|
شدني الموضوع كثييييييرا
انا استيقظت ..الساعة الخامسة فجرا ..طبعا انا معودة زوجي اني اروح معه لصلاة العيد.. انا جعلت المنبه على الساعة الخامسة..لكني لم اسمعه بل اللي صحاني ان زميلتي دقت على جوالي ورديت عليها في موضوع مهم طبعا ما خلصت منها إلا وانا ابحث عن زوجي في ارجاء الشقة لقيته طاااااااالع راح يصلي لوحدة ولا كلف نفسه يشوفني حتى المهم بلعتها وقلت خلي العيد يعدي على خيييييييييير .رحت رتبت البيت و بخررته و و استحميت ولبست لبس جديد وغيرت شكلي شوي وسويت لزوجي بطاقات معايدة وعلقتها بشكل قوس في غرفة النوم على رأس السرير وسويت قهوووة وجهزت حلى العيد والتمر المهم انتظرت المحروس .. انظررررررررررررررررررررته وما جا إلا الساعة تقريبا التاسعة و 20 دقيقة.. مع انه في عادته يرجع البيت بعد صلاة العيد المهم ..لما جا ..خليته (رحت غرفة ثانية عشان ياخذ راحته ) خليته..يقراها وسمعته يقول..كلام فاضي سويت نفسي ما سمعت ودخلت الغرفة..وقلت ها وش رايك بالبطاقات قال خرطي وكلام فاضي المهم بلعتها عشان اليوم عيد وبعدين قلت له طيب تقهوى معاي وخذ من الحلى قال ..لا ما ابي انا خلاص تقهويت عند واحد ورحت انا وجارنا افطرت في البوفية المهم قعدنا نتفرج على التلفاز بهدووووء ولا كلمة وانا اكلت التمر وشربت القهورة وخلصت وطلعت من الغرفة وهو ناااام عاد انا حاولت انا وما قدرت انام المهم نمت الساعة الواحدة ظهرا و عدلت المنبه على العصر عشان اقوم اتجهز واروح اعيد على معارفي المهم الصاااااااااعقة اني ما سمعت المنبه وما صحيت إلا وقت اذان العشاء وانا مصدوووووومة ان العيد راح علي رحت لزوجي وقلت له ..يارب ما صحيت إلا الحين ..ضاع العيد قال وش اسوي لك.. المهم بعدها هو قعد على كمبيوتره وانا على جهازي ولا جديد و اليوم زوجي بدا صيام الست ..يعني شكل ما عاد فيه زيارات لا لاقاربي ولا هم يحزنون سامحوووووووووووووووووني اني خربت فرحتكم بالعيد جعل ايامكم كلها سعاااااااادة لا تنسووووووووني من الدعوات بالذرية و ان يهدي زوجي ويصلحه لي ويصلحني له والحمد لله على حال |
نسيت اقول لكم
ويشهد ربي على ذلك اني لولا الله ثم لولاكم كان طفشت هاليوم لكن بفضل الله ورحمته ان هيأ لي اخوة زيكم ربي لا يحرمكم الاجر نفستوا عني بالعيد كثيييييير بشكل ما تتصورونه الله يجمعنا في الجنة كما جمعنا خلف الشاشات ليس ذلك على الله بعزيز ان شاء الله ايام العيد الجاية احلى واحلى وعيدنا مع اهلنا احلى وانتم اهل وحبايب |
هون عنا بكرا العيد
العيد بالغربة غير شكل بس الله كريم عاملة برنامج حلو وان شاء يزبط كل سنة والكل يالم تسلمي ندوش. |
وعليكم السلام ورحمه الله وبركاته
وانتى بصحه وعافيه ياحبيبتى اتجهزت وجهزت اولادى وعلى قول الكاشخه كلهم ولد وبنت واتجهزو اخواتى ورحنا الحرم(مسجد رسول الله) صلينا الصبح والعيد انا رجعت البيت ودقيتها نومه الين صحانى زوجى قالى سويتى غدا قلت لا قال يلا قومى جبت غدا اتغديت واتجهزت للخروج لاكن اخواتى نايمييييييين جانى اتصال انه فلانه وحده عزيزه على قلبى ولدت الحمد لله ورحت لها المستشفى حمدت لها بالسلامه ورحت بيت خالتى عيدت عليهم وتركت اولادى والخدامه مع اخواتى رجعو البيت مع السواق وانا جانى زوجى اخذنى الله يحفظه يارب واتعشينا فى مطعم إيوان روووووووووووووووووووووووووعه وقمت الرومانسيه انبسط جدا الحمد لله وكملنا رومانسيتنا فى البيت وطلعت اخذت اولادى وجلست على النت وكل عام وانتو بخير الله يعطيك العافيه لك فائق احترامى |
كل عام وانتم بالف خير
انا ارضعت ابنتي صباحا وانتهيت من رضاعتها السادسة والنصف ومع اني نعسانه الا اني قمت رتبت البيت وع الثامنه والنصف اييقظت زوجي.ومع حر كة زوجي حدث شد عضلي في رقبته فالتوت فقعد متالم افطر وتجهز وذهب ليعايد اهله (انا في فترة نفاسي واهل زوجي من عاداتهم ان المراة لا تخرج من بيتها الا بعد تمام الاربعين) فبقيت في البيت مع رضيعتي النائمة عايدت امي في الهاتف ووصلتني بعض رسائل المعايدة واتصل بي اخواني ..حممت ابنتي والبستها ملابسها الجديدة وارضعتها ورجعت نامت........وجلست انا اشاهد التلفاز..وناسية انو العيد اليوم لانو ما في اجواء عيد ..فانا اسكن في بلدة لا يوجد بها عرب .واتصل اخي قال انا جايك انتي بالبيت ؟؟؟ فجاؤوا اخواني الشباب وجلسوا عندي سلوني حسسوني بالعيد... والعصر لما جاء زوجي ذهبت لاهلي وهناك كانت اجواء العيد الحقيقية سوت امي عشاء جمعنا ...ولا زال زوجي يتالم من رقبته الله يعينه وكل عام وانتو بالف خييييييييير.بكرة اكييييييييييد نوووووم |
