|
ليش تخاف وهي صاحبه حق اذا اليوم ما اخذت الحق وهو معها بكرى يسير ضدها علشان كذا تسرع وتخبره وبس تسمع زوجها ما بتهيأ لي انه زوجها يظلمها لانها مظلومه
وانا افضل انه بس يتصل ترد عليه وتنادي على زوجها بهدوء علشان يسمع في رعايه الله |
تستدرجة وتسجل صوته وتفضحة
ياهي ياهو ..هذي حرب على شرفها وعرضها وبيتها يجب أن تفضحة ولاتخبرة أنها سوف تسجله .. وبعد ان تسجله تخبر زوجها غير كذا مافي حل .. لاتغامر ببيتها وشرفها عشان زوجها مايزعل |
.. هذا اذا كنت فاهمه قصدك صح يعني هم مايلبسون حجاب قدام اخوان زوجها ...
لأنه هما يتحجبوا على بعض يعني لبس محتشم اكمام طويله وطويل ومغطيه شعرها بس وجهها مكشوف |
اها .. آسفة اختي على فهم الموضوع غلط ... عموما الله ييسر لها يارب ويعدي الموضوع على خير يارب ..
|
شوفي يا اختي انا راح اتكلم بضمير المخاطب
عشان الكلام را ح يكون لو وقع واثر اقوى ----------------------------------------- اول شي ابغاكي تحطيه في بالك انو المراة انسانة ضعيفة بحالها ومهما حاولت تدافع وتبعد عن زوج اخوها فهو اقوى منها لانو معاه شيطان لا وكمان مارد والله اعلم لان عملو شنيع --------------------------------------- شوفي في كلا الحالتين انتي ما تبي تخربي بيتك وانا متاكد انك انسانة شريفة وكمان اخو زوجك بس يبغالو قرصة اذن --------------------------------------- اتخيلي معايا دا الموقف دحين انتي لو سكتي على اخو زوجك وعدت الايام ومشيت وانتي كل مررة تحاولي تتجنبيه الا وما يجي يوم وراح يشوفكم احد وهوا بحاول يتقرب منك لانو الشيطان يبى يخرب البيوت السعيدة طبعا وقتها الناس كلها راح تطالع فيكي بنظرة احتقار وكلهم راح يقولو انتي اللي اغويتيه واتحدى انو في احد راح يصدقك او يثق في كلامك واكبر مثال ام المؤمنين عائشة رضي الله عنها في حادثة الافك كيف كل الناس شكت وهيا ام المؤمنين فما بالك بوحدة عادية من بنات اليومين دي ------------------------------------ انت اكيد حاولتي تهددي اخو زوجك بالكلان صح واكيد كم مرة قلتي له استحي على وجهك وما يصير تسوي كدا انا مرت اخوك صدقيني مالك حل الا انك تصارحي زوجك... وزي ما قالو لك الاعضاء حاولي تمسكي عليه شي باشراف زوجك عشان لا يصير وانتي بتحاولي تسجلي عليه شي يكفشك احد!!! ----------------------- اول شي كلمي زوجك وهوا رايق قولي لو في واحد بيضايقني ويغازلني ودا الواحد عارف بيتنا وكل ما انتا بتخرج بيجي على الباب فايش رايك اننا نقول للاهل انك مسافر (طبعا لا احد يعرف بالزات اخو) وهوا لمن يجي انتا تشوفو بعينك وقتها تضمني انو المفاجئة راح تقتل هذا الاخ وما راح يحاول يلصق التهمة فيكي --------------------------- يعني اي محاولة بس لازم زوجك يعرف لا تندمي راح يخرب بيتك لا تقولي انا ازبطها هوا اللي يعرف ويزعل من اخوه ولا انتي اللي يتهموكي وكل الناس تزعل منك انتي ما بتسوي شي غلط انتي بتحاولي تحافظي على شرفك وتحافظي على بيتك ------------ الله يكون في عونك اختي ------------ اقصد في عون صاحبتك ... |
امين ان شاء الله اوصلها الكلام كله واشوف ايش تقول
الله يعينها ويساعدها |
انا اخاف زوجها يكون عصبي يروح يسوي شي في اخوه والشيطان مامات الأفضل انها تقنعهم بعدم الأختلاط معلي حيزعلوا بس كدة احسن وثانيا تلمح لزوجها بطريقة غير مباشرة وفي نفس الوقت مايمنع تسجلوا مكالمة وتحتفظ بيها لو حاول يشوه سمعتها تكون معاها دليل وتحاول تتجنب الأحتكاك بيهم في الطلعة والنزله وكمان لو تلمح لزوجته اللي نايمة ومهي حاسه عشان تفتح عينها وتلم زوجها لأني أرى لو صارحت زوجها ممكن يخسر الأخوان بعض وهذا الأنسان الله يهديه والله يستر على المسلمين
|
هو زوجها فعلا انسان عصبي مرررررره فوق ماتتخيلوا
غير كدا قبل فتره اتعرض لمرض نفسي كان يتعالج منه ماني فاكره بالضبط هو اكتئاب حاد الله يعينها ويساعدها |
غاليتي
جزاك الله خيرا على حرصك وهذه مشكله لااحد الاخوات شبيهه بمشكلة صديقتك والحمد لله حلت http://www.66n.com/forums/showthread.php?t=149325 |
تم تعديل العنوان
ليتناسب مع الطرح |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©