|
سابرينا
هذا اللي شايله همه أني أكدر خاطر أمي وأبويا وولد الناس اللي ماله ذنب .. طيب أنا استخير وارتاح بس يعني ساعات وارجع احس بعدم قبول هالشئ اللي جنني ليه كذا يصير معايا ؟؟ وشكرا على مرورك نورتي :) |
هذا شي طبيعي تمر فيه اي بنت تنخطب انا لما انخطبت بعد ما وافقت كانت نفسيتي زفت وكنت احس اني تسرعت بالرد وكنت احيانا ابي اقول لاهلي اني ماني موافقة لكن الحمدلله كانت فترة وعدت وتم الموضوع على خير استخيري ربك واكثري من الدعاء واذا كان الشاب مثل ما تقولين اخلاقه عاليه وما يعيبه شي واهله شارينك لا تخسرينهم والله يكتب لك اللي فيه الخير ان شاء الله |
اقتباس:
|
حبيبتي انا لما انخطبت جتني حالات كثيره مره اكون متحمسه ومره اكون خايفه ومتردده
ومره اقول لا خلاص برفض مو مستعده للارتباط بس بعدين قلت انا تعبت وخلاص بخلي الامور تمشي وماراح اشغل بالي والحمدلله بعد الملكه ارتحت وكانت تاتيني هالحالات بعد الملجه بس بعد ماتعلقت فيه نشيت كل شي وانتي استخترتي ربج وهذا احسن مافي الموضوع خليه ع ربج |
لا تضيعينه من ايدك اختي..
ترى كلنا مرينا بهالمرحلة وانا اقولك عن تجربة صرت تقريباً مثل حالتك بس بعدين كل شي تغير وصارت المشاعر كلها حلوة .. |
السلام عليكم ورحمة الله وبركاته
عروستنا الحلوه :14: الله يسعد قلبك يارب ويريح بالك ويختار لك الطيب شوفي ياقلبي الموضوع كله طبيبعي بس في حاجه مهمه جدا جدا جدا وهي حق من حقوقك الشوفه الشرعيه لازم تطلبي الشوفه الشرعيه وحتى لو اكثر من مره تطلبي تشوفيه لعلمك اختي الكبيره شافت خطيبها ولاردت عليهم لمدة شهر وبعدها طلبت تشوفه مره ثانيه وقالت ابغا اخذ عمره وارد لكم خبر وفعلا اخذت عمره وبعدها بأسبوعين طلبت شوفه ثانيه بعدها يادوب وافقت واعطت الجواب:17: اختي الثانيه :11: خطبها وشافها وجلست سنه ماردت الجواب لآنه سافر دوره خارج المملكه ولما رجع شافته مره ثانيه ووافقت عليه:17: انا مره انخطبت ويوم الشوفه جلست شوي وطلعت سألتني اختي شفتيه قلت لأ:d قالت لي ارجعي شوفيه ثاني وكلمت اخويا وقالت له خليها تدخل ثاني عليه تشوفه وفعلا دخلت مره ثانيه وشفته لكن ماصار نصيب والحمدالله المهم ياحبيبتي من حقك الشوفه الشرعيه شوفيه لو خمس دقائق واطلعي واستمري بصلاة الاستخاره واكثري من الدعاء والصدقه والتوكل على الله والله يختار لك الخيره الطيبه |
شكـرا روز الشـرقية والعيـون وعذابة 123
هذي هي حـالتي تمام وربي تعبت كل شوي ابكي من غير سبب طيب لمتى يعني ترى خلاص من شوي سويت إستخـاره بكلم أمي تعبت خلاص بقولها مابغى أتزوج أبوخالد تعرف وربي أحسدك أنك شاب وماتمر بهالشئ شكـررا لكل من رد علي ردودكم خففت كثير وأدعولي ماتصير مشـاكل كثير من ورى هالقرار ترى بكتبه بورقه وبعطيه أمي << من الخوف |
روح الغـالي يـارب ياكريم أن ربي ينولك اللي في بـالك قولي آمين
توقعيك يجنن وأنا صايمه طارت عيوني على الشوكولا تعرفي أنك جبتي الحل السليم أول مره أعرف الناس ترد بعد سنة عـادي وانا يخلوني بس أسبـوع أفكر :29: أني أطلب شوفه هذي يبغالي أدخل تجنيد ههههه بس لقيت حل أسهل بكثير جد ماني قادره أتحمل وعندي إختبار وحالتي حاله بكتب ورقه لأمي وبشرد أنام عشـان كل ماجيت بكلمها انسى كل شئ بقولها تكلمهم مابغى أتزوج ذحيـن وإذا هو مستعجل الله يوفقه ويسعده لو نصيبي بأخذه بس ذحين مابغى افكر بالزواج أختي أصغر مني تقول أني خبله والشئ اللي بسويه إستهتار بس ماعلي بغامر وشكلي بنجلد هههه صحبتي شجعتني قالت علي أني ماتقبل الأشياء تصير بسـرعه لازم تخلل بعدين تصير جد أني حفلة مرره شكرا على الردود بقولكم إن شاء الله إذا بقيت حيه ايش يصير معايا |
ياعمري يا 2×2
انتي قدي !! ربي يوفقك ويحفظك اللي قلت لك عليه ايام الخطبة والحالة استمرت الى وقت الملكه :( ومره ماقدرت اواصل كلامي معه قلت ......بقولك شيء بس امااااانه ماتزعل!!؟؟ قال قولي حبيبتي عااادي >>اعطاني الأمان ^^ قلت ماادري!! انا احس بطني يعورني كل ما تبوح لي بمشاعري نحوك !! بالله لاتزعل مو بيدي قال عاادي ياقلبي انتم رهيفات يالبناات هذا شيء طبيعي ويوم ارتحت من كلامه ههههههه دزيت كلمه (وماادري بعد احس ((كأنها)) تحووم و((كأني بأستفرغ))) <<لمحت من بعيد لبعيد ثم خاف يحسبني مريضة وقال هالحالة دايم؟ قلت لا بس تو جتني قال اها لا تخافي شيء طبيعي وكل البنات اكيد بيمرون فيه لأنه اول مره المهم وتدريجيا احس ان الأعراض بدأت تخف وربي يتمم الزواج على خير واي سؤال انا حااضرة قلبي : ) |
استعيني بقراءة سورة البقرة
وفقك الله لما يحب و يرضى ، سخر لك زوجك و سخرك له |
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©