جرب مانت خسران شئ بس بالطلاق والله بتخسر كثير

المشكلة اني ماعدت اطيق الجلسة معها , اغصب نفسي على الجلوس والطلعة معها فقط لتأدية الواجب كونها زوجة , ولم اقصر بأي شي من واجباتي تجاهها وباعترافها هي لأني اخاف من رب العالمين ...صبري نفذ , توعد بالتغيير و ماتاخذ الا ساعات او بالكثير ايام الا وهي مكررة نفس الخطأ...... الصبر اكيد عواقبه طيبة , بس لما يصبر الواحد شهور من دون مايشوف أي تقدم ,مايصير اللي قاعد اسويه هذا ضياع للوقت؟

الله يعينك ..
لكن لاتفكر بالطلاق اجعله آخر الحلول ويمكن زوجتك مع الوقت تتغير وتعقل..

اخي في دورات خاصة تفيد في كيفية التصرف مع العصبية الحادة

ممكن تسأل عن هذا النوع من الدورات وخلها تسجل فيها

بعدين ليش تطلق ؟؟؟خاصة انكم تحبون بعض

بقول لك شي وادري الاعضاء راح ينصدمون من كلامي

انت اذا شفتها عصبت قلها هدأي اعصابك واذا ما هدأت ارقعها كفين على وجها ...لكن مو تكسر لها فكها او تكسر اسنانها

لا ..بس عشان تنتبه لحالها ...وقل لها ...كل ما ارتفع صوتك راح تلاقي من هذا النوع من العلاج

صدقني راح تبرمج مخها ان كل ما ارتفع صوتها راح تلاقي علاج شديد و مر

وراح تتحكم في انفعالاتها

يعني هذا العلاج افضل من الطلاق و اضرارة بعد اقل ..صح؟؟؟

اجلس مع نفسك ويقولون العاقل خصيم نفسه ... كيف تعاملك معاها ... كيف اسلوبك في النقاش معاها قد تكون انت اثناء ماتحدث المناقسشه او عندما تناقشها عن شي تكون تتكلم بعصبيه ونرفزه حتى لو وجدت مايستفزك وتود مناقشتها عليه لأنه بديهي اذا كلمتها بحده سترد بحده عفويه وتلقائيه دون شعور منها وانا لا اتهمك بهذا الشي فقط اضعه من ضمن الاحتمالات ... لأن احد اصدقائي يعاني من مشاكل مع زوجته وقلت له قلي بالتفصيل وش اللي صار من البدايه قال الموضوع لي اللي نرفزه بس كان خارج البيت ورجع ودخل البيت ويقول لي شي طبيعي انا منرفز ومتوتر من اللي سوته وصوتي مرتفع ويقول الا بكل طلاقة وجه تصايح علي قلت كيف تصايح قال اسئلها وترد بصوت عالي وقلت لها لا ترفعي صوتك علي وقالت لي لما تحترم نفسك وتتكلم بشويش وعلى هالموال وشوي شوي الا وهي طالعه برا البيت وشايلها لبيت اهلها قلت له ماشاء الله عليك انت تبي الصراخ ملك لك انت وحدك ... تخيل لو كانت هي اللي لاقيه عليك شي وجات تتكلم معك بصوت عالي وش بتسوي انت قال تبي الجد قلت ايه قال بتصير نفس المشكله قلت ليه طيب قال مفروض دامها بتناقشني بشي تشوف الوقت اللي اكون فيه رايق بعد ولا تتكلم معي الا لما تكون متأكده ان نفسيتي زينه عشان نطلع بنتيجه ...... قلت عاد من الغلطان الآن قال انا ووقتها كنا بعد العصر قريب المغرب ومادريت الا يتصل علي بعد صلاة العشاء قال انا توني جاي من السوق شاري هدية لأم فلان بـ 5000 ريال وكلمت امها اني جايهم بالطريق وابي ام فلان تجهز لي القهوة وترا بعد العشا نبي نروح للبيت مانقدر نسهر عندكم وبحدود الساعه 12 ارسل لي مسج فيه شكر ودعاء والحمد لله نتمنى ان وضعهم تمام ....
مشكلتنا يا اخوان نستصغر اخطائنا ونستكبر اخطاء الطرف الاخر .... نعطي لأنفسنا العذر بينما نرمي الطرف الاخر في دوائر الاتهام وعدم التقدير والاحترام ....
وانت اخي الفاضل يجيب ان تفكر بكل صدق بينك وبين نفسك ... واحمد ربك ان مافيه اطفال بينكم ... وما اقول الا عسى الله يوفقكم .

الله يسهل امورك

كلام ولهاان عين العقل واصبر اخوي ترى الصبر جمييييل

السلام عليكم ...
اشكر الجميع على المشاركة وخاصة العضو الولهان ...احب اني اوضح ان طبعها هذا مهو بس معي , حتى على امها ترفع صوتها وتغلط .. والمشكلة ماهي بس برفع الصوت والغلط , المشكلة الاكبر بالنكد .. يعني طالعين , مسافرين , جالسين مرتاحين , من ادنى سالفة او مزحة او شي مايعجبها على طول زعل وبعدها بفترة رفعة الصوت والغلط...
انا حذرتها اخر مرة وشرحتلها كيف انها المتضرر الاكبر من افعالها هذي ,, واولها نظرتي لها كأنثى تشوهت كثير ,...

أخي الفاضل ليس هنكا اقسى واوجع واكثر تأثيرا على المراة من الهجرااااااااااااان ..

لكنها هي تعرف أنك مهما تهجر فإنك بسهولة ترجع وتلين لها ..

أخي خلك صارم مع نفسك اولا ثم مع زوجتك .. فمعرفتها بنفسيتك جعلها تتجرا عليك ..

فلو عرفت منك صولة الجد وحزم الرجال ما تجرات عليك ولا وضعت عينها بعينك ..

فالأمر كله بسببك ... فالفرس من خيالها ..

اخي المحتار00

العصبيه00 لا تعني قلة الأدب وعدم الأحترام00 يا ما ناس عصبييين ويقدرون ويحترمون00

زوجتك بإختصار يا اخي00 مثل الكثير من البنات في هذا الزمن00اللي تحط راسها براس زوجها00

ولا تقدره ولا تحترمه00ولا تعرف حقه العظيم عليها في دنياها واخرتها00 ولم تتربى على ذلك 00لأنه الأن

ليس البيت الذي يربي00فالتلفزيون يربي00والنت00والأصدقاء00 ونسمع من البنات الشئ الكثير على حسب دينها

وعقليتها00

الحل00 انك تعلمها احترامك00 وتحتاج لحوارات متعدده بينكم مع الاحتواء 00

ورفع الوازع الديني عندها00 وايضا محاولة تغيير ما يمكن تغييره من ناحية عقليتها وثقافتها00التي لا تتناسب

مع حياتك الزوجيه مع قليل من الصبر00 ولو احتجت لتدخل امرأه تكون ذات حكمه00وتنبيهها لبعض المغالطات00


جعلها الله قرة عين لك00