|
أختي في الله ...... سؤال واحد:
إنتي فين عايشة ؟ يعني في أي بلدة؟ وهل يا ترى تقدرين تطلبي منه الخلع؟ الله يعينك ويعوضك خير.......... يااااااااااااارب |
حبيبة قلبي
انا جدا متألمه لموضوعج بس تأكدي انه مافي مصيبه الا و لها حل حتى لو تسكرت الابواب في وجوهنا الفتاح الله سبحانه وتعالى اللي يفتح كل المغاليق هذا شهر رمضان شهر الدعاء ادعي ربج وتقربي منه انه يحنن قلب زوجج عليج واوصيج يا اختي شوفي تصرفاتج مع زوجج ...ترى الرجل ذكي ويعرف المرأه من نظرتها اذا تحبه ولا لا ... انتي داخله حياتج من البدايه بكره ... والكره هذا بدون ما تحسين انتقل منج له ... اذا انتي شايفه انه الطلاق مو هو الحل اللي بيريحج ...عليج باصلاح زوجج ...ولاحظي تعاملج معاه حاولي ما تستفزينه ...طيعيه ووفريله كل شي... وممكن تقعدين معاه وتكلمينه بصراحه انه اللي راح راح ونبدأ مع بعض صفحه جديده علشاننا وعلشان بنتنا الله ييسر امورج |
هلا خيوو sunset_time ..... إنتي فين عايشة ؟ يعني في أي بلدة؟ اني من البحرين ...... وهل يا ترى تقدرين تطلبي منه الخلع؟ ياريت والله انجان ماقعدت وحالي جذي ...... وعين الجميع ....... هلا خيوو 3thooooooob........ اي اختي ادري اني اكرهه ومااحبه بس غيرت معاملتي ويااه وماحسسته بهالشيء بس بالرغم ان بداخلي حقد والم .......لا زوجي مو ذكي واني اعرفه عدل مايعرفني عدل وله فاهمني ...اني الي فاهمتنه وعارفتنه ......ياما قعدت ويااه مو بس اني حتى اهلي ...اخواني الحين اذا اروح اشتكي اليهم يقوولون الي شنو نسووي تعبنا واحنا نكلم هالغجر زوجج مايفهم شنو نسووي .......اقول اليهم اني تعباانه ....يقوولون انتين تصرفي احنا تعبنا منه وماعندنا حل ويااه .........اقول اليهم تخليتون عني يقوولوون شنو نسووي مافي ايدنا شيء.....اخوي ينصحني بطلااق بس اني اعرف شنو عوااقب الطلااق ... خاايفه منه ......لان زوجي مافي شيء ماسويته علشاان ينصلح وتتغير معاملته ويااي ...... اذا نبي شيء من عنده فلووس يهاوشنا ...حتى اني قالوا الي المستشفى ويااي سوء تغذيه اني وبنتي ...وبنتي كله دمها نااقصه ...الى متى يعني بحس فينا وبرااعينا ... همه الاول والاخير الفلووس من نجيب اليه طاري الفووس يتهرب منا ......... اني بس انتظر متى اخلص درااستي واشتغل وافتك منه ....بس الطلااق خايفه منه ..... واذا اقول اليه ماابغيك وبطلق يقوول يبي فلووس .....يبي 5 الاف دينار ..... يدري ان اهلي على قد حالهم من وين اليهم هالمبلغ ...... واخوااني مستحيل يدفعوون وله فلس احمر ........ واذا رحت المحكمه اكيد بقوول يبي فلووس وبطلقني بس من وين الفلووس اجيبها ..... زوجه حزينه |
الاحت الكريمة اسعد الله اوقاتك
الانسان لايستطيع ان يطرد الافكار التي تحوم فوق راسه ولكن يستطيع ان يمنعها ان تعشش فيه .وتذكري المقولة التي تقول ماحك جلدك مثل ضفرك فتولى انت جميع امرك .نصييجتي لك البدء بمحاولة اكمال دراستك الثانوية وضعي امامك هدف سامي وحاولي الوصول اليه وذلك من اجل استغلال الوقت في اشياء تبعدك عن التفكير بمساوء زوجك . - لو لم تكن الحياة صعبة لما خرجنا من بطون امهاتنا نبكي . - من لزم الاستغفار جعل الله من كل ضيق مخرجا ومن كل شدة فرجا ورزقه من حيث لايحتسب . |
انتي الآن حلك الوحيد اللى راح ينقذك هو الوظيفه والاعتماد على النفس هذي اول خطوه
ثاني خطوه يوم تعتمدين ععلى نفسك ماديا وتستقلين عنه تروحين المحكمه وتطلقين منه لاتفكرين بنظرةالمطلقه والكلام الفارغ انتي حياتك معاه باين انها عذاب وشبه مستحيله وربي وضع الطلاق لمثل هذي الحالات . بلوقت اللى تتخرجين فيه وتحصلين وظيفه بهذه الفتره لاتجعلينه محور حياتك واكثري الاستغفار وحاولي عالاقل بفلتره هذي لين تتخرجين تصبرين صبرتي 7سنين مابتصبرين شوي بعد |
اتفق مع الاخ ضاحي في كلامه
هذا هو الشي الوحيد اللي جدامج بما انه كل الابواب مسكره في ويهج وتجنبي الدخول معاه في صراع بس والله اللي معور قلبي بنتج اللي تعاني من نقص تغذيه!!!! يعني لو تخلين بنتج تطلب من ابوها اذا كان يحبها ويحن عليها اكثر منج...خليها تطلب منه مصروف |
الله يكون في عونك
|
عليكي بسهام الليل فانها لا تخطئ / واستغلي رمضان بالدعاء / وسترين العجب العجب
|
والله يا اختى انت ليس لك الا الله عز وجل
نسأل الله ان يحفظك من شر الفتن ما ظهر منها وما بطن وان يثبتك فى الدنيا والاخرة اكيد يا اختى لم تجربى ان تقفى بين يدى الله عز وجل قبل صلاة الفجر بساعة وما شاء الله يا حباذا الان فى رمضان حين يتجلى الملك عز وجل الى السماء الاولى ويقول هل من سأل هل من مستغفر الجىء يا اختى الى الله عز وجل ولن يردك ان شاء الله واصبرى ولا تنسى قول الله عز وجل وبشر الصابرين اعانك الله وبارك الله لك فى ابنتك وان شاء الله هى ستعوضك بكل الحب والحنان وان شاء الله فرج الله قريب ولا تنسى المداومة على الصلاة على النبى والاستغفار وقول لا حول ولا قوة الا بالله |
الله يعينك حبيبتي ما اعرف كيف اساعدك لكن ما تقدري تلجأي لأحد من اهلك عشان يوقف معاك ويشوف لك حل مع زوجك ... الله يفرج همك ويكون في عونك
|
| الساعة الآن 10:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©