وعليكم السلام والرحمة و الاكرام
انا قبل العيد بيوم كنت متهاوشة مع زوجي لانه ماكان يبي يجي يعيد معي يتعذر بالدوام بليلة العيد وطفشته لين خليته ياخد سكليف وقعدت ابكي واتدلع عليه لين خليته يجي وجاني فعلا ليلة العيد على الساعه 6 ونص بس انا جهزت نفسي والشقة وسويت له ليلة رومانسية علشان ا دري بقعطني على الي سويته فيه من صياح ونياح وعناد وصراخ بس اهم شي جبته هههههههه وكانت عجااااايب وكنت قبلها مجهزة له الفطور والحلا واشياء حلوة واتصلنا على بيت عمي (بو زوجي) وسلمنا على اهل زوجي وعايدنا عليهم يوم العيد صحينا وراح مع ابوي صلاة العيد ورجع مع ابوي بيت اهلي وعيد على بيت اهلي وانا تاركني في الشقة ناااااااااااااااايمة بس صحيت قبل يجي بربع ساعه وجاني انا توني قايمة من الفراش بوسته وعيدت عليه وعيد علي وجهزت له فطور خفايف وانا تجهزت وكشخت وتمكيجت وبغى يسوي لي سالفة على المكياج بس لهيته واتصلنا مرة ثانية على اهل زوجي الصباح علشان ماعايدت على كل اخوات زوجي على ال 10 ونص طلعنا ورحنا بيت اهلي وعايدت على اهلي وجدتي ورحت اعايد على اعمامي وعمتي وبيت خال امي وقرايبنا وجيرانا كل هذا واحنا في كل بيت 10 دقايق بس ولانه كلنا جنب بعض بيوتنا والبعيدة خلينا للعصر انا رجعت بيت اهلي وقعدت معاهم وطلع زوجي مع ابوي واخواني لصلاة الجمعة والساعه 3 طلعنا رحنا نتغدى بمطعم بعدين رحنا السينما وبعد صلاة العشا رحنا نفر شوي بالسيارة وشرينا عشى وايسكريم ورحنا البحر وجالسين الى 12 ورجعنا الشقة نمنا بسسسسسسس بس من ساعه جهزت زوجي وراح الدمام يعايد على خواله وانا الحين بقوم اتجهز علشان بيجونا يعايدون اهلنا والغدى اليوم ابيت خال امي وبكرة بسافر العمرة هذا كل برنامج العيد ههههههه مصختها انا انتي قلتي اول يوم وانا الثلاث ايام |
دمعات الروح ما شاء
تبارك الله عيدكم حلووو بس في وجهة نظر على السينما (اذا هي كانت اللي في بالي) الله يوفقك انتي وزوجك ويجمع على قلوبكم ويخليه لك و يحفظكم لبعض ولاهاليكم وكل جماعتكم واعجبني ما شاء الله كل هؤلاء رحتي تزوريهم في العيد ما شاء الله تبارك الله كذا العيد ولا بلاش الله يحرسكم |
السلام عليكم
رغم انى مرهقة ونفسي انام بس حبيت احكيلكم ساعات الماضية بعد ما صليت الفجر قعدت اقرا شوية في المصحف وبعدان روحت اصلى في المسجد طبعا صحيت والدتى تصلي الفجر وعمالة اقولها يلا بسرعة هتفوتنا صلاة العيد و كان جانبينا مساجد كتيرة بس انا فضلت اروح مسجد معين وعليشان امشى مع امى شوية الجو جميل وناس ماشيين كل واحد معاهم المصلية وبسبحوا ويكبروا واصوات المساجد تعلو ............ كان احساس جميل وشعور مريح وصلنا المسجد رغم الزحام وبعدان روحت اجيب الجريدة وبخرت المنزل وعملت الشاى والدتى دخلت تنام بعد ماشربت الشاى وقرات الجريدة كنت في صالة المنزل وانا لسة هطفى النور الصالة وادخل اوضتى اصلى الضحى ثم انام حصلت مشلكة ما حسيت بيها انا عندنا تلاجة مياة موصلة بجهاز تطهير المياة من الحنفية البيت المهم الثلاجة جنب سفرة الطعام وجدت سجادة السفرة ابتلت من الماء الشرب من تلاجة المياة على اخرها ومش عارفة اوقف المياة ومش عارفة ان المياة من اي مكان تسر منه .............. الا اني قفلت محبس الشقة كلها وعمالة امسح واشيل في المياة لحد ما تعبت ........ووالدتى نائمة لاتعرف شىء ما حبيتيش اقلقها المهم حاولت اتصل بالشركة بيعتوا مهندس صيانة (اليوم العيد) ومحديش بيرد على هاتف ........... ومش عارفة اعمل اية شقتنا هتغرق في شبر مياة :d :d :d :d |
بالنسبةلردود الا عضاء سأرد على كل واحد منكم بس في الوقت الاحق ان شاء الله
|
مشاء الله انا تزوجت وجلست شهور وزوجتي طالبه الطلاق
|
| الساعة الآن 08:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©