|
اقتباس:
من قال ان الضرب أسلوب فاشل ..الم يقر رسولنا الكريم ضرب الرجل لزوجته ..ولكنه وضع له شروط وضوابط كذلك قوله عليه السلام ...أبناءكم بالصلاة لسبع واضربوهم عليها لعشر ..وهذا الحديث بحد ذاته هو النبراس المتبع لما له من تأثير نحو الإصلاح والطاعة وذلك ما ورد عن صفوة الخلق عليه الصلاة السلام. واسألكِ بالله الم يأتي يوم وقد ضربتي ابنكِ او ابنتك ام انك طوال حياتكِ لم تستخدمي الضرب ضد اطفالكِ http://www.21za.com/pic/salam_kalam007_files/80.gif .. |
اختي ازال 2006
والله تقريبا هذا الي اعانيه بنتي من اول اسبوع وهي ماغير تقول اخاف تضربني الاستاذه وانا احاول اهدي فيها الله المستعان |
ام خالد
انا هذا خوفي انها تستقعد لبنتي على كل شئ بكره اجتماع امهات وابناقشها بهدوء واشوف وش السالفه جزاك الله خير |
اخوي العازم
اعتقد اني ذكرت اني قصدت بفشل اسلوب الضرب في نطاق المدرسه وان كان اسلوب ناجح لا اعتقد ان السبب الي خلاها تضرب بنتي يسووى والنبي عليه الصلاه والسلام ذكر الضرب في امور تستدعي ذلك من نشوز الزوجه او الصلاه وهي عماد الدين مو تجلس تضرب على الطالعه والنازله علشان ضحكه والا حركه تقدر وبكل بساطه تعاقب مثلا ان تخلي الطالبه توقف او ماتعيرها اهتمام اثناء الحصه او ترسل خطاب مع بنتي علشان احل الامر هي بطريقتها كذا تخوف البنات من الدراسه وعلى فكره فيه مدرسات يخافون الله وفيهم من الحكمه وحب العمل الشئ الكثير ويفرضون حبهم على الطالبات خصوصا الطالبات المستجدات يبيلهم رعايه خااصه اخي العازم ان كنت استخدم الضربفي حياتي مع اطفالي كاسلوب فانا استخدمه في الحالات القصوى وللضروره |
غالييتي عااااااااااادي
الله يهديهم معلمات هالايام مالهم خلق الطالبات بنتي اصابها رعب تحلم بالليل من معلمتها ماضربتهم لكن تهدد وتتوعد وصوتها عالي صارت بنتي تخاف اذا اذن المغرب بدات تبكي تتذكر المدرسه ومن حسن الحظ ان المدرسه ارسلت لي تسالني ليش مستوى بنتك متدني لقيتها فرصه وكلمتها باسلوب لبق مع المساله رعب مافيها لباقه لكن سايستها وتعدلت شوي مع بنتي حاولي تروحين وتكلميها بلطف مع ابتسامه عريييييييييييضه والا تتسلط على بنتك مثل ماقالت ام خالد الله ييسر امرك حبيبتي جينز |
مشكوره ياقلبي يافيافي
ان شاء الله تنحل الامور بكره ابكلمها بهدوء واشوف جزاك الله خير |
الله يكون بعونك يااختي فقد مررت بهذا الموقف عندما كانت ابنتي في الصف الثالث الابتدائي وكانت
الاولى على الصف وصدفه في درس العلوم جاء الاستاذ وحينما كان يشرح الدرس فتحت ابنتي الكتاب فقام بضربها ضربا مبرحا وقال لها انت اكسل وحده بالصف ودمر نفسيتها وبعدها نامت في الفراش وتعرضت لحراره عاليه وغابت عن المدرسه فذهب الاب الى مديره المدرسه وقدم شكوى ضد المعلم واراد ان يشتكي عليه في الوزاره لولا اعتذار المديره واعتذاره وبعدها نقل الى مدرسه اخرى وتبين ان هذا المعلم عقيم اي لم ينجب اطفال اي لديه عقده نفسيه وسنويا تزداد عليه الشكاوي حسبي الله ونعم الوكيل على كل من يؤذي فلذات اكبادنا |
معلمات هالوقت بصراحه ماعاد ينطاقون وماعمم ولكن اسلوب الظرب في المدارس مرفوض مهما كان السبب
ممكن تلفت نظر الطالبه والطرق معروفه عندهم الا الضرب حاولي تناقشيها ولاتنسي قولي لها بنتي تحبك واسغربت منك هالتصرف انا جربت هالاسلوب الاسبوع الي راح مع مدرست بنتي وصارت تهتم فيها وكمان بنتي شدت حيلها في موادها ننتظرك بكره تخبرينا |
اختي علياء
الله المستعان والله ما ابي اقول الكل بس البعض مايخافون الله في مهنتهم وكويس الي نقلتو البنت لمدرسه ثانيه المفروض الجهات المسؤوله تتخذ اجراء ضده مدامنه مرييض !!!!! جزاك الله خير |
ضمه غلا
ابكلمها اليوم واشوف والي خلاني اهدأ شوي انها دايم تشكر في بنتي ونشاطها فليييييييييييه الضرب!!!!!!!! الله يعين جزاك الله خير |
| الساعة الآن 10:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©