|
انا لو مكانك اقولها ... دامك تعرفي انه متاعب ليه تتزوجين !!!
|
السلام عليكم ورحمة الله وبركاته
اخيتي الكريمه الظاهر انها الظاهره مو بس في النساء حتى في الرجال صدقيني هذا شيء غلط وعيب هالكلام وهذي سنة الله الزواج رزكم الله بالازواج الصالحه ورزقنا بالزوجات الصالحات القانتات .. اخيتي نفس كلامك صاحب لي يقول لي اخي وش لك بالزواج وعوار راس؟؟؟؟؟ اقوله ماكو عوار راس ولاشي الحين انت متزوج والي ايده في الماي غير الي ايده بالنار الله منعم عليك اذكر الله وادعي واشكره على النعمه.. اقولك عاد ماسكين علينا شلكم بالزواج وشلكم بالزواج الله يهديهم ويهدينا بووركتم |
الله يرزقك الزوج الصالح وتعيشين الحياة الزوجية بحلوهها ومرها .......صدقيني ما فيه أحد مرتاح
لكن مهما كان ما لنا غنى الزوج والحياة الزوجية |
:25:
يا عمري أنتي أول شيء الله يرزقك وخواتك وجميع بنات المسلمين بالأزواج الصالحين إنه سميع مجيب الدعاء .. ونسويلكم هيك:14: :14: :14: ولا تزعلين ياقلبي كل شيء ولا زعلك تصدقين خايفة اتكلم :24: :24: المهم بصراحة انا من الناس إللي كذا أقول لصحباتي لمن أكلمهم :29: والله خايفة منك :24: :24: :24: بس ما والله والله والله والله ما أقصد شي:25: وغالبا يكون قصدي مواااااااااااااااساة لها عشان ما أحسسها فعلا إنها فاقدة نعمة كبيرة يعني أقولها وشلك وتعب الراس والهم .. وغالبا ما يكون قصدي إني أنا قدها وهي لأ .. لأن يكون معنى كلامي إني ما كنت ادري إن كل هالتعب يجيني من هالزواج وغالبا المراءة اتوقع ما تقصد كل هلامعنى إللي أنتي ذكرتيه بس إنتي حساسة شويتين.. |
اهلين غموض
معك ام ربيعة اف لوتعرفين وش قصة عرسها بعد انا اليوم ابفتح صدري لكم( لاني وانا اقرا كاني جلسة اقرا مذاكراتي قبل مااتزوج):d من يوم كنت صغيرة وانا اتشفق العرس ماتتخيلون شلون بس اتخيل نفسي عروس ولابسة فستان العرس وكلما اشوف عروس اتخيل نفسي مكانها وكنت احس ان هالعروس صارت عروس بمعجزةوكل ليلة قبل النوم اتخيل العرس واتخيل اني جالسة اتقضى للعرس وايام الخطوبة اللي اسمع عنها وهلم جرا المهم دخلت الثانوي وكبرت الافكار وتعمقت اكثر صرت افكر من بياخذني وهل انا مقبولة عند الناس وكل يوم مرتزة عند المراية وما بقى خلطات ومابقى كريمات ما اجربها وصلت ثاني ثانوي والا صديقة مقربة لي وكانت ماتملك اي مقومات الجمال تقولي انا تملكت وبحكم انك اعز صديقات قلت لك اول وحدة :eek: انصدمت ماتوقعت ان ممكن وحدة تتزوج وهي في هالعمر فرحت لها كثير وجلست افكر بحالي قلت يعني ممكن ان اتزوج وتمنيت العرس من قلبي وعاتعرفون اللقافة بدايت اسألها عن كل شي حتى اني صرت ادخل في الخصوصيات هي كانت منقهرة مني مرة لكن بحكم اني صديقته المقربة كانت تسكت ولكن في قلبها كانت ودها تذبحني :16: المهم تزوجت وسوينا لها حفلة بيت احدى صديقات ولما جاء اليوم اللي عزمينها عليه قالت رجلي يقول لا تروحين خلينا نستانس مع بعض تونا في شهر العسل وصراحة انا ودي اشبع منه عصبنا مرة وقلنا وش ذولا ماصارت وهالدرجة العرس زين المهم بعد محاولات جات ولما جات تبي تروح دق زوجها على بيت صديقتي بحكم مافية جوالات ردت صديقتي وسالها عن البوابة اللي يدخل منه وصفت له صديقتي ويوم انها صكت قالت هذا زوجك يافلانه شكلة مضيع انهبلت:eek: هي وطلعت عيونه وبدت تهاوش على زوجها وعلى صديقتي لانه كلم صديقتي واخذ منها الوصف والمفروض