|
للاسف الزوجة ماتدري قد يش تعب الزوج في هذه الفلوس وقد ايش مصاريفة
زوجتي مره قالت لي انت ماتصرف علي ( بخيل ) ومن الزعل جبت دفتر وقلم وقمت اكتب كل صغيره وكبيرة اصرفها عليها وعلي اولادي ( رحلات , عشوات , هدايا , ... ) وفي النهاية جمعت المبلغ بعد ثمانية شهور طلع المبلغ خيالي كنت ابيها تهتم وتحس قد ايش اصرف ولكن انقلب الوضع علي وسوتلي مصيبة ومشكلة تقول يا الله تحسب عليه وووو مافهمت الحكمة من ذلك الله يعين |
والله حالكم عجيب يانســــــــــــاء !!!! أجل تبيين نص دخله علشان ترضيين .... ماأقول إلا إنا لله وإنا له راجعون ...
|
السلام عليكم ...
يا خوان الفضلاء اللي متعودة على عيشة الترف سواء عند أهلها أو عند زوجها صعب جدا يتغير عليها الحال ويستمر لفترة طويلة ... ورجاء لا تعممون .... يا أخواتي الفاضلات .. نصيحة من قلب أخت .. مهما كان زوجك ميسور وفلوسه بيدك تلعبين فيها لعب تذكري أحوال ناس والله ما هم لاقين الخبز يسدوا فيه رمقهم ... يا أخواتي قد تكون الضائقة المادية للزوج بلاء من الله لك وله لتشعروا بالنعمة التي تتقلبون بها ليل نهار .. أدركوا قيمة مؤونة اليوم التي قد لا تجدونها غدا ...... ربما هذا البلاء أشارة لك ولزوجك ولكل من يمر بهالحالة او تعرض لها لتقول له حاسب نفسك قبل أن تحاسب ,.. تصدق من ربع المال الذي تصرفه ببذخ على نفسك وسترى الفرحة في عيون من تصدقت عليهم وستشعر بقمية المال والنعمة التي لا يراها غيرك ... يا أخواتي الفاضلات (دوام الحال من المحال) يا اخواتي بدلا من التذمر أعيني زوجك على الاقتصاد وأثبتي له كم أنت حريصة على ماله الذي اجتهد في تحصيله لتعيشي العيشة الكريمة التي تقيكي مذلة السؤال والعمل من أجل جلبها ... فكرن في كلامي يا اخوات ... والله المستعان ... |
هو صار معك هيك بس بعد ما صار انو خسر ولا كيف
يعني كان كريم معك بالاول وهلا لا يمكن تاثير انو يخسر خايف يصرف اللي معو |
اولا اشكر كل اللي ردوا علي ,,
ثانيا زوجي كان كريم واللي في يده موب له ومايقصر في شي ابد وكان يجي اخر الشهر واحنا مامعنا الا الف او 800 والان ماسك شوي وحريص ونفس الشي مايبقى شي ؟؟ صار كل ريال يطيح في يده يستثمره ويحطه في مشروع,, اذا قلت ليش ؟؟ يقول اصلا انا الغلطان اني علمتك لانك تحطمين بس انا مااحطمه لكن اشوف ان استثمار الفلوس يكون بالفائض مو بالمعاش !! اكيد بيطلع بنتييجه بس بعد مايخسر انسجامه واستقراره مع زوجته !!!! يعني حرام والله اشيك على حسابه اليوم مافيه الا 39 ريال ؟؟<<<هذا الحساب متفقين يكون مكشوف لي بس الباقي ممنوع وكان فيه اكثر من 14000 طيب وينها ؟؟ اكتتب في شركه بهالمبلغ ؟؟ وبيستنى الفائض ؟؟ طيب افرض مافيه فائض وش نسوي ؟؟ قال منتب ميته جوع ؟؟ ياشيخ ! الحمدلله في ديرتنا حتى الكلاب شبعانه تكرمون !! صراحه منطق غريب مدري من وين جايبه !! قلت شف مادام هذا ردك انا باروح اسوي اسناني اليوم وبتدبر نفسك وفعلا دبر نفسه ورحت وعالجت بس بعد ماهذيت السبحه عليه وسمعته الموال ّّّ!! طيب الى متى ؟؟ ماكان كذا ياناس .. عشان كذا انا متحمله بس احس الشي اذا زاد عن حده ينقلب ضده وانا اشوف اني من حقي انا وولدي ننبسط ويعوضنا عن غيابه لو ماديا ,,, |
