|
تبين الصدق , هذا مايستاهل إنك تأسفين عليه , واحمدي ربك على الخلاص , وإن شاء الله يعوضك ربي أفضل منه ( إن مع العسر يسرا )
بعدين وش أنتِ فاقدة ؟ عيال مافيه ومكافأتك ماتفرحين فيها , غير الخيانات والكلام في العرض , يعني صراحة اللي مثل كذا نقمة لانعمة . والفكة من جحا غنيمة . ( وجهة نظر ) وهو يمكن يتعامل مع زوجته زين الحين لأنه انكسر شوي (طلق ومايجيه عيال يعني لازم يتنازل ولا ماتصبر الحرمة معاه ) وسواء عامل زوجته أحسن أو رجع لطبعه أنتِ خلاص انسيه ولا تسألين عنه , واحمدي ربك مابينكم عيال يربطونك فيه ( اللي يبيعك بريال بيعيه بقرش )( ومن عافنا عفناه لو كان غالي ) أزيلي كل آثار الحب من قلبك بكل ماستطعتِ من قوة , وادعي الحي القيوم وابتهلي إليه بأن ينزع من قلبك حبه ويعوضك باللي يستاهلك ,,, |
الله يعوضك احسن منه أطوي الماضي وعيشي مستقبلك
|
الي اتوقعه ومفروض تتوقعينه انه ينطوي من حياتك ولا تفكرين يبغاني ولا يفكر فيني هو مابغاك وانتي معاه بيصير يبغاك وانتي بعيده
شوفي حياتك افضل |
يالغلا .. الي يبيعك برخيص بيعيه بتراب..
ماعليه حسافه حبيبتي.. وصدقيني راح تنسينه .. وراح تحسين ان حياتك كانت واقفه معاه .. يعني ماستفدتي بشي معاه .. وعيال مافيه .. الحمدلله كانت تجربه وخلاص... والطلاق مو نهاية الدنيا خصوصا ان ماعندج عيال.. ادرسي استغلي... عيشي حياتج .. والحمدلله هو بعيد عنج يعني ماراح اتشوفينه وايد .. اسمعيني يالغلا.. حاولي ماتسألين عن اخباره ابدا.. |
اقتباس:
اختي الله يصبرك على مبتلاك وصدقيني ان الله فكك من واحد وبيعوضك باللي احسن منه ومافي داعي للأسئلة عز الله انه باعك ومايرسل هالرسايل الا يبغى يحرق قلبك غريبه هذه الشخصية يغالط الناس ونفسة ويعذب زوجته بلا ذنب وكلي الله واسئلي الله من عندة الفرج ان يرزقك بالزوج الصالح واللي يبيعك بهذه الطريقه حتى لو ارسل يوم رساله انتبهي تردين عليه شوفي تراني احذرك لانه خلالالالالالاص طلقك وهو معه وحدة غيرك يعني اهم شي وانا اخوك الكرامه انتي بيجيك زوجك باذن الحي القيوم بيدلعك وبيعوضك عن الايام اللي فاتت وبيصير هالزوج ورقة واحترقت من حياتك صدقيني عموما انتي ذكرت ايه قرانيه واخطاتي فيها ذكرتي ( إنما اشكوا حزني الى الله ) والصحيح ( إنما أشكو بثي وحزني الى الله ) عليك بالاستغفار بالاستغفار والدعاء وصلاة الليل ان شاء الله ينفك حزنك وهمك وانا مجرب هالشي يعني مو كلام ناس اتمنى من الله التوفيق والسداد اخوك / امير الشوق808 |
ربي يفرج كربتك ويسعدك
وإن شاء الله يطلع حبه من قلبك لأنه ما يستاهلك وصدقيني أنه راح يتذكرك في كل لحظة لأنه ما راح يكرر الأخطاء اللي سواه معاك مع زوجته الجديده وراح يعرف كيف كنتي صابره وهو اللي رفس النعمه . دائما تذكري أنه في رب كريم ينصر كل مظلوم والله يرزقك في الزوج اللي يصونك ويقدرك. |
اختي صدق ان قصتك محزنة وبعد تفكرين فية!!!
انسي انك تزوجتي ولا تفكري انة هو يتذكرك ولا لا مثل هذا ما اعتقد انة راح يتذكرك يعني طلقك عشان ألف وبعد اخد المهر ويروح اماكن مو كويسة وتفكري فية انة وانة... يا قلبي انسي كل شيء وفكري بنفسك وصفحة واطويها من حياتك .. ان شاء الله الجاي افضل وفقك الله |
بصراحة اشكر الكل على الردود لانكم رفعتوا من معنوياتي وصدقوني انا ولله الحمد ثقتي بربي كبييييييييييره
لدرجه ماتتوقعون .... وبالنسبة لسؤال اخوي (العام)صار لي تقريبا 4شهور واشكر الاخ امير الشوق للتصحيح انا عارفه الايه ولما كتبتها لطليقي بنية الدعاء مو ذكر الايه بالضبط لان كلمة بثي اتوقع انه مايعرفها وانا لما كتبتها لكم كنت انقلكم الواقع بالحرف الواحد لان يدي راح تشهد علي يوم الحساب وارجو من الله العزيز القدير ان يحرم على وجوهكم الطيبة النار بصراحة انا اول ما تطلقت كانت بداية الاجازة اللي فاتت فدخلت نادي رياضي علشان الهي نفسي عن التفكير فيه لين تبتدي الدراسة والحمدالله لكن اللي ضايقني ليش الحين اتذكره وليش اهتم له ؟ ودمتم في رعاية الله |
اعوذ بالله هذا بشر؟؟ هذا ما يستاهل دمعة من عيونك هذا المفروض تصلين صلاة شكر عشان ربي ريحك منه وبكرا ربي يوفقك ويرزقك بالرجل الصالح اللي يحبك ويقدرك وبتقولين في نفسك اشوا اني ماضيعت حياتي مع اللي مايستاهل..
الحمدلله انك صغيره وشابة وما راحت ايامك مع اللي ما يتسمى الحمدلله ان العمر قدامك وعندك الوقت الكافي للدراسه والعمل والحب والزواج والانجاب.. اجل حياة مافيها استقرار ولا حب ولا راحة ولا اطفال! اعوذ بالله والحمدلله ان ربي ريحك منه لا عاد تفكرين فيه ولا يجي على بالك ابدا والله ما يستاهل ارميه وراك وفكري كيف ربي بيعوضك صبرك وايش بيرزقك اطمعي بكرم الله ورزقه واستغفريه واحمديه ليلا نهارا.. |
قصتج تعور القلب
عسى الله يعوضج بالاحسن منه يارب ياكريم عاجلا غير اجلا هالانسان ماكان يضيف لج شي في حياتج انتي تستاهلين الافضل وصدقيني ان شاءالله رب العالمين مابينساج وبيعوووضج باللي يستاهلج.....واصبري وشوفي شو بيصير فيه ترا الظلم ظلمات يوم القيامة....ظلمج وجزاه على الله عسى الله يسعدج ويعوضج |
| الساعة الآن 02:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©