منتدى عالم الأسرة والمجتمع - هنا .... تطبيقات وصفات عالم التغذيه و الطبخ

http://img516.imageshack.us/img516/8248/show5pk.gif

http://img34.picoodle.com/img/img34/...3m_5d7c2b9.gif

بحمد الله تم عمل تورتة الكمبيوتر اللى هي سبب الزحمة في عالم المطبخ هنا ....وبعد إن إنتهينا من تجميع ألوان الجلي من السوبرماركات توجهنا حالياً لشراء الشوكلاتة والدقيق وتوابعه ......((بتلاقي ياأخينا في الله دعوات من أصحاب السوبرماركات))

المهم بالأمس كان عند أولادي حفلة العيد وقالوا لهم كل فصل يسوي حفلة خاصة في فصله وسيعطون جائزة لأحسن حفلة

وفي المدرسة فصول للدراسة العادية وفصل للدراسة بالكمبيوتر وإللي فيها أولادي في الصف الأول المتوسط

طبعاً أولادي متحمسين وقسموا مع أستاذهم مين يجيب الأكل وقالوا يبغونه أكلات شعبية

وكل ولد يجيب شيء معين وعلى أولادي يجيبوا عصيدة وعصير

طبعاً إشتريت العصيدة جاهزة وبعد الفجر سخنتها وحطيتها في حافظة لحفظ حرارتها

وسويت لهم حلى الشاموا

ويومها سويت الكيك من بدري علشان يبرد وأزينه في الليل في وقت تجهيز حلى أولادي

وماكان في نيتي أرسل الكيكة لهم ...بس سويتها لأخوض التحدي فقط لإني شفتها سهلة ....وطلعت من رأى لا كمن فعل....:29:

وبعد إن إنتهيت منها قلت ليش مااعطيها أولادي يأخذونها معاهم بما إنهم فصلهم كمبيوتر فتصير التورتة كشعار لفصلهم

المهم إنتهيت منها وحطيتها في الثلاجة تبرد والفجر لما قاموا أولادي للمدرسة فاجأتهم بها

عجبهم شكلها ....بس واحد من أولادي رفض يأخذونها وقال مالها داعي وخلاص سويتي أكل كثير وكيف نشيله كله ...عاجز....قلت خلي السواق يدخلها للفصل

أما تؤامه عجبته الفكرة....هم دائماً متناقضين لانهم غير متشابهين

المهم قلت له ياإبني خذها يمكن هذه الكيكة تفوزكم

قال أكل كثير وين بنوديه ومين بيأكله ونحن كم نفر وبس

قلت له نادي عمال النظافة في المدرسة يأخذونه وبيفرحون وبتأخذ أجر فيهم

المهم بلاطول كلام.......(أكثر من كذا طول؟؟؟:( )

أخذوها معاهم ولكن الأول على مضض حتى ماشالها بنفسه وشالها أخوه مع إنه متحمس للفوز أكثر من أخوه

المهم شالوا إللى جهزناه والصحون البلاستيك والكاسات والملاعق وشالوا معاهم غترهم وعقلهم في كيس

قلت لهم ليش ماتلبسونها وتفتكوا من كثر الأكياس؟؟

قال ولدي : الأستاذ قال لاتورونها أحد علشان مايقلدونا الفصول الثانية وبنلبسها وسط الفصل:11:

المهم راحوا حفلتهم بحفظ الله

ولما رجعوا الظهر قالوا أولادي بفرح ياأمي التورتة عجبتهم وصوروها بالكاميرات:28: والمدير كرمنا وصفقوا لنا وكان عند المدير ضيوف ودخلناها عندهم:17:

يعني لاتستغربون يااهل المنتدى إذا وصلتكم كيكتي عن طريق البلوتوث ومنسوبة لغيري....ترى إللى مايخافون الله كثير وهمهم نشر الفساد:29:

المهم أنا فرحت جدا بالخبر

بس بعدين عصبوا أولادي وقالوا:

بس ياأمي ماأكلناها:(

قلت : ليــــــش؟؟؟!!!

قالوا:
المدير كرم الناجح بالمركز الأول العام الماضي..... وقدم له التورتة هدية:(

قلت لهم ولايهمكم بسوي لكم غيرها بإذن الله:26:

وقلت لهم ها وش أخبار الأكل خلص وإلا زاد

قالوا كل بقية الأساتذة الإداريين دخلوا فصلنا وأكلوا الأكل من عندنا لإنه أحلى أكل حتى العصيدة عجبتهم والحلى مسحوه

واليوم إتصل زوجي عليّ من سفره لإنه مسافر .....وقلت له بقول لك وش صار اليوم

قال: أولاً قولي لي وش سويتي اليوم مدير مدرسة العيال إتصل عليّ

قلت ليش؟؟؟؟!!!!!:24:

قال يقول إنكم سويتوا تورتة رائعة وشكلها كمبيوتر ورائعة وعجبتهم وصار يتشكر لزوجي
طبعاً زوجي مو عارف شيء بس فهم الموضوع

وبشرني ببشارة أبشركم بها الأن لإن أولادي نايمين وماعرفوا بالخبر

المدير قال لزوجي : فصل أولادي فاز بأجمل حفلة وسيأخذون الهدية

ياسلااااااام يافرحة عيالي الله يسعدهم دوم يارب مو يوم ويهديهم ويرزقنا برهم ويقر عيننا بصلاحهم ...قولوا آمين:17:

