السلام عليكم

الموضوع يحتاج ( حزم ) اما الطلاق فليس من صالحك ابدا لانه في عيال وما لهم ذنب من هالطلاق

انا اقول إذا هددتك .... قلها سوي إلي تبين .... وبعدها سمعها كلام يسم بدنها عشان ما تتعود تقول كلام زي كذا ... الحياة الزوجية ما هي لعبة حتى تطرح على طاولة الابتزاز ....

استعمل المنطق يا اخي ( قلها انه إذا خانتك انها هي الخسرانة لانها راح تشوه سمعتها وسمعة اهلها وانت كل إلي عليك انك بترسل ورقتها لها ) ( قلها انه إذا خانتك انك راح تسلمها للهيئة بنفسك )

ولكن يا اخي ابعد كلمة الطلاق من قاموسك

هذا زوجي الحزين وش يقول
شوف يا اخوي انا اقول عبارات اكثر من كذا لزوجي والحمد لله مستحملني للحين
اما عباره زوجتك فهي بسيطه جدا امام ما اقوله لزوجي لذا كل ما غضبت من زوجتك روح تؤضأ واتعوذ من ابليس
واذا ما تبي تكررها على مسامعك قول لها ترى بطلقك اذا تحكين هالحكي ثاني مره وما اعتقد تعيدها ان شاء الله
وهي تتغلى عليك علشان تعرف انك تحبها وتغار عليها فحبت تستفزك وبالذات انكم بساعه غضب

وفقك الله لكل خير
في رعايه الله

سبحان الله كيف فسرت الكلمه

(معليش ردي قوي ويمكن ينقص ويزعجك او تزعل..)


لها الف تفسير
لها والله الف تفسير
بس اذا انت تحب تفسرها

اما انك تسمع كلام الشيطان وتقول مالها الا هالتفسير فهذا دليل ضيق في التفكير ععندك مع احترامي


هي كلمتها واسلوبها تهدد غلط ماقلنا شي(الا وقاحه حتى)

وحكاية اسوي شي ما يعجبك يمكن قصدها تدخل اهلك
او اهلها
او تفشرك عند الجيران
او انها تقاطعك
او انها ( هي ) تطلب الطلاق
او تحرمك من العيال
او تبطل تشتغل شغل البيت
او تبطل زيارات لاهلك
او تبطل تسوي لك شغله انت تحبها
او او او او

مثلا اذا هي تساعدك براتبها اذا هي موظفه يمكن قصدها تقطع مساعدتها لك
يمكن قصدها ما تطبخ لك اذا انت من النوع اللي معتمد طبخ البيت
يمكن قصدها ويمكن قصدها ويمكن قصدها

الف تفسير والله
مالقيت الا الخيانه؟
لا اله الا الله

والله مصيبه هالكلمه مصيبه مو سهله اشفيكم انتم ماخذينها ببساطه؟
(هي ماقالتها حرفيا بس قصدها)
لا يا شيخ!

وعلى اي اساس حضرة جنابك افتيت ان هذا قصدها؟
يمكن لأنك رجل تفكر انك فاهم الدنيا؟

الله يعينها والله اذا هذي عقليتك اقسم بالله هي اللي يحق لها تطلب الطلاق مو انت ... تعوذ من الشيطان مافي راسك الا وهم...

حلوه والله قصدها الخيانه!(حاول تواجهها بالتفسير وشف اش يصير...اقسم بالله لتكره نفسك)

هي زي شرب المويه !


تصدق انها لو سمعت منك تفسيرك هذا انها ممكن تمسكها ضدك؟
لأن انت ما فكرت في الخيانه الا اكيد انت انقرصت منها!
اللي تلدغه الحيه يخاف من الحبل
يمكن انت جربت الخيانه!انا قلت يمكن (وادري انها ازعجتك كلمتي بس خلك تجرب وقعها في النفس كيف صعب)
يمكن احد من اهلك لذلك انت ما تحس بالأمان!
انتبه لكلمتك هذي ترى فيها قضاء لو زوجتك حبت تكبرها..

(ذكرتني بزوج الهنا...يا خلاف من رجال هالزززززمن)
لا والله زمن يحزن...............

