|
اقتباس:
أعانك الله مشكلتنا وحده آنا وياج وآنا عرضت مشكلتي قبل أيام وقاعده أفكر ....... والله يآجرج يا أختي وفكري عدل وإستخيري إذا تقدرين تصبرين صبري وإذا ماتقدرين الله جعل الطلاق حلال لأنه حل لمشاكل عديدة والضرب من المسائل اللي تبيح للزوجة طلب الطلاق لكن تمهلي واحسبي حساب لما بعد الطلاق والله يوفقك قلبي وياج |
الى متى الصــــمت
الى متى الأهانات كفى يارجال ....كفوا أيديكم ...أتقوا الله ........حسبنا الله ونعم الوكيــل ألا الضـــــــــــــــــــرب ؟ ليش يمد يده عليكي ...؟ هذا لا بد أن يوقف عند حده ... الزوجه ماهي سلعه يلعب فيها الرجل واذا شبع أهانها وأنصحكي بالصـــبر والدعــآء له وعليكي بصــلاة الأستخاره أستخيري ربك ووالله ما يخيب من دعاه ومن رجــاه ... وان شاء الله تعالى يعوضك ربك خيرا منه ان كان في الامر خيـره ... |
اقتباس:
يا حلوتي الطلاق في حالتك مو نهاية زواج ...انا اراه نهاية مأساه يضربك ويهينك ويجرحك ويطردك ويطلقك ويهددك ويهزأك وقدام العيال اللي جالسه تضرينهم بجلوسك وانتي ما تدرين بجلوسك تتكرر الهواشات والخناقات والاطفال يتأثرون اطلعي وتطلقي لأن الضرر صاير اكبر من المنفعه...اصلا انتفت المنفعه لنفسك عليك حق اذا طلعتي تستقر نفسية العيال ..اللي خلقهم ما يناساهم يا عزيزتي (خالتي مثل حالتك تزوجت عسكري وندمانه انها ما تطلقت من بدري منه) والشرع واقف بصفك العيال من حقك حضانتهم الى ان تتزوجين وباين من كلامك اهلك مو مستغنين عنك وبيوقفون معك البعد عن مثل هذا الوحش غنيمه استخيري..وشاوري اطفالك واهلك واقدمي على اللي يريحك.. (انا مثلك بسبب عدم الاستقرار والتهزيء والمشاكل طلعت وخليته...وياليته طلق ..جالس يماطل حسبي عليه) |
قال الله عز وجل ( وإن يتفرقا يغني الله كلا من سعته )
قال يغني ما قال يفقر أو يشقي فتأملوا هذا في حالة جواز الطلاق بين الزوجين لأسباب قوية وليس لأي سبب |
الله يهديه ...
|
اختي مس
كان الله بعونك ..انا ما سبق وقريت مشكلتك لكن لاحظي اغلب الردود تقول لك ...الله يهدية . وانا اتوقع انهم خايفين يشورون عليك بشي اختي ... وش هذه السلبية اللي عندك ... شي غريب اختي ...زوجك هذا من النوع المحقر المتسلط ..والله مو لاقية صفة اصفة بها كل ما شافك ضعيفة ..استحقرك وتسلط عليك اكثر اذا انت شخصيا ما تقدرين توقفين في وجهه وتخلينه يحترمك ...على الاقل قولي لاهلك لكن سكوتك هذا هو اللي خلاه يتمادى اختي ...هذا النوع من الرجال ما ينفع معاه الاغراء والتذلل والتدليل هو يعتبرة ضعف منك ...وكل ما حس انك ضعيفة يقول لنفسة انها تستاهل كل اللي اسوية لها تدرين لو غيرك كان وش يسوي ...كان بعد الضرب مباشرة تروحين لمركز الشرطة تقدمين فيه بلاغ ..عشان يتأدب ويسون له محضر و فيها سجن .. وخليه ذيك الساعة يترجاك انك تتنازلين عن القضية ولا تتنازلين الا اذا كتب تعهد انه ما يمد يده عليك ..