انه يطلبها هي ويكلمها وتوصف له المشكلة ان هي ماتعرف ابد توصف والكل عارف هذا ويوم راحت جلسنا نحش فيها ونقول حاشا بناكل رجلها اصلا خلاص مفروض نقاطعها هي شافت نفسها علينا:18: ولا كأنها كانت تتقاسم معنا مرارة العزوبية ومن هالكلام دخلنا ثالث ثانوي والا البنات كل يوم تنخطف وحدة :11: واحنا لاحس ولا خبر وحدة من صديقاتي كانت عربجية وكان عندها خوات اكبر وما تزوج منهم وتقول وهي تتحسر انا يبي لي وقت طويل على العرس ولما سمعت ان فلانة الشينة بتعرس انهبلت ومن الحنكة الي فيها وقفت عند باب الفصل وعيت تدخل وجات المعلمة قالت لها يامريم ليش ماتدخلين قالت انا مابي ادخل كل الفصل صاروا يلبسون خواتم الا انا :o المهم تخرجنا وصارت زوجات اللي يلبسون خواتم لكن ولا وحدة عزمت اللي مايلبسون خواتم واحنا حقدنا عليهم لانهم في نظرنا شافو انفسهم وما اخفيك اللي يقهر كانو يوزعون بطاقات الدعوة بحضورنا ويطمرونا واحنا بس:11: طبعا انخطبت ولا صار نصيب لانهم اخطبو وراحو :29: انا من جد تحطمت وكرهت سماري لانه يبي بيضاء وكنت ادعي من قلبي انه يرجع وكنت استخير كثير واشوف انه يبعد وكانت صديقتي تقولي خيرة انه راح وانا من زود الذكاء قمت ما استخير علشان يرجع:25: (ترى مب كلة حب للعرس بس خايفة من النظرات الي شفتها لقريبة لي ) تخرجت وانا حبيت ادخل قسم مو في منطقتي لكن شلت هم العرس يعني ابتخرج قبل ما اعرس :( وتزيد النظرات علي:11: وبالصدفة حصل نقل لاهلي للمنطقة اللى ابي ادرس فيها وجينا طبعا مانعرف احد ابد يعني انا عانس لان معارفنا اللي بنمطقتي ابرفضهم بحجة الدراسة وهنا ماحد يعرفنا وشلون ابعرس تأزمت مرة وضاق صدري وخاصة كل صديقات تزوجوا وكل يوم اتخيل ان احد جا يبي يخطبني وكل رنة باب اظنها خطبة وكل رنة تلفون اظنة خطبة وكل نظرة وحدة اظنها خطبة :23: وبعدين انصدم بالواقع تخيلي اني كل اسبوع احط في بالي ان احد جاي يخطب لكن وضعنا مايسمح ابد وكل مايمر يوم اتحسر على نفسي واقول ياليت مانقلنا واخيرا التجأت للحي القيوم كل يوم اوقت الساعة واقوم ادعي ربي واقوم امي طبعا هي كانت تفهمني بدون مااتكلم وتقوم تدعي لي واستمريت وفجاءة جا واحد زميل ابوي زيارة(طبعا ابوي مايعرف احد غير هذا وزيارتة مألوفة ) انا وكل العادة قلت شكلها خطبة ولما راح جاتني امي وقالت فلان يقول ان في واحد يبي يتقدم لك انا طرت من الفرح وقلت الحمد لله ربي استجاب لي تخيلي انا في غربة ماحد يعرفنا وغريبة عليه لكن ساقه لي رب العالمين طبعا انا ماقلت لكم اني حلمت حلم وهو اني كنت امشي في سوق ولقيت ملابس كثيرة وجلست اختار لكن مالقيت شي مناسب لي وجلست على عتبة باب الا وصوت يقولي (فضحكت فبشرناها باسحاق ومن وراء اسحاق يعقوب ) الي هبلني انا اسمي سارة وحسيت ان هالاية تخصني انا يوم انخطبت سألت امي عن اسمه قالت ابراهيم قلت ياامي خلاص هذازوجي ربي اختاره لي قبلكم وتم الزواج :14: وجبت ولدبن نفس الحلم والحمدلله وانا الحين اتذكر الخطيب اللي نحاش واقول الله يبارك في هالنحشة لانه صدق مايصلح وربي اختار لي منه اخير منه وايضا حصلت علىالدراسة انتي اجتهدي في الدعاء وتشوفين النتيجة |
صدقتي يالغلا ساعات انكون انانيات وانا معاك بهالشي.. الحين مع مشاكلي هذي.. والله اني انقول ليتني ماتزوجت.. ولا اقول لا تتزوجين .. ومن هالكلام .. وبعدها بفترة اقعد اقول يارب ماتطلق وانعيش انا وزوجي في بيت واحد ...