ربما زوجتك لاتقصد الخيانه بتهديدها لك
ولكن هناك طرق شرعية للتعامل مع المرأة
وهي :
1. الوعظ
2 . الهجر
3 . الضرب غير المبرح ، وتجنب الوجه .



اخوك البدوي .

مستحيل تقصد خيانة

وبعدين هذي الجملة انا دايم اقولها لخطيبي

" ترا رح اسوي اشياء ما تعجبك ولا تلومني بعدها "

وقصدي فيها ( مارح ارد عليك , مارح اسوي له اشياء يحبها , ابرفع صوتي , يعني بمعنى اقرب ابعرف وش نقطة ضعفه والشي الي ينرفزه واسويه )

بس ما اقصد الخيانة ابد

صفي تفكيرك يا اخي وفكر بمنطق اوسع من كذا

نعم انا مؤيد لكلام الاخت ( مشكلتي اصدق ) جزاها الله خير

هل انت متأكد انها تقصد (( الخيانة )) وكيف عرفت ذلك ؟

اخي يجب ان تتحرى الدقة في طرح مشكلتك كي لا تظلمها ... الله يهدينا ويهديك

تحياتي لك

يا أخي تعامل معها بالتهميش والهجران , ولا تعتبرها شي في حياتك

لأنك بخصامك هذا تعبرها , وخلك على هذا الأسلوب حتى ترى أن كبريائها

تكسر امامك وبعد ذلك لا تعطها مثل مكانة مثل ما كانت بالأول

اسمعني قول لها اذا قلتي لي هذي الكلمة مره ثانيه اعتبري نفسك مطلقة ..

الله يعينك والله الكلمة قويه مره مااقدر افكرر اني اقولها لزوجي اصلا..

بس انت قولها كذا وان شا الله تتغير..

الله يصبر قلبك وأهجد لاتقعد تشك في زوجتك وأم عيالك هي ماقصدها كذا بس انت الشيطان يبغى يكبرها في راسك.

يييييييييييييييييييييه ..لاحظوا لاحظوا ردود الرجال في هالموضوع كلها اهجرها اضربها ,ليش اشفيكم هي ماقالت خيانة هذا زوجها هو اللي فكر هالتفكير وبعدين ترى الهجر والضرب لايكون إلا إذا لم تستجب الزوجة لفراش زوجها فهنا يستخدم هذه العقوبات وليس كل مشكلة تحدث ياناس افهموا الدين عدل الله يخليكم ..
وأقول لصاحب المشكلة :قلت هذه العبارة مرات من قبل لزوجي وكان يسألني وش نقصدين؟؟ أقوله اسأل ربعك وتعرف واروح بعد المشكله وأ سوي مثل الحريم اللي مايعرفون حق الزوج اللي هو مرات يسولف لي عنهم فألبس عباتي وأقول ودني عند أهلي أو ماأطبخ الغدا أو أقوله تعبانه ماأبي أزور أهلك وأطلب 100 دينار لمصروفي بدل الثمانين اللي أدخر نصفها وأصرف من الباقي إلى أن يتسائل انتي ليش متغيرة أرد عليه أقوله هذا الطبيعي اللي يسوونه الحريم وبعدها ماأطول لأن قلبي مايطاوعني أؤذيه بأي شكل فقط علشان يعرف قيمتي وان موعلى كيفه مايعطيني مصروف أو على كيفه يتكلم على أهلي (وهذا اللي يحرقني) أو يضحك على شكلي او حتى يسفهني ومايهتم فيني ويسافر كل اسبوع ويخلي اليهال الثلاث عندي لاسيارة ولاسايق وبالشقة بروحي إلى أن تعدل وعرف مسؤوليته وصرت أحبه حييييل لأن ترك سوالف الصبيان وماكان عارف شنو الزواج ولاشنو الزوجة ولاكان يتحمل مني أي نقص خصوصا فترة الحمل أو الدورة الشهرية _وأنا ذكرت هالأشياء اللي كانت فيه حتى تشوف يمكن فيك شي من هالأشياء مضايق زوجتك وهي مبتلشة فيك موعارفة اشلون تنبهك على تصرفاتك اللي ربما يكون فيها شي من التخلي عن المسؤولية _أسأل الله أن يؤلف بين قلوبكم كما ألف بين قلبينا أنا وزوجي الحبيب