منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ساعدوني.. أتطلق عشانها يعني؟! (http://www.66n.com/forums/showthread.php?t=151835)

ملَك شادي 28-12-2007 06:30 PM

الله يهديها امك
خديها مني ارجعي لزوجك وبيتك هما الدايمين الك
ومع الايام امك بترضى
لانو انت ماخاصمتيها ولا عملتي شي
ارجعي لبيتك واقفلي الصفحة هاي
وبعدين راضي امك
يعني اقعدي معها جلسة تصالح واحكيلها يا ماما ببسطك اضل معلقة مبهدلة هيك
وحاولي تستعطفيها
بترضى إن شاء الله

اما زوجك انت روحيلو واستقري في حياتك معاه واهدووو
بعدين صاحلحيه مع امك

أم وداد 28-12-2007 09:44 PM

الصراحة انا فكرت اني انتظرها اتسافر عشان ارجع لزوجي والحين قالت انا مابسافر ابد واخلي الجو يفضالك كنت اتمنى تروح واتفرغ لزوجي وشقتي...

فيافي نجد 28-12-2007 10:50 PM



توكلي على الله وعودي لزوجك

جنتك ونارك

ولاطاعة لوالدتك في هذا الامر

ولايمنع من ان تتلطفي معها وتهدي لها


باننتظار موضوع تبشرينا بعودتك الى مملكتك

الله ييسر امرك

الألمعية 29-12-2007 01:28 AM

اقتباس:

المشاركة الأصلية كتبت بواسطة أم وداد (المشاركة 1677189)
الصراحة انا فكرت اني انتظرها اتسافر عشان ارجع لزوجي والحين قالتكنت اتمنى تروح واتفرغ لزوجي وشقتي...



غاليتي أم وداد
بصراحة أستغرب من أمك شكلها ماخذة الأمر بعناد
وماتبيك ترجعين عشان كرامتها
صح هي أمك وحقها على عينك وراسك
بس قولي لو ماتبيني أرجع ليش زوجتيني بالأول
أنتم زوجتوني ومراح احمل لقب مطلقة بروحي

وأرجعي لبيتك وحاولي تراضيها قد ماتقدرين
والله يهديها أمك

سحر البيان 29-12-2007 02:12 AM

اختي ام وداد ليس للمرآة غير بيت زوجها وانت لو حاولتي استرضاء امك بعد ان تتفقي مع زوجك على ان يطيب خاطرها
وبعد ذلك داري على امور بيتك وزوجك ولا يدخل فيها الاهل فمشاكل الازواج تروح وما للاهل يبقى

lo0o0oly 29-12-2007 03:25 AM

حاولي قد ما تقدري توفقي بين رضا زوجك ورضا امك

غموض السنين 29-12-2007 03:27 AM

الله يوفقك يالغاليه يام وداد ويسر امرك ويفرج همك ويحط المحبه والمودة بينك وبين بو وداد


ويهدي امك ويصلح حالها



توكلي على الله وارجعي لزوجك وبعدين الوالدة باذن الله تهدى من نفسهاااااااااا وترضى من نفسها وتفرح لكم بعد وش رايك

عصامي الرأي 29-12-2007 04:12 AM

لن تشفع لك أمك أمام الله عزوجل اذا سألك عن حق زوجك

وانا اموت فيه 29-12-2007 05:06 AM

اختي ام وداد

ارى من الاجدى ان تجلسي مع امك وان تتحدثي معها

وان تحاولي معها بشتى الطرق لاقناعها

اكيد بنتك وداد غاليه عندها مثل مايقولون ما اغلى من الولد الا ولد الولد

قوليلها ودي تتربى بين امها وابوها

وما ودي اتحسف بعدين اذا صار شي على بنتي والسبب انها ميب عند ابوها ومن هالكلام



بس نصيحه

لاتطلعين من عند امك وهي مو راضيه عليك

وبعدين من قال ان طاعة الزوج اهم من طاعة الوالدين

اذا ربنا عز وجل ما قرن بين طاعة الوالدين وطاعة الزوج نقارن حنا البشر

وبعد تعبها عليك كل السنين الي راحت من حمل وولاده وتربيه والي انتي جربتي البعض منها

تقولين الزوج اهم

وفي القرآن الكريم وفي عدة مواضع قرن الله طاعته بطاعة الوالدين

وبكلامي هذا ما أقلل من حق الزوج فحقه عظيم

بس مو اهم من الام

وما اقولك خليك عند امك ولا تروحين عند غاليك ومغليك

بس حاولي انك تجمعين بين الاثنين

(( رضا الوالدين ورضا الزوج ))


والله يكتب لك الي فيه الخير
ويسعدك دنيا وآخره

حاملة الهم 29-12-2007 07:09 AM

لا اله الا الله ... والله يا ام وداد صج صج الله يعينج ويصبرج ويعوضج بعد هالصبر خير يارب ...

صج الله يهديها امك وفعلا شكلها تسوي كذا بس عشان كرامتها ...

يسالج حبيبتي لو رحتي وقلتي لها ترى انا بروح لزوجي وكاهم اغراضي جهزتهم وهذا راسج ابوسه بتمنعج وفهمهيها انك على راسها ..

المشكله ودي اقول لك صبري لين ماتهدا بس هذا انتي صار لك سنه صابره .. ومافي فايدة والريال ينطر يعني لو راح تزوج لو لعب من وراج راح تتحسفين طول عمرك ..

امك الله يهديها يارب روحي لها وطيحي على رجلها وخلي اخوك واخنك معاك يقنعوها ... بس ف هالوقت انتي تكونين خلاص مستعدة للروحه يعني شناطك في السياره وتوكلي على الله .. وتمي ارسلي لها مسجات انه هي ماترضى انه الله يلعنك والعياذ بالله لانه زوجك يريدك وانتي تعصينه .. وانه رضاه واجب اهم من رضاها بس انتي كنتي تحاولين تراضينها حبا فيها وانك سالتي اكثر من شيخ وقال لك لازم تروحين لزوجك ... وفهمهيما انه ان شاء الله هالطاعه بتوصلكم انتو ال2 للجنة ان شاء الله ..

حقيقة وايد مستعربه من تصرفات امك يعني حتى لو غلط بس هو قاعد يحلف انه تغير واظن بقاءه سنه كامله بدون زواج او لف ودوران اكبر دليل على انه شاريك فليش الخوف منه ...

الله يهديييها يارب ويقذف حب زوجك في قلبها وماتقومين بكرة الصبح الا وهي تقول لك يا بنتي توكلي على الله ... ومافي شي بعيد على رب العالمين ...

دعواتي الحارة بالتوفيق لك يالغاليه ..


الساعة الآن 07:45 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©