منتدى عالم الأسرة والمجتمع

اقتباس:

المشاركة الأصلية كتبت بواسطة ماريا 13

اليك طريقتي
هو سهل كتير لكن حساس

المقادير

1 كيلو من اللبن ( مو حلييييييييييب ) هههه
1 ملعقة طعام نشاء الدرة
2 فص ثوم مدقوق
نعنع يابس مطحون ( في ناس ما بحطوه انتي حرة ) حوالي ملعقة صغيرة
نعنع أخضر مفروم (اختياري)
بيضة (اختياري)
(البيضة للتثبيت اذا نوعية اللبن مو منيحة لكن مشكلتها بتغير لون اللبن بتعمله أصفر)

ملاحظة :
(لازم اللبن يكون نوعية جيدة يعني مو مسحوب الدسم حتى ما يفصل يعني يفضل لبن الاغنام مو الابقار اذا توفر)

الطريقة

بتحطي اللبن و فوقه ماء و نشاء الدرة بالخلاط وبتصفيه منيح (بالمصفاة) على طنجرة
(ممكن تخلطيهم بالملعقة)

بتحطي الطنجرة عالنار و بتحركي الخليط بشكل دائري
و بتستمري بالتحريك بدووووووووون توقف حتى درجة الغليان 60 ثانية
بصير سميك شوي
ما تتركيه كتير بعد الغليان لأنه لو غلى كتير .. ممكن بفصل

بتحطي الكبة اللي عملتيها مقلية او مسلوقة حسب رغبتك .. و فوقها اللبن

ملاحظة تانية :

و التوم و النعنع نحن (الشوام )منحطها باللبن بعد الغليان
اللبنانيين بعملوهم بكوية على النار يعني بقلوهم بالزيت و بحطوهم على الوجه متل الزينة
انتي كيف أكلتيها بالمطعم اعمليها .

تقصدين باللبن اللبن الزبادي ولا اللبن العادي اللي نشربه؟؟

معقوله طريقتك ما تاخذ وقت كنت فاهمه ان الكبة باللبن تحتاج وقت طويل..

بجربها اليوم اذا عرفت ايش نوع اللبن ويارب تضبط..