مو كأني سويتها رواية مو طبخة كان المفروض احطها في قسم العام:25:

المهم نرجع لموضوعنا بسم الله

طبعاً سويت كيك أسفنجي عادي وقسمته في صينيتين

هنا الكيك في الفرن

http://www.up07.com/up6/uploads/cd01671c3f.jpg

وهنا بعد ماطلعتها من الفرن

http://www.up07.com/up6/uploads/74fd4cd573.jpg

وبعدها جهزت كريمة تزيين الكيك

وهي كالتالي:

أخفق بياض بيضة مع فانيليا حتى تصبح كالكريمة

واخفق في وعاء ثاني 3 ملاعق سمن نباتي ...أنا أحب أستعمل كريسكو لإنه أبيض ناصع وطعمه خفيف....لكن للأسف مالقيت في السوبرماركت إلا مازولا ...وماقصر قام بالواجب

شوفوه ماأحلاه

http://www.up07.com/up6/uploads/c25f5e4705.jpg

وأخلط مع السمن سكر ناااااااااااعم بمقدار كاسة ونصف أو كاستين على حسب مقدار الحلى إللى تحبوه وبعد مايخلط تمام أضيف له بياض البيضة المخفوق وأخلطه سوياً

http://www.up07.com/up6/uploads/318a4847a8.jpg

وهنا بعد ماقسمت الكيكة ولصقتها بلصق....أقصد مربى
http://www.up07.com/up6/uploads/cd159f367d.jpg

دهنت الكيكة بالكريمة وزينتها

هذا الكيبورد

http://www.up07.com/up6/uploads/4e3067ff5d.jpg

وهذه الشاشة لاحظوا شعار ويندوز. لونت الكريمة ألوان الطعام.....كأنه شعار ويندوز مو مثله تمام بس رمزياً....مشوا حالكم لا تدققوا النظر:11:

http://www.up07.com/up6/uploads/bfb65a9481.jpg

وهذا الجهاز الأم

http://www.up07.com/up6/uploads/09721027d9.jpg

وهذه الفارة ياحليلها هي أحلى شيء
http://www.up07.com/up6/uploads/4a6c9e54df.jpg

والأسلاك سويتها بالشوكلاتة السائلة لإني مالقيت حلاوة طولية

وهذا الجهاز كامل....(ماأدري إيش فيها الصور ساطعة زيادة عن اللزوم اكيد أحد لعب بنظام الكاميرا:( )

http://www.up07.com/up6/uploads/f1d9c0e567.jpg

http://www.up07.com/up6/uploads/c9b6b5a804.jpg

بصراحة وبإعترافي فرحم الله إمرأ عرف قدر نفسه لم تكن التورتة بالشكل المرغوب وكما توقعت فليست مرتبة ومنسقة مثل الصورة

والخطأ إللى وقعت فيه وسأعترف لأبريء ذمتي

إني قطعت الكيكة أقسام رفيعة ولما جيت أرتبها فوق بعض مالت للسقوط بالذات الشاشة وأضطريت لسندها....والمرة الجاية بإذن الله سأتدارك الخطأ وأقطعها قطع عريضة علشان تثبت

وإليكم ماوراء الكواليس من حوادث:30:

هنا والشاشة آيلة للسقوط الظاهر تعبت من الوقفة
http://www.up07.com/up6/uploads/a6964972b1.jpg

وهنا بعد تزيينها وصارت من كثر الثقل مو قادرة تجلس فقمت سندتها بالكأس لإنها مثل ماقلت شرائح خفيفة

http://www.up07.com/up6/uploads/fb980d7bf6.jpg

لكن والحق يقال كانت الكيكة والكريما لذيذة

وسلامتكم

http://www.up07.com/up6/uploads/4096089448.jpg

لحظة ماخلصت...(ماصدقوا افتكوا منيّ بيخرجون من الموضوع):(

هذا الوجه سويته من بقايا الكيك
لما شافته جمانة قال : إيش هذا ياماما؟

قلت :هذا وجهك

قالت: هذه أنا جمانة لابسة حلق أحمر.....قلت لها : إيوة

وخلصتها كلها:17: من فرحتها وهي تأكل وجهها

المهم ولدي إللى أكبر من جمانة كان معاي وقال أنا بسوي شكل

وأخذ قطعة مربعة وزينها بالكريمة وحط عليها حبات الشوكلاتة الملونة
http://www.up07.com/up6/uploads/675c8ad480.jpg

وقلت له : حنزلها لك في الإنترنت

ففرح وراح يزود ويزود في الشوكلاتة الملونة وأخرتها رش على الوجه شوكلاته
http://www.up07.com/up6/uploads/e9a37a83f1.jpg

ورجع مرة ثانية من زود الفرحة وزود أصبع بسكويت ثاني :23:

http://www.up07.com/up6/uploads/e58fa52737.jpg

ها عسى بس ماصجيتكم وأزعجتكم بقرقرتي أنا وعيالي...وصدعت رأسكم؟؟....عادي تصير في أحسن العائلات ...يمدحون بندول إكسترا:18:

أم جمانة

http://4women.jeeran.com/b.gif

رابط الوصفة

http://www.66n.com/forums/showthread.php?t=144605