|
جزااااااااااكم الله كل خير جمييييييعا فردا فردا احباااابي..انا لن اطلبه بالطلاق ..لن اقبل به كحل ..ما دام الله ممدني بمدد من عنده صعب في مجتمعي اكون مطلقة وقلت لكم السبب في المووضوع اللي نزلته بقسم الدعاوي والتهاني ثم اني لا اتصوووور نفسي مع رجل اخر ..برغم سلبيات زوجي وعشرة 13 سنة لن تمحى بسهولة من ذاكرتي برغم المرارة التي احس بها لا اخفيكم اليوم بعد ان قال لي زوجي هذا الكلام وخيرني بين الطلاق وبين الرضا بوضعه بكيييييييييييييييت وعشت نفسي على اني مطلقة وقال لي خذي كل عفشك من البيت ..لا تخلي حاجة ..وبدأت افكر كيف اجمع وكيف يستقبلني اهلي وكيف سيكون وقع الخبر على اهلي وعلى اختي الصغيرة حبيبة قلبي وانا من زمااااااااااااااااااااااان ما ناقشته زي هالمناقشة اصلا هو ما يخليني اناقشه بسهولة (طبعا مناقشته انه هو صاحب الرأي ولا ينظر لي مجرد نظرة واحدة ..ولك ان تتخيل انك تكلم انسان ووجه مع شخص اخر أو هو مع التلفاز او مع النت الخ ) قلت لكم مرااااااااااارا وتكرارا..زوجي مو متأثرة نفسيته عشان الخلفة ابدا ابدا ابدا اصلا اليوم قال لي ..انتي وش تبين بالاطفال..(قال لي هالكلام بعد ما عرف اني شريت ملابس للاطفال حق شهر وشهرين لما رحت اشتري لي ملابس عيد..) وقال لي اثناء المناقشة..دام اني ما اعطيك حقوقك على قولك وما اسعى للعيال وما عندنا اطفال خلاص خلينا كل يروح في حال سبيله سبـــــــــــــــــــق ان قلت لكم..ان زوجي مستعدددددد يضحي فيني بس عشان ما يخرب اجواء عزلته وواقعه الانعزالي ..قال لي انا كذا..اذا ما اعجبك والله مع السلامة ..بيت اهلك يستقبلك وكم مرة قلت له انا ما اقدر اعيش بدونك..عشت معك مراهقتي وشبابي كيف تبغاني انساك بسهولة ولا نفترق بسهولة..قال الله واكبر يستخف بكلامي تكفووووووووووون ادعوا لي ان الله يفرج عني ولا اتطلق ويرزقني بالولد الصالح اللي يعوضني خيرا..ويكون بار فيي |
حبيبتي فرج الله همك وأزال كربك وملأ حياتك سعادة ومرح لا أدري لماذا نقفل الأبواب على أنفسنا دائما مع أن الله والشرع كفل لنا الحياة السعيده في جميع أمور حياتنا حبيبتي قد يكون في علم الغيب أن الله كفل لك السعاده مع زوج اخر بعد الأنفصال من زوجك هذا... أعلم أن الأمر بالنسبه لك قد يكون صعبا ولكن صدقيني كل شيء في بدايته صعب فالحياة على هذاالأسلوب مستحيله بل هي موت بالبطيء ..انا أعرف الكثيرات عشن بنفس وضعك وفي النهايه تشجعن واتخذن القرار الصعب وهن يعشن الأن حياة سعيده مع زينة الحياة الدنيا وهم الأبناء ... صدقيني الأمومه شيء ثمين لايمكن التنازل عنه مهما كان الزوج.... لا تنسي الأستخاره في جميع أمور حياتك...مع دعواتي الصادقه لك بالسعاده.... CC0033 |
و عليكم السلام اختي غلا
لا حول و لاقوه الا بالله ..... لا و الله ما اوجعتي روسنا لكن ضيقتي صدورنا الناس بأيام عيد مبسوطه و فرحانه و انتي حالتك حاله الله يكون بعونك و يربط على قلبك و يفرج همك ويرزقك بالذريه الصالحه في القريب العاجل و هو القادر على كل شئ سبحانه . |
غاليتي غلا
مهما قلنا ومهم نصحنا انتي اعرف بزوجج 13 سنه عشره انتي الوحيده اللي تقدرين تقررين بس في نقطه انا ملاحظتها الله يفرج عليج |
السلام عليكم
