|
اخواتي احذركم من سوفت اند بيوتفل لأنه يحرق الشعر-مجربه
بعد استخدامه يبهت الشعر ومايتجاوب مع اي كريم او حمام زيت او اي شي لكن اضراره اهون من انواع الفرد الاثانيه الي بالصالون المهم انتبهوا من الفرد الموجود بالصالونات سارت مشاكل كثير بسببه ولو مصره روحي لصالون كبير والي تسويلك الفرد يكون عندها شهاده في تطبيق نوعية الفرد ولو مصره على الفرد0.................. اسألي على فرد لوريال يمكن يكون اهون لكن بالنسبه لماتريكس انا سمعت انهم شركه تعالج الشعر المتعب الأجعد او المصبوغ او الي فيه قشره -وكنت ابغى اجربهم بس ماجربت وصاحبة الصالون تمدح فيه وتقول انه يغني عن الفرد ويعالج الشعر بس خايفه منه ياليت الي عندها فكره عن ماتريكس تقولنا-اسم المنتجات(بيولاج) حبيت اوضح عشان ماتتسرعوا في الفرد وتزعلوا من الي يسير بعد كذا أختي الفاضله:يُمنع ذكر أسماء الصوالين النسائيه ومراكز التجميل.. وفقك الله.. |
أنا سويت فرد اليوكو وهو حلو ويعطي الشعر لون بني ويصلح للشعر المتوسط الخشونة
وسويت الفرد البروتيني وهو أنعم من اليوكو بس تلفيفه صعب وخاصة للشعر القصير وهو يصلح للشعر الخشن مرة وفي كل الحالتين أخذت إبر تساقط ( ست إبر, الوحدة منهم ب25 ) بس ناسية اسمهم وعلبتهم مائية عليها كتابات تركواز والظاهر إنهن ثلاث حروف إنجليزية طبعا , واللي استخدموا غيرهن يقولون ماهي زيهن في منع التساقط . وفيه حاجة للجفاف والخشونة طحت فيها من وقت قريب وبصراحة راااائعة وأخذوها مني المدرسات ويدعون لي بالزواج من يوم استخدموها ( يعني ادعي لي )....أمزح عليك المهم ياستي الوصفة هي جرة زيت عافية ( أصغر جرة اللي على شكل ذرة ) وتجيبين نص كاس حلبة مطحونة وتحطينها بالزيت وتخلينها بمكان مكتوم ( حار) لمدة عشر أيام بعدين تفتحينها وتخلينها يومين بالشمس ( وهي مفتوحة ) بعدين تسعملينها , تحطين الزيت على شعرك وتكتمينه بكيس أو قبعة بلاستيك لمدة ساعتين وبعدين تتسبحين وتنظفين شعرك , وبالنسبة للريحة تكون موجودة والزيت على شعرك لكن إذا تسبحتي بالشامبو وتنظفتي تروح وإن شاء الله بتلاحظين التالي نعومة , لمعان , كثرة وعدم تساقط استخدميه مرة بالأسبوع وشوفي النتائج |
انا انصحك تسوي فرد اليوكو ........................
.................................................. ... مايطيح الشهر ولا يبين انه مفرود ويخلي شكله طبيعي وفيه لمعه هو علاج اكثر من انه فرد أختي الفاضله:يُمنع ذكر أسماء الصوالين النسائيه ومراكز التجميل.. وفقك الله.. |
انا بصراحه فرد ويلا من فتره طويله هو حلووووو بس مره الشعر يتساقط وبشكل مخيف حتى وقته اتذكر بكيت وبس سيطرت عليه بحمام الزيت والابر الحمدالله
والحين قريب ناويه افرد وكثير امدحولي ب فرد الكيراتيــــــــــن ؟؟؟؟؟؟؟؟ ياليت وحده جربته او وحده من قريباتها تفيدنا واذا فردت شعري اقدر اصبغه والا لا وفرد الكيراتين يعطي لون الشعر سواد والا بس فـــــرد؟؟؟؟؟ انا بصراحه شعري مو خشن مره .. بس مااحب استشور والله يعطيها العافيه ويدخلها الجنه ويحسن خاتمتها الي ترد علي |
انا استخدمت فرد اليوكو مرررررررررررررره روعه
وبعد ما ولدت استخدمت فرد الكيراتين لا اليوكو كان غالي كثير وسمعت عن الكيراتين مدح في الجرايد مو طبيعي قلت اجرب لانه ارخص بس للاسف طلع شعري اشهب ويطيح بشكل موطبيعي وواقف من الاطراف |
قال رسولناالحبيب« إذادعاالرجل لأخيه بظهرالغيب قالت الملائكة:ولك بالمثل
حياكم الله وبياكم .. وأصلح الله شعورنا وشعوركم تاج جمال المرأة .. ^rashroshaaaa^ ^بنت الجوهرتين^ ^الصخرة النارية^ ^ensaaan^ حمستيني أعمل الخلط حقتك ... ومن عيوني أدعي لك ياعسل .. ^العرووووس^ ^ام البراء^ جزاكم الله خيرا على التفاعل وعلى الردود .. والله يعطيكم الصحة والعافية.. |
بصراحه ودي افرد لكن متخوفه وامي بعد رافضه وسبحان الله اي شي امي ماترضى فيه ماتوفق فيه وعشان كذا خائفه
امس كلمتني وحده من زميلاتي ونصحتني بحناء صبغه سوداء لكن الى الآن اشاور نفسي لان بصراحه شعري غالي ههههههه وبالذات هالفتره والله يكثر شعورنا ويطولها ويديم علينا نعمه يااااااارب |
فيه خلطه بس ماجربتها وياجربها اليوم ان شاء الله
نص كاسه سمسم محمص ومطحون ( معروف عن السمسم يعطي نعومه ) علبة زبادي 2 ملعقة مايونيز اخلطيهم وحطيهم على الشعر وغطيها ببايونيه او كيس لمدة ساعتين في الاسبوع مره وغسليه نعومه ولمعان وتستغني عن الاستشوار |
مرحبا أختى الفاضلة أحسن تجربة لهذا الشعر هو فرده بطريقة سحب الرطوبة يعنى قولي للكوافير أو الكوافيرة أنك تريدين سحب الرطوبة لشعرك وراح تنتهى المشكلة عندك وبالتوفيق ان شاء الله مع تحياتي
|
قال رسولناالحبيب« إذادعاالرجل لأخيه بظهرالغيب قالت الملائكة:ولك بالمثل
مشكورة على مروركم ونصائحكم الطيبة .. وجزاكم الله خيراً .. ^ام البراء^ نصيحتها غريبة كيف حنة وصبغة سوداء " يعني حنة صناعية " ؟؟! ^سابرينا^ جئت على هذه عزيزتي نسويها إن شاء الله ونجرب .. ^هيفاء طافش^ حقيقاً ما فهمت كيف أعمل له سحب رطوبة وهو محتاج يترطب أكثر .. |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©