|
لا املك الا ان ادعيلك بان يسهلك ربي وييسر لك امرك
امين ويرجعك امين اىابو ولدك امين يااااااااااارب انتي اعرف بنفسيته اذا كان من نوعية الي يذل عشانك قلتي له رجعني لا اختي انصحك بأتخاذ اسلوب ثاني لا تحاولين اول رساله تكون هي الرساله الي تخليك ترجعين حاولي ترسلين له مثلا تقولين له انك تبين تتفاهمين معه عشان ولدك وبعد كم اتصال راح يبان الي في القلب بدون ماتجرحين نفسك وكرامتك والله يخلي لك ابنك امين واتوقع لو انه يبي يتزوج كان تزوج من اول ماطلقك |
اختي المباركة :
مما لاشك فيه انك اعلم الناس بزوجك لذلك انا عندي اقتراح آخر : اذا كان زوجك حساس او ربما يفهم فهم اخر لذلك اقترح عليك عدم ارسال رسالة واقترح ان تجعلين احد من اقاربك الذين يميل اليهم ويكون رجل حكـــــــــــــــــــــــيم (اخوك , خالك , عمك , او اي قريب تمونين عليه او يمون عليه اهلك) ويجتمع به ويحاول الاصلاح وتنبيهه بان المشاكل الزوجية تحصل في كل بيت . وانا أؤيد ان يكون التدخل من الاقارب كما جاء في كتابنا العزيز [وان خفتم شقاق بينهما فابعثوا حكما من اهله وحكما من اهلها ان يريدا اصلاحا يوفق الله بينهما ] اما اذا كنت تعلمين ان الزوج عاطفي وتفيد الرسالة فارجو الرد حتى نساعدك . |
من رسالتك انتي باقيه عليه ورغم حبك له انتي اللي فرطتي فيه واتمنا اللي صار درس واستفدتي منه
بس حابه اسالك علاقتكم قبل الانفصال كيف كانت 0 اما نصيحتي لك قبل الرساله خلي رسالتك ابنك وانتي عارفه قصدي والله يردكم لبعض اللهم امين |
بصراحه السنه كفيله بارجاعك لو كان باقي علي حبك
واهو الي لازم يرسل بعد طلاقك باسبوع اسبوعين شهر مو سنه وانت الي ترسلين نحن النساء رومنسيات وباقين علي العشره يارب يكون ناطرك انت الي تبادرين ( عكس الناس او جارحه كرامته) يارب يوفقك ويسعدك وينولك الي ببالك واسفه علي صراحتي |
مدري وش اقول لك بس
احس لو هو وده يرجعك كان لمح لك او عالاقل لمح للولد او ارسل معاه شي مدري لاكن انتي لاتتدخلين خلي احد من اهللك يعني من الرجال احسها كبدايه منك مو حلوه الله يلم شملكم |
طليقك هذا رجل طيب وحاولي أن ترسلي رسالة بالجوال ، أو رساله مع ولدك، أو أتصلي عليه وقولي أشتقت لك ، والعقل يقول أن رجوعكما لبعض أفضل من الأنفصال ، وإليك هذه الرسالة الجوالية أرسليها إليه (يوم ضاق صدري تنفست بذكرى غلاك ، حضنت الملامح في خياااااالي وتمنيت اجلس معااااك ن ليتك كثر ما أنت على البال ألقاك بس يالله عسى الايام تسرع خطاويها وألقاك)000 (تخلوا الزجاجة من العطر يوما ولكن! تبقى الرائحة العطرة عالقة بالزجاجة كما الذكرى الطيبة تبقى عالقة بالقلب لك بقلبي مكانة لايعلمها سوى الله وأسأل الله لك العفو والعافية أينما كنت000آمين أرسلى هاتين الرسالتين في الليل أو قبيل منتصف الليل وانتظري الرد واخبرينا ماذا حصل لك من تطورات وربي يعيد لكم المياه الى مجاريها
|
عسى الله يوفقكم ويرجع لج يارب
ممكن ترسلين له رسالة بالتلفون مكتوب فيها:- في غيبتك كني مع الهم موعود داخل على الله لايطول غيابك ياخي حياتي صارت ايامها سود يرحم ابوك تشيل عني عذابك من كثر ماانا شفت في حبك حدود أخاف تلقى جثتي عند بابك وان شاءالله ترجعون لبعض |
الله يرجعلك أبو ولدك ويسر أمرك
|
ماشاء الله الاخوان ماقصروا .. بس مدري ..احس انك مو مقتنعة بالكلام ..صحيح ؟؟ :d اعتقد بأنك الوحيد اللي تقدرين تفهمين زوجك ومدى قدرة الكلمات التي تؤثر به .. وربما الكلمات العاطفية تزيده غرور او صلابة ..لذلك انا ارى ان تمزجي رسالتك ببعض من الذكريات القديمة على سبيل الذكرى الطيبة التي كانت بينكما .. وعندي فكرة جميلة جداً .. اجعلي من رسالتك دعاء خالص لإبنكما بأن يوفقه الله في حياته مستقبلاً مع امرأة تحبه (واكتبي عن صفاتك انت وطريقة حبك لزوجك وكل ماتريدين قوله بشكل غير مباشر) .. واوضحي بتلك الصفات وجهة نظرك بأنك تريدين السعادة والتوفيق لإبنك في حياته الزوجية بأن يكون لزوجته كذا وكذا (نفس طلباتك انت من زوجك) .. واختمي رسالتك بطلبك الخاص من ابيه بأن يدعو له بالتوفيق بحياته ولاتنسي ان تكتبي هذه الجملة : (أسأل الله ان يجعل حظ ابننا خير من حظنا معاً ) وتأكدي بأنه سيكون لهذه الجملة تأثيراً قوياً جداً .. ولكن لابد ان تكون الرسالة على ورق وليس لجواله حتى تكون اقوى واطول واشمل تعبيراً .. والله يوفقك |
لحظة يا جماعه لازم نعرف كم صارلج من تطلقتي .....اذا كملتي العدة يعد هذا الرجل غريب لا يحل لك ومحرم عليك.....أما إذا مازلتي في العدة أرى أن تستدعي حكما من أهله وحكما من أهلك ليروا ان كان هناك صلاح لإعادة علاقتكما مرة أخرى أحسن من استخدام الرسائل كأنك زعلانه منه ....
اختي نحن النساء نفكر في عاطفتنا أكثر من أي شي قد ندوس أحيانا على مصالح كثيرة تستدعي العقل والحكمة... .أنا أرى أن كنت تفكرين بالعودة استشيري عائلتك بالأمر ليتباحثوا الموضوع معك ويسهلوا لك الأمر بالجلوس معه والتفاهم أحسن من الرسائل... حالات الطلاق غير عن حالات اخرى..... محتاجة تفكير عميق ومواجهة لحل المشكلة لكي تعود المياه لمجاريها وما تنسد مرة ثانية..... بالتوفيق حبيتي ربي ييسر اللي فيه الخير لكي وله... |
| الساعة الآن 12:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©