وذيك الساعة تحطين كل شروطك وطلباتك عشان توافقين انك تتنازلين ...وانت يا اختي خايفة حتى انك تقولين لاهلك ...هذه قمة السلبية والضعف والخنوع بالنسبة لعيالك ..اذا هم صغار والله ما يطول ظفر من اظافرهم ..المحكمة تحكم لك بالحضانه لاتخلينه يلوي يدك بالعيال غير كان يقول له ..خذ عيالك ربيهم انت ..أنا بدور على حياه جديدة ابدأها ..حياه مريحة طبيعية ..واحد يقدرني ويحترمني ... مو انت يا اختي اللي مخليه عيالك يشوفون هذه المناظر اللي راح تؤثر على حياتهم طول العمر ...صدقيني اذا شاف منك موقف جاد وحازم ..هو اللي راح يخاف من الطلاق مو انت والله يمكن عيالك راح يلومونك على انك سكتي عن حقك اذا كبروا ... ويلومونك انك ما انفصلتي عن ابوهم اللي عيشهم عيشة عذاب اختي انا راي ...وانت لك مطلق الحرية في انك تاخذين به او لا انك تشيلي ثيابك و اولادك وتروحي بيت اهلك ... هو اجبن من انه يواجه اهلك ...صدقيني وربي ييسر لك امرك |
هذا مب رجال
الي يضرب حرمه قسم بالله مب رجاااال |
الله يجزاكم خير جميعا
ردودكم كانت مؤثره جدا على قراراتي اتصلت على امي وقلت لها عن كل شي للاسف كان موقفها سلبي معي لانها نصحتني بالصبر وقالت وعيالك ..!! اقولها طلقني وضربني تقول اقعدي عند زوجك مالك الا هو عشان عيالك لا حول ولا قوة الا بالله وقالت لا تقولين لاخوانك بتكبر المشكله لان اخواني كذا مره يسألوني لو ضربك او آذاك بس قولي لنا راح يكون تصررفهم رجولي وقوي ولا الومهم هذا يبي له والله رجال يوقفونه عند حده بصراحه ردت فعل امي حطمتني جدااااااااااااااااا قلت لو واحد من اخواني سوا كذا بزوجته ترضين قالت اعوذ بالله عساهم ما يأذون بنات الناس قلت وانا مو حرررررراااااااااام كل هذا عشان ما ارجع لها مطلقه الله يسامحها بس على كل حال كلمت زوجي وقعد يشتكي مني ويقول اني بنت مدلعه ولا جهزتني عشان اصير زوجه وربي ظلمني يقول انه هو اللي يطبخ ويهتم بالعيال <<<<<<<< وربي حرام عليه وانه انا وجودي مثل عدمه .. والله اني ام شبه مثاليه .. منغلقه جدا على بيتي وزوجي وعيالي مالي اي احتكاك بصديقات او غيره او طلعات اسواق بس همي اربي عيالي تربيه دينيه ولا اتركهم لحالهم ابد ولا يعترف ابداااا يقول انتي اسوأ زوجه وام : ( اهتم بنفسي جدااااااا .. وبنظافتي واناقتي .. طلباتي قليله ..كل الناس يمدحون طبخي الا هو دايم يسب كل شي اسويه ..(((((( ما يمدح الا شكلي والنوم معي يقول هذا اللي مصبرني عليك )))))))) والله ما ادري وش يبي قلت لامي هذا يكذب والله كذاب هي تشوفني كيف اهتم بعيالي بعيونها قالت ما راح تلاقي احسن من زوجك لو درتي الدنيا ............!!!!!!!!!!!!!!!!!! بالله عليكم الحين الاقيها من وين او من وين امي بس اقنعته انه يصبر علي : ( وربي ذل انضرب وانهان وانطرد وهذي ردة فعل امي والله لو يدرون اخواني ان ينسونه اسمه .... حسبي الله ونعم الوكيل تخيلوا تقول امي لا تجين عندنا حتى بالعيد لكن انا قررت اسافر بالعيد عند اهلي .. وامي ما اقدر اقول عنها شي الا الله يسامحها وراح اخليه........ وعيالي رفض آخذهم بخليهم وامري لله والله يكتب اللي فيه الخير .. |