اختي غلا...نحن اخوانك في المنتدى ...والحقيقه انه التطورات الاخيره عندك كثيرا ارقتني وانزعجت لاجلك ...ولكن كوني كما قلت (يا جبل ما يهزك ريح) اصبري اختي عسى الله يهديه ويعود لك كما تشتهين اختي غلا...قد يكون هناك ما يكدر مزاج زوجك..من امور الدنيا او ان هناك ما يشغل باله في عمله ...حاولي يا اختي ان تصبري وان تجذبيه اليك الله يرضى عليك ..يا غلا لا تنفعلي سريعا...وكوني هادئه..واظهري له اهتمامك به زوديه شويه هذه الايام...والله يفرج همك..ويرزقك منه البنات والبنون الله يرضى عليك ..تحملي وحاولي ان تخففي حده الانفعال بينكم ولك كل الامنيات بان تتحسن الاوضاع بينكم ...وطمنينا عن الاحوال |
عزيزتي غلا
الله يصبرج على اللي انتي فيه و يصلح بينج و بين زوجج .. اسمحيلي اقولج رايي و فكري فيه شوي انا عارفه انج مظلومة في الوضع هذا من اوله لاخره و انج صبرتي وايد و كنتي تترين ان ريلج يقدر صبرج هذا و يحطج على راسه بس اللي حصلتيه العكس لكن مع هذا اقول .. انتي فكرتي في حالة ريلج؟؟ فكرتي شو احساسه هو؟؟ يوم يحس انه مو قادر يؤدي واجبه معاج و لا يعطيج حقوقج؟؟ حطي نفسج مكانه ريال لا قادر عالعيال و لا قادر على الصرف شو باقي من رجولته؟؟ شو تتريين منه انه يقول؟؟ حطي نفسج مكانه شوي و اتخيلي هو كيف شايف نفسه و مدى احساسه النقص و الضعف قامج انتي تقولين انج صابره و ما تطلبين منه شي .. الله يجزيج الخير و يكملج بعقلج ... بس في نفس الوقت هذا مو شي مريح لريلج لانه عارف واجباته و عارف احتياجاتج و احتياجات البيت حتى لو ما طلبتيها يا حبيبتي و الله ما في اقسى على الريال من ان زوجته او عياله يطلبون منه شي و ما يقدر يجيبه .. البعض يتظاهر بالعصبية او بالبخل او يفتعلون مشكلة مع الزوجة عشان ما يجيبون شي بس في الحقيقة الريال يكون منكسر بس ما يبغي يبين ضعفه ريلج لو ما يباج ما في اسهل من انه يطلقج و ما بيتريا رايج او موافقتج في لحظه بيطلق . لكنه باقي عليج بس ما بيده شي .. و انتي لازم تكونيله عون .. اصبري عليه .. اتخيلي احساسه يوم يقولج بطلقج و اتزوجي واحد ثاني يعطيج حقوقج .. اكيد هالكلام جرحج بس اتخيي احساسه هو اكيد هو ما قال هالكلام الا لانه حاسس بالنقص و انه مو قادر يعطيج اللي تبغينه و هذا يكسر اي انسان خلج صابرة و الله بيعوضج على صبرج خير ان شاء الله .. بس لا تكونين انتي و الزمن على ريلج .. كونيله الصدر الحنون اللي يرمي عليه كل همومه .. لو ما كلمج انتي كلميه لا تتناقشون في شي خاصة الحين و الوضع بينكم متازم .. ترى الرياييل ما ييبهم الزعل اساليني انا .. تعاليله بالطيب و بالدلع و لا تحسسينه بنقصه و الاهم لا تحسسينه انج تضحين .. حسسيه انه بالنسبة لج الدنيا و ما فيها و ان وجوده اهم من اي شي ثاني اهم من المال و العيال و هذا الصدق .. شو فايدة ان يكون عندج عيال و طلباتج المادية متوفرة بس انتي و ريلج متفارقين او كارهين بعض؟؟ فكري حبيبتي بهدوء و اتحملي و ارضي باللي الله كتبه لج و ان شاء الله ربج بيعوضج عن صبرج بكل خير تحياتي |
فجعتنا ياغلا
وفوق الالم ازددت الم الله يفرجها عليكم والله يبعد الشر عنكم كذا عندي احساس والله لا يجيب ذاك اليوم لكن توقع لو قلتي ابي .... ماراح يستغنى عنك وهو الي راح يتمسك حتى لو طبعه الصمت الله لا يفرقكم ويجمع بينكم على خير ..... |
اقتباس:
والله يالغالية .. انا بعد هذا الي جا على بالي.. احسه يحبك .. ومايبي يظلمك معاه .. الله يعينك .. ويكتب لكم الي فيه الخير.. انتي وزوجك .. قلبي معاك يالغلا |
اختي غلا ..
