|
الله يعطيكم العافية يارب والله ريحتوني بردودكم
على فكرة اليوم اول يوم انا عند اهلي واهله ما يدرون عن ها المشكله شيئ هو كلمني قبل شوي وقاللي امرك عشان مو قادر ارجع البيت لوحدي بس انا قلت له خليني اليوم عندهم بس اما افكر اذا كلمني بكرة ارجع اقوله يطلع يكلم اهلي ويوعده انه ماينزلني لأهله غصب عني ومتى ما قدر طلعنا والشغل عند اهله ما لي فيه وش رايكم |
يختي الحل بسيط
يعني يا انك تكرفين لهم وتشتغلين لهم شغاله طول الوقت ولا تطلعين من البيت ؟؟ حطي حل وسط وحطي لك ساعتين باليوم مثلا تنزلين عند اهل زوجك وتساعدينهم اعتبريها تنازل منك عشان رضا زوجك وتضحيه له حتى لو كنتب ما تبغين والوقت الباقي اجلسي في بيتك سواء فاضيه ولا مشغوله عودي زوجك واهل زوجك على هذا النظام واتراحي لا ضرر ولا ضرار والله يوفقك |
يختي الحل بسيط يعني يا انك تكرفين لهم وتشتغلين لهم شغاله طول الوقت ولا تطلعين من البيت ؟؟ حطي حل وسط وحطي لك ساعتين باليوم مثلا تنزلين عند اهل زوجك وتساعدينهم اعتبريها تنازل منك عشان رضا زوجك وتضحيه له حتى لو كنتب ما تبغين والوقت الباقي اجلسي في بيتك سواء فاضيه ولا مشغوله عودي زوجك واهل زوجك على هذا النظام واتراحي لا ضرر ولا ضرار والله يوفقك |
أختي الكريمة .. أنا من رأيي ترجعين لبيتك
ولا تدخلي أهلك في المشاكل اللي بينك وبين زوجك أو أهله وتحاولين تناقشين المسألة مع زوجك وقوليله إنت ماترضى علي أشتغل فالبيت وخواتك قاعدين مايسوون شي وتحاولي معه إنه يجيب شغالة للبيت عالأقل الشغل بيخف عليكي وبصراحة ممكن لما ييجو خواته آخر الأسبوع قعدي معهم ساعة بعدين اسأذني إنك بتروحي تزوري أهلك طبعا تكوني متفقة مع زوجك على هالأمر وفقك الله لما يحبه ويرضاه |
أوافق الأخت صريحه جدا لأن كلامها جدا واقعي وحلها للمشكلة لم يأتي من فراغ بل حل منطقي ومن تجربه واقعيه وتجربه شخصيه نسخة طبق الأصل لمشكلتك أتمنى لأختي ملاذي الأخير الإستفادة من ذلك والله يعطيك العافية يا أختي صريحة جدا &
|
اصبري واتحملي عشان زوجك
الله العالم اني صبرت مثلك 9 سنين والحمدلله جاني الفرج الحياه يا حياتي يبيلها صبر اهم شي ريحي زوجك واهتمي فيه وطنشي |
|
لا حول ولاقوة الا بالله .. معقولة يابنات تقولون خليك عند اهلك !! بكرة لا قدر الله لو زوجك استغنى عنك مين راح ينفعك ..!!