شوفي يااختي البخل ما يتعدل
بس ممكن تتعايشين معاه من خلال اشتراط مصروف شهري بالارقام لكن الضرب لا و الف لا مادام تخافين يغلط على ابوك و امك ما تبينها تتدخل و تنزل من قيمتك اكثر خلاص قولي لاخوانك الي بيطقونه في المرة التالية الي يضربك فيها اسكتي على طول و اتصلي باخوانك يجون يشوفون شغلهم معاه عشان يحس ان وراك رجال وبعدها يمكن يطلق خلي اخوانك يقولون له ترى بناخذها لحالها زي ما طلعت من عندنا لحالها وانتي للاسف مستغنية عن العيال فراح تكون فترة ضغط عليه و ماراح يتحملهم و بيرجعك بس بتكون رجعة بشرووط واذا ما طلق بيعرف ان وراك رجال مب ساكتين له و هذا افضل هذا من ناحية من ناحية ثانية حبيبتي اكثر ما قطع قلبي هالولدين والله العظيم ماراح ينسون هالتشتت اذا تطلقتي لااا تخلينهم عنده ترى الواحد اذا امه تخلت عنه يكره نفسه ولا الابو شايفين ضربه لك و معاملته لك بيقولون امنا تركتنا لا تقولين لهم الله بكل بساطة لا تطلعين للمجتمع ولدين مهزوزين ماهم عارفين وش ذنبهم احسك واثقة انك راح تلقين عريس ايا كان جمالك ترا اسمك مطلقة و عندها ولدين البنات الابكار الي الوحدة زين و جسم و شهادات ووظايف شوفيهم مالقوا فوق الواحد وعشرين صارت تعتبر كبيرة تخيلي !!!! انتي يمكن تلقين بسهولة بس مسيار غير كذا لا تأملين واجد |
اختي الغالية .. تاثرت كثيرا بمشكلتك الله يكون في عونك .. ذكرتني بمشكلة قريبتي حصل معاها نفس الشي تقريبا و لما كانت تشكي لأهلها يقولوا لها مثل كلام امك !! و استمرت على هذا الوضع 16 سنة تخيلي وفي النهاية استخارت الله و شافت سبحان الله رؤيات في المنام ان الطلاق هو الحل و كانت دايما تدعي انه ربنا يختار لها الخير عشان كان دايما يهددها باخذ العيال منها وسبحان الله تطلقت و الحين ماشاء الله عايشة ومبسوطة و استغربت كيف قدرت تتحمل كل الفترة اللي فاتت هالعذاب و ربنا ما خيب ظنها حتى عيالها ماشاء الله خلاهم معاها..مع انه دايم كان يهددها بياخذهم..
مدامه وصل للضرب يعني مافي اي احترام و الموضوع راح يزداد سوء لانه في انواع من الناس ما يجي معاهم الا الوضع الصارم .. وانا رائي يا اختي انك اول شي تستخيري الله ان كان الطلاق خير فيسره فمن سعادة ابن ادم استخارته الله و من تعاسته تركه الاستخارة .. وممكن تكون هناك محاولة اخيرة من اهلك و بحكمة وعقل وحزم اخوانك يكلموه وياخذ منه انه ما عاد يضربك ويحسن معاملتك والا فامساك بمعروف او تسريح باحسان.. احنا في رمضان و ان اخلصت النية مع ربنا مارح يضيعك ابدا والله مع الصابرين.. طمنينا عليكي ..والله يفرج همك وهم المسلمين |
| الساعة الآن 12:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©