اخت احلاهم: انا عارفه هالشي من جي طلبت مساعدتكم انا متزوجه من 3 سنين و بينا عيال(2 و الثالث في الطريج) و كذا مره فكرت بالطلاق بس دايما اكون حامل لما افكر بالطلاق

و الكل يقولي انطري بعد الولاده لان المرأه الحامل مرات تكره زوجها و بعد الولاده يتغير شعورها

هم مفكرين ان السالفه مشاكل عاديه ما يدرون ان زوجي ما يصلي و بصراحه انا ما احب افضحه

و زوجي قبل كنت احثه عالصلاه مره يصلي و مره لا و بعدين خليته و ما قمت اذكره بالصلاه فقال لي ليش ما تذكريني بالصلاه مثل قبل؟ قلت له لانك مللتني ما تسمع الكلام..قال : ان شا الله اتغير بس لازم تستحملين شوي ، انتي ذكريني و حني لحد ما اصلي و التزم

انا فرحت لما قال لي هالكلام بس احسه مصخها كلما حنيت و ذكرته بالصلاه قال لي لا تحنين... مالج شغل فيني... مب مسؤوله عني ... و من هالكلام اللي يبط الجبد

يعني مرات احس انه ممكن يعتدل و مرات احس No Way

عطر الليل: الله يهديهم و يصلحهم

بقايا امنيه: جزاج الله خير و مشكوره عالدعوه

اهم شيء الدعاء
وان تكوني قدوة له بمعنى انك اول ماتسمعي الاذان على طول اتركي كل حاجة وقومي وضي وصلي حتى لو حاجةمهمة
حتى توضحيله اهمية الصلاه