انجنينا ... بس صحيح كلامك الزواج استقرار والكل يتمناه ... بس اهم شي يكون زوج صالح ... وربي يرزقك انتي وخواتك الازواج الي يعشقونكم ويحطونكم على روسهم ... الله يعينك .. ويبعد عنك نظرات الشفقه .. |
هلا حبيبتي غموض السنين..
وحده من صديقاتي دايما تقول " شوفي يا نور الظاهر انا و انت بنكون من عوانس الدولة " .. ولما المتزوجات يقولون...اش تبغون بالزواج ...تراه تعب و هم.. ترد عليهم و تقولهم.." ما عليه ماعليه أنا أبغي التعب و أبغي الهم ".. ربي يحفظها عسل و دمها خفيف و تاخذ الامور كلها ببساطة و روح رياضية...الله يرزقها و يسعدها.. أختي.. ما عليك من كلامهم و خذيه ببساطة و لا تكدرين خاطرك.. ودايما احسني الظن.. سبحان الله يمكن مثل ماقالت وحده من الأخوات قصدهم يخففون عنك... الله يرزقك بالزوج الصالح المصلح و تبشرينا جريييييب... ،، ،، دمتِ متفائلة |
غموض ياعيوني خوفتيني والله العظيم :24: من شفت الموضوع وأنا خايفه وأشاور نفسي أدخل وإلا لا:24: أكيد مستغربه بقولك ليــــــه! لإني بصراحه في موضوع أكره النقاش فيه توقعت من عنوانك إنك تتكلمي عنه ألا وهو موضوع إنو المرأه المتزوجه المفروض ماتكون أنانيه و تزوج زوجها من ثانيه وثالثه ورابعه ! بصراحه أنا من النوع الأناني في هاذي النقطه وبقووووووووووووووووووووه:18: وخفت تكونين من المؤيدين وأنا أموت فيك وأتحطم:( وبالنسبه لموضوعك ياعمري فعلا أنا قابلت مثل هالفئات كثــــــــ:( ــــــير وبنفس الطريقه اللي ذكرتيها والله أنا حاسه فيك وبكل كلمه قلتيها لإني فاهمه الإحساس إللي حكيتي عنه بس إنتي لا تصيري حساسه ياقلبو مره من هالناحيه :11: فكري بالموضوع من جهه إيجابيه توقعي إنو يمر ملك ودعواتهم إللي تحسستي منها تستجاب بإذن الله قولي يــــــــــــارب :d تتوفقي في كل ماتتمنين أنت وكل من يعز عليك فديت قلبك أنا الله يسعدك ياغموض ويوفقك دنيا وآخره وبعدين أنا ماأحب أعرف إنك زعلانه حتى لو الموضوع يستاهل مافيه شئ يستحق دمعه وحده من عيونك الحلوه:) أتمنى أنو النفسيه تكون الآن أفضل من قبل :22: أختك دلوو24ووعه |
اقتباس:
هذه مو أنانية هي نوع من المواساة يعني عزاء أو تخفيف عنك حتى ما تنسي نعم الله عليكِ من طبيعة الانسان ينسى انه الصحة والعافية نعمة من الله و يركز فقط على اللي ناقصه فما تزعلي من هالكلام (برأيي) يعني أكيد انتي لو اجا صاحب النصيب و طلبك ما رح ترفضي لأنك سمعتي من فلانة متزوجة كلمة انه استمتعي بحياتك من دون زواج ما بعرف اذا فهمتي قصدي |
عليكم السلام ورحمة الله وبركاته
وأزيدك من القهر سالفة إذا قالت لك وحده هذا ولدي غلطة حملت فيه ولا أنا ماكنت أبي :29: إحمـــــــدي ربك عطاك ورزقك غيرك يدور الذرية الصالحة وإنت تتبطرين على النعمة حتى لو كنتِ تمزحين ! حاسه فيك وبالغصة اللي بقلبك ياغموض ويعلم الله وش كثر أنا هالأيام متضايقة من نظرة ولا كلمة تهزني رغم الشكل الخارجي اللي مايبين علي ، بعد يومين زواج آخر قريبة لي مع بعض كنا دائماً على قد فرحتي لها على قد ماني شايلة هم أمي اللي ودي أفرحها بنتها لكن سبحان الله ماكتبه ربي للآن .. يــــــارب تعلم بضعفنا وقلة حيلنـا ومالنا إلا أنت ، إفرجهـــــا يارب من عندك على بنت تحلم بحلالك وتتمناه وجنبنا الحرام وغضبك ياأرحم الراحمين .. الله يرزقنا ياغموض ويرزق أخواتك وبنات المسلمين الصالح من خلقه قولي آآآآمين . |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©