|
الله يجمع شملكم من اجل اطفالكم .........
وزوجتك ما عملت هيك الا من اجل حبها لك وغيرتها عليك الله يحنن قلبها عليك ,,,,,,, |
مشكور فرح على تفاعلك انا فعلا ارسلت احد يجس النبض وكان هذا عقب طلاقي بثلاث اشهر فقط وكذلك بعد زواجي وكان ردها سلبي ورافض. انا سؤالي هل تعتقدين رفضها هذا نهائي يعني ما احاول مرة ثانية ولا تظنين انه بعد فترة راح يتغير رايها
|
اخي الكريم صحيح حياتك فيها مشاكل كما ذكرت
لاكن اخي لا تنسى عيالك والله اكيد نفسياتهم مدمره ولا يمكن يعوضهم عن اللي هم فيه الا اجتماعكم في بيت واحد انت وامهم علشان كذا لازم تحاول بدل المره الف مره لازم تحسسها انك تحبها ومتمسك فيها (رغم انه الباين العكس من كلامك) وتبدى بارسال الهديا لطليقتك والله الهديا لها مفعول السحر ليس للمراه وحسب كما اخبر الرسول (تهادوا تحابوا) واستمر على الهديا الى ان ترى منك رغبه صادقه في رجوعها وصدقنى رجوعها معتمد على ذكائك وقدرتك على التعبير بانك مازلت متمسك فيها لا تجيب طارى انك بترجعها علشان عيالك ترى كذا مالك امل لان هذا جرح لكرامتها اكثر واكثر زياده على ماهي مجروحه وبتحس انك بترجعا وانت غير راغب فيها وبصراحه انت كنت شديد مره معاها اخي اين انت من حديث الرسول رفقا بالقوارير ولماذا سماها الصطفى قاروره والحديث ان المراه خلقت من ضلع اعوج واذا اردت ان تقيمه كسرته وكسره طلاقها وين كان قلبك وهي تعتذر وتترجاك لا تقول جرحتني لانك انت بعد جرحتها لانها بعدم قبولك اعتذارها رغم انها كما اسلفت قويه الشخصيه اخي التعدد حل مشروع لاكن قسوتك عليها في غير محاها عموما احس من سوالك نيه غير جاده وكانك تريد اراحه صوت داخل ضميرك يحثك على الرجعه ومتخوف من رجوعها يخرب عليك هنائك الي تقول عنه عموما لو كتب ربي لها رجوع عليك بالعدل وعدم الانجراف ورى عروسك الجديده واذا لم ترجع لا تنسي تاخذ عيالك كل اسبوع وتسافر معهم في الاجازات لعل تعوضهم خيرا عموما دائما الاولاد هم الضحيه في كل قصص الطلاق واسفه على الاطاله واذا كان كلامي قاسي وفق الله الجميع لما يحب ويرضى |
في راي
اذا احببنا الشخص في الله ... اذا عاملناه أحسن معامله ولو من وراء النفس ونيتنا انها لله .. اراح الله قلوبنا ووفقنا ... الاطفال احباب الله ... والمراه ..لاتريد غير قلب رجل محب ..يضمها بصدره حمايه وبكل حب ورعايه عزيزي ... ارجع اليها بكل حب واهتمام من آجل احباب الله ومنآجل امهم ..راحه الأم واشباع عواطفها واحتياجاتها ..يخلق جيل قوي ..ناجح. انا ...خسرت كل شي فقط لانه اختار غيري وتجاهلني .. وعيالي ...اصبحوااا معقدين وفي قلوبهم حقد وحسد على كل سعيد.. رغم توفر كل الماديات لديهم.. فقدوا الام والاب شعروا باليتم وهم بين ام واب وزوجه اب واهل.. ولكن بدون استقر ار ولا امان .. وما قلته لك حقيقه توصلت اليها بعد طلاقي ....لو احببته لله وصبرت من آجل احباب الله ...لكنت الان سعيده ومرتاحه. راحه الام وسعادتها بين عيالها ومع زوجها ... انا اموري مستقره ولكن في قلبي غصه ..وحزن على ملك زال. ارجو ان تفكر وتقرر ..وتنظر الى مستقبل عيالك النفسي والمادي.. والله الموفق |