انا ضد هالاشغال الشاقة اللي مسوينها اهل زوجك لكن مب حل انك تطلعي وتخلي زوجك بروحه بما انه طيب ورومانسي ويحبك وفيه كل الصفات اللي تتمنيها .. !! اختي بارك الله فيك ... من رايي اجلسي مع زوحك جلسه حلوة وقولي له عن التعب اللي تتعبينه وفهميه انه ابدا مافي مشكله لو جبتوا شغاله تساعدكم وانتي اكيد ماراح تقصرين مع ام زوحك حتى لو في شغاله يعني هي في النهايه حسبت امك .. بارك الله فيك اختي على اللي كنتي تسوينه والله يكثر من امثالك والله قليل اللي يسوي هاي كله عشان زوجه ... فالله يبارك لج يارب ويطرح البركه في زوجك ويرزقك الذريه الصالحه ... وتأكدي انه مافي شي يضيع عند رب العالمين موفقه اختي ان شا الله :) |
اختي والله عيني دمعت لما قريت مشكلتك مش لانها كبيره بقدر ماهي متكرره نفس الاحداث بس المكان والزمان هو الي يتغير شوفي حبيبتي يمكن لو تقرأي الي كتبته في معاناة زوجي معاناة زوجي بتعرفي بشكل سريع الي يعانيه زوجي
اما اهله فتقريبا نفس معاناتك بس الفرق احنا ماكنا بنفس البيت بس قريبين منهم ورفعو ضغطي وجاني القولون العصبي بسبتهم بس بصراحه وبالرغم انه اهلي بعيدين بس وقفو معاي مش ضد اهله ابدا لانه زوجي طيب ويمكن زي حالتك بس هو يحس انه مضغوط ومايقدر ينقل بنفس الوقت يبغى يرضي اهله ويرضيكي مااطول عليكي انتي خليكي عند اهلك ويتفاهمو معاه عشان تلاقو حل مو لازم انكم تنقلو بكره من بيتكم بس يكون في الخطه يعني شي ليه اولويه اما امه ومساعدتها انتي ممكن تساعدي بحدود المعقول حكاية الانسحاب فجأه هذي تسبب مشاكل كثيييييره انتي وزوجك في غنى عنها انا بعد سنتين معاناه نقلت قبل شهر والحمدلله الصبر يااختي بالاضافه لحل المشاكل الصبر لحاله بدون السعي لحل المشاكل ماينفع |
شوفي حبيبتي انا اهلي كانوا من النوع المتفهم والمقدر واللي يحل المشكله بهدوء وتفاهم وبالمقابل مايرضون علي الغلط ويدافعون عني ولو غلطانه يقولون لي غلطانه
فإذا اهلج نفس الشي وظامنه انهم ماراح يكبرون المشكله ويعصبون على زوجك فأنصحج كلميييييييييييهم واظن انهم طيبين كونج طلعتي من عندهم أما زوجك بيظل يحاول أنج تردين بأسرع وقت وماراح يحل مشاكلج بيتجاهلها واهم شي عنده يضغط عليج وتردين وبقولج وش بيسوي زوجك لين تردين بدون ماتسوين حل للمشكلة بيقعد يهدد ( كلام بس ) انج اذا طلعتي ماراح تردين مره ثانيه او انه بيدور زوجه ثانيه او اي شي يخليج تحسين انج ندمتي انج رحتي بيت اهلج وبيكون زعلان من حركتج فأنا انصحج كونه بيزعل في كل الاحوال خليه يزعل ويقول هالكلاك ويفرض رجولته بس بعد ماتكونين كلمتي اهلج وهم كلموه وحطوا شروطهم وعطاهم كلمة رجل انه بيسوي اللي طلبتيه ووقتها حتى لو زعل وقال هالكلام مايخالف دام راح ينفذ اللي طلبوه اهلج بتتحملين واصلا بيضطر يساعدج وبعدين بيحس بالراحه هو واهله وبعدين اهله مايدرون انج زعلانه فإذا رديتي شلون زوجك بيقدر يضغط عليهم بعكس لو دروا انج في بيت هلج وانهم سبب المشاكل فبيتقبلون كلام زوجك لو طلب منهم مايضغطون عليج او لو قالهم بجيب خدامه ولاتضنين انهم بيحرضونه انتي طيبه وهاديه ومثل هالحريم مايتفرط فيهم حتى زوجك بيحس انج طيبه وبيقدر اللي تسوينه ولو مايبين وام زوجك بتحس فيج خاصه وهي عندها بنات وصدقيني اللي يصير فيج بيصير في بناتها وخاصه اللي بتتزوج في الصيفيه بتعاني مثلج لانهم كلفوج فوق طاقتج والله مايطق بعصا والظلم ظلمات ووقتها بتحس ام زوجك فيج وبتراعيج واهل الزوج يوقفون ضد زوجة الولد اذا كانت ترد عليهم ووقحه ومبهذلتهم واول شي يقولونه لولدهم طلقها لكن انتي وش بيقولون عنج راضيين عليج والله يوفقج ياغاليتي متعاطفه وياج وحاسه فيج والله يفرج همج قريب |
| الساعة الآن 08:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©