منتدى عالم الأسرة والمجتمع - أنا توني مملك ولله الحمد

1) ماهي الأشياء التي تجعل الحب بيننا يزداد في فترة الملكه وقبل الزواج ؟؟

- انك بين فتره وفتره وانت جالس مع خطيبتك تمسك يدها و تبين لها مدى بك لها

- من فتره لفتره تشتري لها اي شي خاطرها فيه .. يعني تروح السوق معاها وتقول لها اليوم خذي اي شي بخاطرك وهالشي يدل على حبك لها وانك ما تبخل عليها بشي

- انك تتصرف مع اهلها باحتراااااااام وحب كبير و تبين لها انه قدرهم عالي و بقدر اهلك وهذا شي مهم ويهم كل بنت خصوصا في هالفتره الحساسه جداً

- تكسر الروتين و توديها اماكن ممتعه و حلوه و تغير لها جو

- اذا حسيت بيوم انها تعبانه سواء مضايقه او تعبانه حسسها باهتمامك وحنانك وانك خايف عليها وسالأ عنها دايماً .. هالشي اتوقع يحسس البنت بحبك لها و بتحس انك زوجها الي يخاف عليها وما يقدر بدونها .. ويتهيأ لي كثير من الرجال ما يهتمون بهالشي مع انه هالشي مررررررررره مهم بالنسبه للبنت واهم نقطه لو كانت خطيبتك مضايقه من شي معين استفسر عن هالشي واسألها وخلها تطلع اللي بخاطرها لا تجلس تحسسها انه الشي اللي مضايقها شي بايخ او ماله لزمه انها تضايق عليه !! من جد راح يجيها شعور مو حلو تجاهك

- بلييييييييز لا تنتقدها بشي ودلعها .. الدلع مهم هالفتره للبنت .. وبزيااااااده مهم .. يعني عاملها انها بنت - انثى موووو تعاملها بجفاف او بدون اي مشاعر .. يعني حتى المزح احياناً يكون ثقيل على قلب البنت المخطوبه .. فاهتم واحرس وعود نفسك تصير رقيق معاها بالتعامل

- حاول انك تهتم فيها كثيرررررررر وتكون دايماً معاها و تذكرها انك موجود لها بس .. البنت تحب احساس انه تحس انه خطيبها لها وبس .. ويحبها هي ويهتم فيها وانه تكن كل حياته .. فلا تحرم خطيبتك من هالشي

- اهتم بأناقتك معاها .. يعني اذا طلعتوا مكان .. سوق .. مطعم .. اي مكان .. لو حتى بالسياره .. اهتم بأناقتك ومظهرك .. يعني البنات يتعبون على نفسهم ويجسلون بالساعات على شعرهم وبدلتهم مكياجهم و اكسسوارات و ......... الخ .. فاالمتوقع من الرجال انه ما يتخسرون على خطيباتهم او زوجاتهم اللبس المرتب والانيق ( شماغ + ثوب + قلم كشخه ) !! ف هالوضع مهم ويزيد المحبه بينكم اذا هي حست انك انت تهتم باناقتك عشانها .. وعشانها وبس ..

- حسسها داااااااااائماً انك مستانس انه هي خطيبتك وانه هي دافع حلو للحياه

2) ماهي الأشياء التي يجب تجنبهاحتى لا تفسد ما بنيناه في فترة الملكه وقبل الزواج ؟؟

- انك تتغير عليها ! بليز التغيير المفاجيء على الخطيبه شي يجرح ! .. وشي مؤلم بعد ! .. يعني حاول انك تكون زي ما انت .. وما تتغير لو بعد سنين

- الانتقاد اللي مو في محله ! وخصوصا اللي يمس البنت .. مثلا ً .. انتي مو محسستني اني خطيبك !! >> طيب احنا في مجمتع ما نتعامل فيه مع الرجال بأي شكل من الاشكال .. فمن الطبيعي انه البنت في اول ايام خطبتها او ملكتها انها ما تكون رومانسيه زي ما يبيها الرجال او يعني تقوله كلام حب .. الخ ! .. فأتمنى انك تراعي هالاشياء لو انت تحس بهالشي على خطيبتك

- التقلب المفاجيء في المزاج ! ( مثلا انت تعبان من الشغل والدوام .. وتجي هي خطيبتك تكلم بحيويه ووناسه ومتحمسه لشي معين او مشتاقتلك .. وتحي انت لأنك تعبان .. تقط عليها كلمتين بالعظم !! .. ليه كل هذا !! .. طيب هي ذنبها انه انت تعبان او معصب ! .. وحتى لو هي المفروض تتحملك وتتحمل وتراعي انه انت تعبان من الشغل .. هالشي يجي بعد الزواج ! .. مو فترة الخطبه او الملكه .. تلومها انها ما راعتك انك تعبان ! ) >> مثال عشان اوضح الفكره

- الكلام الكثير عن المصاريف والفلوس وغلاء الاسعار او الفرق فيها .. يعني احس هالمواضيع مو حلوه تنذكر كل وقت .. وهالشي يمكن يحسس خطيبتك انه انت بخلان عليها

- التوقف عن الكلام الحلوو والرقيق مع خطيبتك

- التزمت والعناد في امور معينه !

- تجنب الاساليب الغير مباشره في الكلام .. او اختبار ردات فعلها بأمور معينه ! .. لأن هالاسلوب مو حلو بالمره !

3) ما هو رأيكم في هدية العيد للحبيبتي ؟؟

- جواااال + عطر + شوكلاته + ورد

- عيديه ( فلوس ) بطريقه مرتبه وحلووه ومغلفه مع باقة ورد واحس انه العيديه مهمه من الزوج خصوصا اذا كانت مو موظفه

- جهاز لو كانت تحب الاجهزه .. كاميرا مثلاً .. بس احس الكاميرا .. ما صلح هديه للعيد .. بس حلوه بعد

- العطر احس انه يجي مرافق لهديه ثانيه .. مو الهديه الاساسيه

- خاتم روووووعه وكشخه وغالي + شوكلاته + عطر

- محفظه كشخه

- شنطه كشخه

- ساااااااعه ماركه وفخمه

- ممكن تحط لها مع الهديه كوبون عشاء في مطعم هي تحبه تروح مع صديقاتها او شي كهديه منك

- عبااايه كشخه مع طقم الشيله حقتها

اتوقع اني كفيت وفيت بالرد حقي :)

بس جد البنت والله ما تحتاج الا لشوية دلع واهتمام ورقه بالتعامل .. مع لمسات بسيطه من الاتيكيت و الحب والحنان :22: ولو كل احد يتبع اللي فوق ذكرته .. بيعيش خطيبته احلى عيشه ..