|
زوجي يقول لو إنه مكان زوجك بيروح يكلم صاحبه و ينصحه
و أنا من رأيي ، إنه ألحين أهم شئ تروحي تراضي زوجك و تبيني له إنك صح غلطتي و ماكان قصدك و لا تعاندي زوجك و قوليله اللي صار صار خلاص بيني و بينك الولد يستاهل و عجبتيني هههههه :d |
حبيبتي أنا لومكانك راح أعمل نفس الشئ وراح أضرب الولد
لأنه بجد قليل حيا ونرفز وعن زوجك طنشيه ومن حاله راح يهدئ ويجي يكلمك وممكن يعتذرمنك ويعرف إنك على حق وموغلطانه بالتوفيق ياقمر |
صراحة كاسر حاطري الولد ... توه صغير وبتلفظ بهالالفاظ ...
يمكن انا ضد الضرب .. كان ممكن تنبهينه .. او تقولين لامه بادب لوسمحتي ما ابي اولادي يتعلمون هالالفاظ ... بس بما ان الشي صار وخلص .... لاتخلين الشيطان بينكم ... روحي لزوجي واعتذري منه وقولي له انك ماقصدتي تضربين الولد ... او اتصلي في ام الولد قبل واعتذري لها وقولي لها اسمحي لي بس طلعت الحركة غصب عني وفهميها انه هالشي غلط .... وممكن يحطها في مواقف محرجه .. ثم روحي وريلج وقولي انك صلحتي اللي سويتيه ... والموضوع انحل بينكم .... وان شاء الله زوجك بيرضى ... لا تخلون الشيطان بيتكم ... موفقه |
اختي روح الطير
زوجي على فكره دايماينصح صديقه ويقول له انت ماعرفت تربي ولدك وصديقه عارف هذا الشي لكن يقول اني لو ضربته يتقطع قلبي عليه وهو يبكي وارجع اراضيه وبالنسبه لزوجي انا قلت له اني ماكنت اقصد بس اني ماندمت وهذا هو الصدق عشان كذا هو زعل حس اني ابغى اعانده يمكن مشكووووره ودمت بود |
و عليكم السلام ورحمة الله و بركاته
صراحة انت مو غلطانة بالعكس المفروض الاهل يربوا ابنهم حتى لا يضطر الناس ان تربيه و حقيقة و الحق يقال ليس فقط الابن يحتاج التربية بل الاب ايضا و الذي يقول لزوجته هذه الكلمات المنحطة و العياذ بالله و امام الابن .. انا لو كنت مكانك لما تركت اولادي يلعبون مع ابنهم حتى لا يتعلمون الكلمات الدنيئة و التي لا تخرج إلا من فم من تعود عليها و العياذ بالله بالعكس انت ما اخطأتي و كان يجب عليك ان توقفي الولد المتربي من البداية و تقولين لامه تربيه و ما يقول هذه الكلمات .. لكي لا يلوث البيت بكلماته انا لله و انا اليه راجعون |
اختي روعه
تسلمين على ردك وبصراحه رايي من رايك الاخت حامله الهم الولد مو اول مره يزورنا ومو اول مره يغلط علي وعلى عيالي وانا مو ملزومه اتحمل سوء تربية اهله له وبما انهم يرضون انه يغلط دايما وما يعلموه الصح والغلط يتحملو ردات فعل الناس الاراديه واللاراديه ومشكووووره دمتم بود |
اختي والله اللحظه الي مريتي فيها صعبه
بس دام الوالدين تقولين طيوبين ما اشوف له داعي تقطعون علاقتكم بهم عشان ولدهم الصغير وماله داعي يصير زعل بينك انتي وزوجك عشان الولد والله مو حلوه في حقك تقاطعين عائله وتزعلين مع زوجك والسبب مين طفل لجيرانكم من رايي اختي ارضي زوجك وكلمي الام مو عشان مو عشان تتعذرين عشان ترضين زوجك ومنها فهمي امه انها لازم ما تسكت عن ولدها وتفهم ابوه انه ولدها مثل ما هو ولده وتهمها تربيته |
اقتباس:
اختي الوفيه لوالديها مشكوووووره على رايك اللي اتفق معاك عليه وربي يوفقك في اختباراتك ياااااارب دمت بود |
اقتباس:
اولا احنا مو ناويين نقطع علاقتنا فيهم حتى لو كنت ابغى هذا الشي زوجي ماراح يرضى وبالنسبه لامه دايما انصحها لكن هي تقول الولد عنيييد وما قدرت عليه والاب طبعا مايساعدها الله يعينها دمت بود اتمنى اشوف راي اخواني الرجال لو انت مكان زوجي وزوجتك تصرفت نفس ما انا تصرفت وش تسوي وشكرا مقدما |
انا اللي اعرفه الناس لما اتسير اتزور ناس في بيتهم يحترمون حرمة البيت ويحترمون اصحاب البيت ترا مثل ما الزائر له حقوق مثل اكرامه وغيره ترا حتى صاحب البيت له حقوق مثل احترامه واستئذانه وغيره....يعني ماتي تكسر شي في البيت واتقول والله الولد صغير بس في تربية تنبه الأولاد بعدم مشاغبتهم.....لو انا اعرف ولدي بيفشلني ماكنت باخذه معايه بيت الناس ويتهزئون.....ويابخت من زار وخفف
و من المحقر لصاحبة البيت ان تأتي هذه الألفاظ في ظل سكوت الأم(الأم مدرسة)....لو الألفاظ هينه كان سكتنا لكن مثل هالالفاظ والله مو بس اضربه.....والولد هذا قاعد يعكس بيئه بيته وبكرة راح يدخل المدرسة يعني لين احينه امه وابوه ما تداركوا حجم الكارثة في تربية الولد....يمكن هالضربة تكون صفعه لهم تصحيهم من غفلتهم ومافي داعي للاعتذار لان هم اللي اللازم يتخذون هالطريقة مب انتي هم اللي لازم يعتذرون.... المهم انتي مب طفلة وزوجك ليس بطفل وتقدرون تتفاهمون بدون عناااااااااد......وقولي لزوجك لوكان احد من عياله قال هالكلام في حال زيارتكم لاقربائكم شو بتكون ردة فعلة؟؟؟ الله المستعااااااااان |
| الساعة الآن 12:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©