|
اقتباس:
اللهم امين .. الله يسعدك ياام محمد ويها على دعواتك الطيبه |
العام اذا انتي مستصعبة الاتصال خلي الماما او احد كبير في العايله من اللي تثقون فيها تتصل وتشوف الاسباب انا اعرف كم وحده تعمل كذا وهذا الشي احسن لك واضمت على الاقل تكون عندك فكره عن القضيه كامله من غير ما تحكمين من طرف واحد وصدقيني ماراح تندمين اذا ما تبون تتصلون حاولا تتحرون سبب الطلاق من عند الزوجه او احد اقاربها علشان بس تكونين على بينه من كلام الطرفين
|
لاصعبة ولاشي كثير ناس يتصلون على الزوجة الاولى اتصلي يااختي هذه عشرة عمر هذه حياة
وانت خوذي منها الكلام اللي طابق مع السوال عنه وحطيه في عين الاعتبار مثلا ان قالت انه كان يسي الظن فيها ترى هذا مب شئ سهل وجلوسك في هالمنتدى ارحم من يجيك رجال يشك في كل حركة ام لو قالت لك كلام تحسين منه بغيرة فلا تهتمي واعلمي انه فقط حسد واذا مافدرت تكلمبن ارسلي احد يستطلع الوضع والله يوفقك |
فرج الله همك وبصراحة لو كنت مكانك كنت وافقت بلا وظيفة بلا هم
وأسأل مجرب ما أحلاك وأنتِ ببيتك وهو يصرف عليك وبحبك لأطفاله وإهتمامك فيهم راح يقدرك ويحترمك قدر الله وما شاء فعل عوضك الله بخير منه |
Nweerh.. ابو ربيعة
اقتنعت بكلامكم جزاكم الله خير .. لكن فين اسأل ؟؟ ومن مين اطلب رقم اهل طليقته او بيتهم ؟؟ |
والله مادري ويش قولك ولكن أقولك تجربة حصلت لقريب لي . توفت زوجته وهو عنده 4 بنات وولدين ، البنات جامعيات والأولاد ثانوي وابتدائي . المهم تزوج طبيبة بكر (طيبة الأخلاق) وكانت كل ماتجهز له الطاولة وتعمل له أكل يقول لها : جهزتي أكل للعيال ؟ وإذا عملت عشوة رومانسية سألها : هذا لمين ؟ تقوله : لي ولك . يقولها : والعيال ؟ تقوله : ماحسبت حسابهم . يقولها : ليش هم أولاد الجيران :( و و و هاتك يازعل وبهذلة . المهم ومع الأيام لم يصلح العيش بينهم وتتطلقت . أختي العام . الظاهر والله أعلم (وجهة نظري الشخصية) أن الوضع غير مريح لأن الرجال متبهذل من تربية الأولاد لوحده ، حرمان جنسي ، إحتمال حرمان عاطفي . غير كذا أهله يحاولون يتخلصون من مشكلة العيال بحيث لمحوا لكٍ بكلمة (أمهم الجديدة أو ماشبه ذلك من الكلمات ) . أنا أرى والرأي لكِ أن هذه الزواجة ماتنفع . ولكن انا جالس خلف شاشة الكمبيوتر وقاعد اكتب هذا الكلام بناءاً على كلامك . بينما انتي رأيتيه وكلمتيه وشفتي أهله ووالدك شافه ، فأنتم تعرفون أكثر . لذا القرار بيدكم . هذا والله أعلم والله يوفقك بالسعادة الداخلية وانشراح الصدر سواء عن طريق هذا الرجل أو غيره أو بدونهم . وبالتوفيق |
اقتباس:
والله يااختي لو علي كان بوافق لكن وراي ابويا واهلي مابيرضو اني اتنازل .. وهم وافقو ان بنتهم هي اللي تربي له عياله يعني كان رد لهم ولي جميل ووافق على شرطنا .. وقلنا له ان الوظيفه ماراح تجي بسرعه وقبلها راح اخذ سنه من بعد تخرجي .. لكن هو مافكر بحكمه وفكر اني ممكن احمل او اتكاسل او يقنعني بترك الوظيفه.. لكن تشرط من بدايتها .. لكن احنا لسا ماردينا عليه وتوصلنا لحل يرضي الطرفين .. الله يسهل امري ويكتب اللي فيه الخير .. آآآآه بس الله يجزاك خير اختي ومشكوره على دعواتك الطيبه .. |
اقتباس:
جزاك الله كل خير اخي في الله بالفعل كلامك ماقد فكرت فيه ولا خطر على بالي ابدا .. ويمكن يكون صح ويمكن يكون العكس .. لكن بحطه براسي وافكر فيه لانك نبهتني لنقطة كنت غافله عنها .. خصوصا ان عياله بالمرتبه الاولى وان بيكونو عايشين معانا .. جزاك الله كل خير وجعله بموازيين حسناتك . |
الشكر لله حبيبتى
وبالله عليك إذا كان طيب وصاحب خلق ودين لا ترفضونه الوظيفة ليست سبب للرفض وفقك الله |
اقتباس:
انا اقولك يساله عن سبب الطلاق وعن اسم عائله زوجته السابقة فاذا قال له يقوله اللي ابوه عبد الله ساكن في ------ رح يقول لا يقول له وش اسم ابوها انا شبهت عليهم وين ساكنين:25: وانتم اذا عرفتو اسم ابوها والسكن تقدروا تجيبون الرقم من دليل الهاتف هذا اذا كنتم ماتبون تطلبون منه الرقم مباشرة لكن اذا كنتو عادي ماتتحرجون اطلبوه منه بحجة انك تبين تطلعين على بعض الامور وناس كثير كذا |
| الساعة الآن 09:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©