقصني ما شاء الله لاقوة إلا بالله تبارك الله بس اهلي قلبي تقطع انحرق بدي اياهم خاصة الام والاب اخ بتعرفي ياام وليد قبل امبارح وشادي بالشغل قعدت ابكي وبتعرفي امبارح من الساعة 4 العصر للساعة 9 الليل وانا ببكي بحرقة ومش قادرة اوقف بس عشان بدي اهلي ورحت احكي معهم عالنت بحكي وانا ببحكي وقلبهم ياحرام انشغل علية واناعملت اني مريضة شايفة بقلك هيك لتعرفي انو اناكمان قلبي محروق بس بحاول اشوف الجانب الحلو يعني الحمدلله تزوجت الانسان الي بحبو وعايشة معاه في سعادة وهناء لازم نشوف الامور من كل جوانبها ماتنظري انو انت غربة واهلك وخلص فكري عندك زوج كويس واطفال وحياة سعيدة ما شاء الله وقتها بهون الامر شوي الله يوفقك يارب شاركيني بهالموضوع يابطة;) http://www.66n.com/forums/showthread.php?t=141697 |
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©