تبين نصيحتي وانا اخوك .. طنشيه ولا تكلميه مثل ماقالك ... طبعاً قومي بحقوقه كاملة من اكل وشرب ولبس و....الخ. لكن طنشيه ولاتكلميه.. صدقيني ان الهجر سلاح يستخدمه الرجال والنساء سواءً .. زوجك الآن في رآيي (ناشز) ...ولامؤاخذة وباين انه انسان عنيد وراسه يابس .. لكن انا متأكد انه يحبك ومايقدر يفرط فيكي ابد ..بدليل 13 سنة ماشاء الله لاقوة الا بالله.. هذا اللي بينكم احتقان بسبب ضغوط العيد وعدم الانجاب .. ونصيحة اخوية .. اذا ربي يسر امرك مع زوجك إن شاء الله لاتسكتين على نفسك بالعلاج .. بلا مستشفيات حكومية بلا كلام فاضي .. والله 13 سنة كثير يابنت الحلال وتستاهل منكم انكم تهتموا بذا الموضوع اكثر .. الله يرزقكم الذرية الصالحة يااختي .. نعود لخطة الصمت .. شوفي يااختي .. والله الصمت افضل من حواركم مع بعض حالياً .. انا اشوف في حواركم الكثير من الاستفزاز لبعضكم .. انتي تقولين كلمه تستفزه وهو يرد عليكي او بالعكس .. وصدقيني كله كلام زعل وانا اخوكي .. انتي بس اسمعي كلامي في هذي النقطة بالذات يا غلا واسكتي بالمرة ... ادخلي مثلا عليه وانتي محضرة براد شاهي وحطيه قدامه .. رح يقولك ايش هذا .. قوليله (شاهي ) .. رح يقول ادري انه شاهي ..انا ماطلبته .. قوليله ابشر ..اللي تبيه .. وقومي بهدوء بدون زعل وشيلي الشاهي من امامه وروحي المطبخ ولا ترجعين له .. صدقيني رح يقدر يفكر بالتالي : ( هذي ايش تبي ؟؟ ... اكيد انها تحبني بس الشيطان الله يلعنه .. والله انها وحشتني ...) صدقيني يااخت غلا ان اغلب الرجال تفكيرهم كذا .. ينظرون (بالنهاية) الى المرأة على اساس انها ضعيفة وبنت حلال .. اللي يخرب الحياة الزوجية العناد وانا اخوكي .. لاتعانديه وقولي ابشر ..طيب ...حاضر ... والله انك تلقميه حجر .. وفي النهاية رح يستحي على وجهه وبيجي يتحرش بيكي بالكلام علشان يسترضيكي .. اصبري عليه ...ترى اغلب الرجال مايعتذرون بسرعة علشان كرامتهم ... بس والله ان الصمت والهدوء والصبر رح يوصلك الى غايتك .. اذا كلمك على طلاق وكلام فاضي قوليله بالحرف ( هذا بيتي وانت زوجي وانا احبك وماابي طلاق ..اذا بتطلق بكيفك الله يهديك ) لاتقولي اكثر من كذا .. لاتقولي انت كل حياتي وانا متمسكة بك و....الخ ترى اكثر الرجال مايحبون الافلام والكلام الكثير .. انتي بتلك العبارات تخاطبين عقله .. ووقت المشاكل لاتخاطبين قلب زوجك ..خاطبي عقله وتقدري تحلينها بإذن الله تعالى .. الله يوفقك يااختي غلا .. وطمنينا على حالك ترى انتي مننا وفينا ولك مقدار بيننا .. |
الاخت غلا
بارك الله فيك ونسأل الله ان يهدى زوجك وان يرزقك الذرية الصالحة البارية بك يا اختى داومى على الاستغفار فهو سبب للرزق والعيال وحافظى على الصلاة فى جوف الليل وخصوصا قبل صلاة الفجر واسألى الله الكريم الحليم رب العرش العظيم واكثرى من الصلاة على الحبيب المصطفى صلى الله عليه وسلم فقد قال علية الصلاة والسلام هى فرج من كل ضيق ولا اقول استغفرى عشرة مرات او عشرون بل مئات المرات فى اليوم وكذا الصلاة الابراهيمية واكثرى من حسبى الله ونعم الوكيل ولا حول ولا قوة الا بالله وعليك بالقرآن العظيم فقد قال سيدنا محمد صلى الله عليه وسلم من اراد الدنيا فعليه بالقرآن ومن اراد الأخرة فعلية بالقرآن ومن ارادهما معا فعلية بالقرآن اجتهدى فى القراءة وان شاء الله ربينا يجعل لك من كل ضيق فرجا لن اتحدث الان عن زوجك ولكن والله ان شاء الله لو فعلتى ما اخبرتك فبأذن الله ستنصلح كل حياتك وسينصلح حال زوجك بأذن الله ويتم نعمة عليكم ويرزقمك بالذرية بأذن الله وان شاء الله عندى بعض الاشياء الهامة عن الانجاب بأذن الله احضرها لك غذا والله الموفق وان شاء الله تبدأ من اليوم فى الصلاة والدعاء ولا تنسى دعاء الكرب وادعية فك الهم على فكرة الاخت نايت بارك الله فيها ارسلت موضوع امس او اول امس عن الدعاء ويمكن ان تبحثى عن موضوعات الاخت نايت واسمها Night2005 وستجدى موضوع الاديعة وان شاء الله خير بأذن الله تعالى ولا تنسى قول الله عز وجل "ادعونى استجب لكم" |
| الساعة الآن 07:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©