انا اقدر اقول انك متطلبه ومتطلبه جدا
عايشه بنعيم وراتب 1000 ريال وفاتورة التلفون وش تبين زياده سبحان الله لو يعطيك 10000 قلتي شويه انا ماادري وين تروح ال 1000 دام الاكل والشرب والسكن متوفر وفاتورة التلفون انا لو عندي كل هذا كان ماصرفت منها شي احمدي ربك غيرك ماحصل ولا 100 ريال |
البخيل ألي يصرف عليك أقل من حاجتك
و النعم يالغاليه ما تدوم ألا بالحمد و الشكر |
rdtt
معليش مايحتاج تتهجمين علي ترا ماسويت شي وختلاف الراي لايفسدللود قضيه لكن المنطق يقول اني باطلع السوق واشتري لي ولولدي ..صح وباروح جمعات واستراحات ممكن اخذ معي شي بسيط لو حلا 30 ريال ..صح وممكن احتاج اهدي احد قريب او ازور احد في مستشفى..صح وممكن اشيااااااااااء واشياء هل مبلغ 1000 ريال يكفي .. بصراحه ماقد كفاني ابد .. ولازم استلحق بطريقه او باخرى بس مليت من هالموال ... احسه اثر على علاقتي بزوجي واصلا زوجي يدري انه مايكفي لانه اوقات الروقان يقول باعوضك وباعطيك وبافعل واسوي ..بس اصبري الى متى الين تتعود ماتعطيني ؟؟ تتعود اني ارضى بالقليل ؟؟ وبكرة اذا وقف على حيله قال مادامي قدرت افتح بيت اجل اكيد باقدر افتح بيتين <<هذا اللي موجع بطني انا اتكلم عن ناس عاديين ماوراهم دين ولاضغوط ماديه ولاعليهم قاصر على قولتنا هل هذا يعتبر ترف ؟؟ |
يا اختي انبسطي انت وولدكم على قدر المستطاع ،،
شكله أحواله المادية جدا صعب أنها ترجع مثل أول ،، يا أختي الحمدي الله على ما أعطاك لا يضيع منك اللي بين أيديك ... والمثل يقول عصفور بيدك ولا عشرة على الشجرة (والشجرة اللي انتي شايفتها منت قادرة تطوليها) فاحمدي الله على ما انت عليه ومثل ما قالوا الأخوات غيرك اللي مو محصلة ال100 ريال يعني قد عُشر أو أقل من اللي عندك ... |
انا حامده ربي وشاكرته والله لايغير علي
ماقلت بانتحر والا باتطلق وش بلاكم هبيتوا فيني ؟؟ لعلمكم حتى اهلي ماعندهم علم بهالشي وماعمري اشتكيت او بينت انا اكبر واعقل من هالاشياء بس هالنقطه تضايقني منه قلت اسالكم انا متطلبه والا هو بخيل ؟؟ مجرد سؤال لو كان كذا من اول مااخذته عادي بس تغير وسبب التغير معروف والازمه تجاوزناها والحمدلله لكن من خذته وهو يتعب في راتبه ويصرف عادي بدون بذخ واسراف لكن الحين يصرف بشق الانفس وزي ماقلت انا مااعترض ولا اقول بازعل عند اهلي ولا بانتحر ولاشي هاجدة وساكته ومتعايشه وسوالي وااااضح! |
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©