:d

هو احسن عقاب يا اختي انك تعاقبيه بالطريقة اللي انتي كاتبه بيها الموضوع ده


بس ساعتها هو برده حيعاقبك بس حيبقي العقاب الأخير

مافهمت قصدك اختي جويريه

انا اريد لو كلمه بسيطه او حركه مجربه منكم يالخبره بالحياه الزوجيه افهمه اني تأثرت كثير من حركته بدون مايصير الموضوع زعل بيننا

يظهر اني قاعده اطلب المستحيل

مشكورين ماقصرتوا

سكرا على الموضوع انا قررت اني ما ارد عليه من اول اتصال اذا رجع وهو بيفهمها وبعدها اتفاهم معاه بطريقه حلوه يظهر ان عقلي اكبر من كثير ناس ردت علي بأسلوب سخريه همكم بس تضحكون

وانا بجد كنت مهمومه اريد حل منكم بس فعلا سؤال غير الله مذله
جزاكم الله خير على كل حال

قلبك طيب لاكن لاتملكين الاسلوب

حبيبتي الحياه قدامك لازم تاخذيتها بصبر وتروي بعدين الحياه الزوجيه مافيها عقاب وانتقام فيها عتاب وتفهم

ادري انك محتره وقلقانه وخايفه عليه واهو مستانس ولا درى عن كل الي حصل لك

ممكن اول ماتكلمينه تعاتبيه باسلوب مهذب

اقرائي كتاب الرجال من المريخ النساء من الزهره

ابكاني ردك اختي ورده سنيه بعد سخرية الكل مني

يمكن انا غلطت بكلمة عقاب بس ماقصدت فيها عقاب بمعناه قصدت طريقه تخليه يحسب حسابي بعدين لو كلمة عتاب بس مع الاسف الكل اخذ الموضوع سخرية لكن مو منهم لأن عقولهم صغيره ولا جايين يضحكون علي بعد

على العموم شكرا حبيبتي وربي يرزقك الذريه الصالحه يارب ويرح قلبك
انا قرأت مختصر الكتاب مو الكتاب الاصلي بس شكلي بجيب الكتاب الاصلي افضل سمعت عنه شاياء اكثر فايده من المختصر جزاك الله خير


انا بسوي اللي قلتي عليه بس ماراح ارد عليه على طول ابيه يقلق علي شوي ولا شرايك؟؟؟؟

عطوره تدرين وش الي خلاهم يقلبون عليك

اسلوبك انك بتعاقبينه وتبينه يتأدب وكأنه ملكك ولا يتحرك الا بشورك

انا فاهمه عليك اختي

شوفي كلميه بهدوء والموضوع ترا مو مره قوي وصدقيني الرجال اذا حط براسه شئ يسويه يسويه

مايهمه كلامك له ولا عتابك له

فانتي كلميه بكل هدوء وبينيله كيف انه غلط يوم ما طمنك وهو هناك

واذا على انه مدد الى يوم الاحد مافيها شئ خليه ينبسط لاحق على الشقا :d

اختك بالله

جينز

اشكرك
والي سويته اعتبره حق علي اقوم فيه

لاكن انا من النوع الي مايحب انك تتركينه وماتردين عليه

لو رديتي عليه باسلوب هادي وقلتيله ماتدري وشكثر عانيت بهاالايام الي فاتت وحكيتي له كل الي حصلك وبكيتي

قولي له ياليت لو ارسلت لي مسج تطمني فيه عليك وريحت قلبي اتمنى منك مره ثانيه تطمني عليك

اتوقع بيأثر عليه اكثر

الله يوفقك في حياتك

هذا اللي كنت اريد اسمعه حبيبتي الله يفرج عنك ويهدي بينكم يارب


بس الكل فهمني غلط اخذ الموضوع انو يااااي كيف تريد تعاقب خطيبها والله يعيينه
ليش الرجال ملاك يعني مايغلط؟؟؟؟


لأ طبعا بس حتى لو غلطوا ماقول لك اريد اكسر راسه و و و لااااااا اريد نصيحه لأني ذكرت بالموضووووع بدون ما أخسره
بس مع الاسف اكثر اللي قروا موضوعي شافوا النقطه السودا بس



وانتي اسأل الله ان يفرج عنك ويريح نفسيتك ويطمن قلبك ياحبيبتي على ردك

وانا فعلا ماريد اخسره ولو كانت على العقاب اللي يدري يدري واللي مايدري يقول كمشة عدس ياما عاقبته وتاب وتغير بس وصلت لمرحله اريد اغير اسلوبي معاه واريد نصيحة من اهل العقول الراجحه والمجربات والمجربين


وجزاكي الله خير

يسلمو حبيباتي على ردودكم وفعلا كل رد يوحي لي بفكره واسلوب احسن

طبعا الردود الراجحه


ماقصرتوا يالغلا

انا اتفقت مع اخته خخخخخ <<< ان كيدهن عظيم


تقول له اللي صار بدون تزييف يعني ماكذبت بشي
تقول له كيف كنت كل شوي اتصل عليهم واسأل اذا جاهم خبر عنه

تقول له كيف بكيت معاها على الخط من خوفي عليه

تقول له كيف كنت اقول لازم نبلغ انا لو صار فيه شي امووت <<<< ومن الحب ماقتل وعذب

المهم ولما يتصل علي برد عليه بهدوووووووووووووووء ولا اقول له شي ولا اعاتبه ولا افتح الموضوع طبعا اخته بتكون وصلت له اللي صار
ويتوقع مني عتااااب و و و كلام ولوم


ولما يشوف اني مافتحت الموضوع بيتحسر جواه خصووصا اني بتكلم معاه بصوت منكسر حزين ولو يسألني وش فيك بقول له مافيني شي كنت خايفه عليك بس والحين تطمنت وانا عارفه قلبه بيحن ان شاء الله ويبطل يسويها فيني


ادعوووولي

ونسيت اقول اني برد عليه بكل بروووووود ولا راح احسسه اني متلهفه عليه ولا خايفه عليه ولا مشتاقه له بصير عاددددييييي جدا ولا افتح الموضوع واكيد راح يحس ويفتح الموضوع خصوصا ان اخته تكون قالت له اللي صار لي
واكون عاقبتـــــــــــــــه بدون ما اخسره ياشخص غبي