اقتباس:
نعم كلام صحيح 100% والله من واقع عايشته لاقربائي نفسيتهم متحطمه وايضا حاقدين على المجتمع خاصه السعداء اخي فاقد الشي لا يعطيه خاصه اذا كانت امهم فاقده للتفاهم معك والمحبه والعطف عليها فلا يمكن ان تعطي اولادها الحب والعطف والذين هم بحاجته اخوي حاول بدل المراه الف لازم تحس انك شاريها وفق الله الجميع واسفه لعودتي للمشاركه لاكن لا ادري تفاعلت مع القصه بشكل كبير وبصراحه كسرو خاطري الاولاد (وامهم) |
والله انا جازم اراجعها بس هي ترفض وتسد الطريق بوجهي
انا ودي احد يعلمني كيف ابدء معها علشان تقبل الرجوع ارجوكم اريد طريقه ناجحه وشكرا |
الله يبارك في زوجتك الجديده ويحببك فيها ويعطي زوجتك الاولى العقل والحكمه علشان ترجع وتعرف ان الرجال هم القوامين على النساء وتبعد عن التحدي معاك |
اولا مبروك عليك زواجك الثانى
ثانيا اذا انت ناوى ترجع طليقتك لا تنسى شخصيتها القويه التى سوف تسبب لك مقارنه دائمه مع زوجتك الجديده (التى من المفترض تكون شخصيتها غير الاولى) وهذا الشئ يمكن ما يخليك تقدر تعدل بينهم لانك سوف تميل للجديده اكثر فنصيحتى لك هى صلاة الاستخاره |
دامك حاولت ولارجعت خلاص لاتنكد على نفسك وعلى زوجتك بتفكيرك فيها والله ذي مبين من شخصيتها أنها مشكلجيه والله يعينك عليها بدل ماتغار عليك من اي أنثى بتصير تسوي مشاكل من لاشي مع زوجتك الجديده عطني ولاتعطيني أنت تحبها أكثرمني وتدخل في دوامه أنت في غنى عنها,,أنت الزم ماعليك عيالك أنا أقترح ومن خلال مشاهدتي لناس كثير حولي طلقوحريمهم حطولهم بيت لها ولعيالها هو الي يصرف عليه ويروح ويجي عليهم ويشتريلهم الي ناقصهم بدون ماترجع له يعني جالسه معهم بس في بيت أبوهم وجايب لهم سواق يقضي مشاويرهم وبكذا يكون قريب منهم وفي نفس الوقت مستقر مع زوجته ولازم تتابعهم في المدرسه وفي الصلاة مو معنى أنك مطلق امهم يكون كل الحمل عليها,,وصدقني فيه ناس عايشين مع أمهم وأبوهم مو مستقرين نفسيآ لأن البيت كله مشاكل واطفال مستقرين وأمهم وابوهم مطلقين..والله يوفق الجميع يارب
|
تبي الطريق المختصر...
شوف وش تبي وسويه لها! تبي الطريق الطويل.. صارح نفسك.. هي ليه كانت تشك؟ وش اللي كان سبب المشاكل بينكم؟ شخصيتها رجولية يعني أخت رجال... يعني لازم تقتنع.. و لا ترخص بنفسها! العيال ممكن تتعاونون علي تربيتهم من دون ما ترجعون لبعض! لكن إذا كنت تبي ترجعها لنفسها.. يمكن يبي لك تبدأ تشوف حسناتها شوي... كل شئ بالدنيا له وجهين.. العناد ممكن يكون ثبات وصمود... الرجولية علي قولك ممكن تكون أخت رجال وحرة... الجرأة ممكن تكون شجاعة وممكن تكون تهور! شوف وش تبي تشوف منها الوجه الزين ولا الشين.. يمكن هي لما تحس إنك بديت تنظر لها نظرة إيجابية تتغير؟! أهم شئ مع حرمة مثلها تكون صريح ومباشر.. بدون لف ودوران .. ومساومات! |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©