السلام عليكم ورحمة الله

بالنسبه الي اني كنت مخطوبه وانفصلت من بعد الخطوبه بسبعه شهور تقريبا بعض الاحيان احس ان ندمانه وبعض الاحيان احس اني مايستحق الندم لان في ايام خطوبه كان دائما يكدرني ولا يهتم فيني ولازم كل يوم موال الهواش
وكان كلامه على الفلوس وبس لاكن والله من قررت اني خلاص ابي انفصل حسيت اني مرتاحه واجدلاكن من بعد ما انفصلنا خلاص احس ان الدنيا اسودت بعيني ودايما ملانه ورغم كذاخطبني بعد فتره من الانفصال ولا وافقت وكان يدز مسجات فراق وحب ويقول انا ندمان وانا احبش ويخلي اخته تكلمني وتجيني البيت وحاول ياخذ ايميلي وبين الي انه يحبني لاكن ابدمااقدر ارجع واحس ان مستحيل ارجع بالرغم ان كل تفكيري فيه ولا يروح عن بالي دقيقه وعلى فكره هو ينسب الي طولت عليكم خلاص اذ صابكم عوار بالراس بجيب الكم بندول يالله سلام

حبيبتي عبق الجنان حاولي تعطينه فرصه دامه شاريك ساعديه يغير اسلوبه ودامه يحاول اكيد ندمان

وعنده استعداد يتغير عشانك وصدقيني كل الناس اول الزواج يكون بينهم مشاكل يعني انا زوجي ولد عمي

وكنا نكلم بعض قبل الزواج عادي ونسولف يعني اعرفه واعرف اسلوبه وهو بعد ويوم تزوجنا تغير كل شي

صرنا نتهاوش كثير ويحاول يفرض رايه لانه صار زوجي اول عيال عم الحين ازواج وكنت اتحمل يعني ايام


خطوبتنا يسوي


من الحبه قبه على شي مايسوى والله اشياء ماتتخيلين في يوم ان ممكن شخص يوم من الايام يعصب او

يتهاوش على شي زي كذا وكنت انفقع بكي بس صدقيني مع الايام وحسن

المعاشره تقل المشاكل وتفهمون بعض اكثر


عشان كذا عطيه فرصه لايجي يوم وتندمين ترى صدقيني والله الطلاق شي صعب

واعذريني طولت عليك شكلك انتي اللي تحتاجين حبة بندول

مشكوره حبيبتي ريحتيني بكلامش تعرفي لمن اشوفه احس ان الدنيا تتغير بعيني لاكن بنفس الوقت ما اتخيل اني ارجع وما اتخيل نفسي مع احد غيره مو عارفه وش اسوي خلاص تعبت والله يانينا ريتشي سلام حبيبتي

الحل

اول شي تسوينه تسامحينه على تصرفاته اللي كانت تضايقك عشان تتحررين

وبعدها تردين على اتصالاته وتتفاهمين معاه وتقولين له عن الحاجات اللي كانت تزعلك منه لحد ماتوصولون

لحل وقد ماتقدرين صوتك لايرتفع واذا عصب انتي ارخي عشان لاتكبر اكثر وان شاء الله ترجعون لبعض وتنحل

الأمور بينكم

وصدقيني دام فيه حب بينكم كل شي يهون

لاتضيعين الفرصه من يدك لايجي يوم وتندمين انك ضيعتيه


فهمتيني حبيبتي وطمنيني عنك بليز خطوه بخطوه

الله يعينك

نصيحة اذا حاول يرجعك اعطيه فرصة ثانية

أنا معاكِ وشكرا لك على النصائح

هلا نينا اوعدش حبيتي كل شي يصير اقولش خطوه بخطوه ..ومشكوره على مساعدتش امل معاي والله اني مبسوطه لمن حاولتوا تساعدوني واشكركم من قلبي حبيباتي..

لا شكر على واجب عمري امل احنا اخوات وكلنا لبعض

اختي عبق راح انتظرك تتعطيني اخبارك حبيبتي الله يوفقك يالغاليه

هلا نينا شخبارك حبيبتي ماصارت عندي اخبار جديده غير ان احنا معزومين في بيتهم في هذ الاسبوع لاكن بالتحديد متى ما ادري ما احاول اسأل عشان لا احد يحط في باله شي وإن شاء الله خبرك بأي تطورات تصير معاي



الإشراف:تعديل لفظ المشيئة..