اخوانه مااعتقد ينفعوني بعد مواقفهم السلبيه ناحيته والله يعين الجميع مشكور اخوي

اخوي سن رايز اخووه موقفه سلبي جدا وانا ماظلمت الرجال لانه ماحاول انه يوديه الطبيب لأ استخدم القوه على طوول حتى الحيله مااستخدمها ..

الله يسلمك اخوي وفعلا زوجي مايأذيني جسديا يأذيني نفسيا ومعنويا مااحب اشوفه متضايق لانه زوجي وحبيبي وابو ولدي وحاول اخفف عنه والعلاج ياخذه بأنتظام وبوقته والمراجعات مايطوفها من ولدت طفلي وهو منتظم بمراجعاته..

انا ناويه على هالشي ان شاء الله بمراجعته الجايه بروح معاه وان شاء الله يفيدني هالشي مشكوره اختي

اشكرك اخوي على كلامك بصراحه ريحني كثير وانا بالفعل قاعده اسوي هالشي يروح لبرعه ويجتمع معاهم على الاقل يلتهي عن التفكير والوساوس ..

والعلاج اللي يأخذه ممتاز جدا والدليل غلات ثمنه غالي جدا لكن يصرف له ببلاش من المستشفى مشكورين تصوور ثمنه 4000 ريال سعودي لان مفعوله قوي وان شاء الله يفيده مع الايام لكن مشكلتي انه لي الحين يفكر ويسرح كثير ..

بالنسبه لمواقع الاستشارات النفسيه ياليت تدلني عليها لاني ماني عارفه القاها اسفه اذا ثقلت عليك مشكوور اخوي علي رايك وحلك ..

ماأملك لك الا الدعاء الله يفرج لك

الله اعلم حاولي اختي ان لا تشعريه بالحاجه الماديه وان حالكم ما شاء الله افضل من كثير وان الله هو مقدر الارزاق . ثم ان كان بامكانك اعملي في مجالك وساعديه قولي له انك بودك العمل و اثبات مهاراتي لا تذكري الماده ابدا.
والله يرزقكم ويشفيه اللهم امين امين

اختي مياس مشكورره اختي على مرورج وانا بصراحه محتاجه لدعائج جزاج الله خيير

اخوي لووف 3 انا حاليا ادور وظيفه لان شهادتي دبلوم ويبيلها وقت عشان يقبلوني اتوظف وانا يشهد علي الله ماعمري ضغطت عليه بالفلوس بالعكـس اكثر الاحيان اذا احتاج اعطيه ومره بعت ذهب عشان خاطره ..

والمشكله الكبرى اخوي يأخذ منه فلوس كل شهر وسبب له ازمه ماديه :(

اختي اول شي الله يعينك ويصبرك ويشفيه يارب

اسمعي اختي على قولة المثل أسال مجرب ولا تسأل طبيب

والدي عنده نفس حاله زوجك تقريباً بس الفرق ان سبب المرض لوالدي من جدي لان كان يخاصمه قدامنا ولان يطلب منه يعيش معه ويعطيه راتبه المهم والشاهد في الموضوع لازم توقفين معاه أنتـــــــــــي وحطي بينها اقواس كثيره انتي

لان المريض مايحب احد يتعاطف معاه اي احد اي كان لكن من زوجته وعياله بالعكس بيفرح

اول شي اترجي فيه انك تروحين معاه لدكتوره مثل مااعمل انا ومع ان في البدايه ماوافق ابوي رفض نهائيا ولحد مااقنعته وان احنا نحبه ونبي له الخير ولمن كنت اروح معاه في البدايه كان يحفظني وش اقول للدكتور وسويت الي قالي عليه في البدايه لكن اخذت رقم الدكتور وكلمته وقلتله كل شي (( لان المريض النفسي لازم احد يروووح معاه لان هم مايدري عن حاله )) فاهمتني <<<<<< هذا من ناحية الدكتور

ومن ناحيه البيت حاولي باي طريقه تكونين معاه ولا تتركين له مجال يفكر ابدآ ..... انا بصراحه اجلس عند ابوي وكل ماشفته راح بعيد اصرخ عليه ويستوعب ويضحك بحركتي

واهم شي والمهم والهام الــــــدواء بانتظام وعلى الوقت ابوي صارله اكثر من 15 سنه على العلاج والحمدالله على كل حال صحيح احيان يظطر التنويم بالمستشفى وجلسات كهربايئه لان احيان مايعرفنا وينكرنا لكن الحمدالله الحمدالله يارب وين كنا وين صرنا اللهم لك الحمد والشكر

واي سؤال انا حاضره اختي بس باامانه اصبري عليه والله اني عشت الحاله مع الوالد وقد ايش تعبنا وهو نفسه تعب اكثر منا والوالده تعبت كثير بس صبرت صبرت ماشاءالله تبارك الرحمن وبصراحه اقولها لو بنات هالوقت مايصبرون لان عاشت معاه عيشه كثير صعبه

وحاولي انتي تتصدقي بنيت شفاءه وحاولي معاه يترك الاغاني ويواظب على صلاته وصدقيني مافي شي على الزوجه مستحيل لاتجلسين وتناظرين وتقولين ماااقدر

وبالنسبه لأخوانه انا بصراحه ماشفت عماني وقفو مع ابوي استغفرالله يارب والله ماغير زادوه مرض من كثر مايطلبون منه فلوس وسيارات لهم وماقولك هالشي اكرهك فيهم لا والله بس اقولك هالشي من واقع تجربه وماكانو يعترفون بمرضه ويقولون طيب بس احنا الي تعبنا والله لان عايشين معاه والله يطوول بعمره ويخليه لنا يارب قوولي آمين

واسفه اختي طولت عليك بس والله بغيت اساعدك وحزنت بصراحه كثير وذكرتيني باشياء كثيره الله المستعان

تحيتي

اختي غاليتي ام البراء يارب يشرح صدرج مثل ماشرحتي صدري وريجتيني تصدقين اني احسب اني انا الوحيده اللي اعاني هالمعاناه كلامج ريحني الله يريحج وانا صابره ومالي غنا عن رب العالمين ودايما ادعي ان الله يشفيه تصدقين انه هو دايمن يطلب مني اروح معاه للمستشفى اذا عنده مراجعه لكن انا اتحجج لاني بيني وبينج اخااف من مواجهت الطبيب رحت معاه مرتين وشفت مناظر نحمد الله على الصحه يارب والله يشفى مرضى المسلمين ..

لكن شكلي بروح معاه بمراجعته الجايه لانه كل شهر يكون عنده مراجعه وبكلم الدكتور وبحاول اخذ رقمه وبمشي بنصيحتج والله يجيب اللي فيه الخير

وفعلا كل مااشوفه سرحان ويفكر اكلمه احاول الفت انتباهه لي ولولده واحيانا اقوله انا عازمتك على غدا او عشا اهم شي اطلعه من البؤوره اللي حاكر نفسه فيها وياختي ثلاث ارباع مشكلته اخووه الله يهديه يعرف ان اذا زوجي قلت فلوسه يتعب نفسيا لكن هو مصر يأخذ منه كل شهر مبلغ مو هيين مع العلم اني عايشه عنده وكأننا ماجرين عند اخووه تصوري !!

انا اقنعته اننا نسكن بروحنا ونأخذ شقه بعيده عن اخوه الطماع والحمدلله اقتنع وبعد شهرين بنسكن الشقه..

لا والله ماطولتي علي اتمنى تفيديني بتجربتج مع والدج الله يخليه لج ويطول بعمره يارب ..