|
الله يهديييه ويصلحه يارب ... ماشاء الله عليك اختي باين عليك ناضجه وفاهمه وواعيه ... ومب مثل البنات اللي كل كلمتين قالوا طلقني وبنفصل .. << اسفة على هالكلمه وماقصد الكل طبعا في احس الطلاق هاليومين صاير موضه الله يكافينا الشر ..
اختي في الله .. حاولي تتكلمين معاه بصراحة وتبينين له انه مثل مايبغكي تثمنين كلامك معاه هو بعد لازم يسوي نفس الشي ... بس في كلمه لفتت انتباهي وهي يوم قلتي انه يوم يكون عندك يكون ارحم ومب عصبي .. فيمكن البعد هو اللي يسوي فيه جي ... الله ييسر لج الخير يارب |
اختي الفاضلة
من المحتمل أنه وجد بعض الاشياء التي عكرت مزاجة وجعلته عصبياً الانسان اذا تمنى شيء في زوجتة او وجد صفة لا يحبها وعجز عن أصلاحها يكون عصبي وجاف في معاملتة بسبب المشاكل التي يمر بها مع زوجتة حاسبي نفسكِ على كل خطأ يحصل بقصد أو من غير قصد وابتعدي شيئاً فشيء عن اي صفة لا يحبها التغيير لا يأتي في يوم وليلة فهو يحتاج الى النفس الطويل وهذا شيء يجب أن يفهمه زوجكِ جيداً دعية يشعر انكِ مصممه على تغيير بعض الاشياء فانه اذا شعر انكِ تريدي التغيير لن يفكر بالطلاق حتى ولو قالها وقت الغضب وحتى لو قالها وقت الغضب امتصي غضبه بأسلوبكِ العاطفي |
فترة الملكة من اجمل واحلى الذكريات اللي مرت علي , فيها كل انواع الرومانسية والحب والتفاهم مع انه تخللتها بعض
الاخطاء والزعل , لكن نعود من بوابة محمد عليه الصلاة والسلام في كيفية تعامله مع زوجاته رضي الله عنهن , التقليل من الاخطاء امر بسيط لكن يحتاج الى معونه من الله ثم من تفكيرك الايجابي , , بالنسبة للتدقيق فهذا تصرف المزاج يعني زوجك الظاهر انه مزاجي حيل , حاولي انك تغيرين بعض الروتين مثل تفاجئينه بهدية منك ( مجموعه عطور مع لوازم رجولية : محفظة + قلم + ميدالية ) يعني مفاجئات تخليه يحس انك تعاملينه بكل حب وإخلاص , ولاتنسين دائما وابدا الدعاء الدعاء الدعاء له ولك بالثبات وان يجمع الله بكما على خير وطاعه . اتمنى ذكر مواقف للنبي عليه السلام وللصحابه الكرام ونماذج من سيدات وامهات الدين ومنهم التابعات , الله يبارك لكم ويجمع بينكم على حب وتقوى وخير . |
الله يعينك عزيزتي ويرقق قلب زوجك
حسب خبرتي المفروض ان ايام الخطوبة والملكة تكون من احلى وارق الايام تمنياتي لك بالسعادة |
الله يعينك والله
ماعندي زياده على كلام الاخوان والاخوات لكن حبيت انبهك لنقطتين : 1- تريثي ..يعني لاتستعجلين في الزواج وانتي تعانين منه في الملكه !! لازم تدخلين على بينه .. اما نظام خذني جيتك ترى والله مو في صالحك 2- لاتحسسينه انك ضعيفه حيال لقب مطلقه!! ترى هالشي بيخليه يستقوي عليك .. يعني انا اشوفك تتنازلين عن اشياء كثيره خوفا من الانفصال!! تخوفك هذا يعتبر نقطه ضعف ممكن يستغلها اسوأ استغلال اذا كان من بعض النوعيات من البشر الله يصلحهم بس الله يكتب لك الصالح |
كان الله في عونك اختي
اهم شي تطولين فترة الملكة شوي حتى يبان اكثر ثم تقررين وفقك الله لكل خير |
ليا راجعه ان شاء الله
بعد ماارجع من السفر |
اختي الله يصلح شانكم انتي مملكه يعني شرعا زوجك اتوقع المشكلة يبغى منك اهتمام اكبر يعني تسالي عليه مو لازم هو دايم يتصل ممكن انتي تتصلي تسالي عنه تعزميه عندكم بالبيت تطبخي له اكله يحبها ترسلي مسج حلو ولو هاوش وزعل قولي له بدري هذي احلى فترة وحاولي تلبي رغباته لو حسيتها معقولة ويحتاج تغيريها اختي هذي ميزة انه خطيبك يدقق فيك يعني يخبرك بالي مايحبه ويبغى يغيرك للافضل في كثير رجال مايتكملوولا كلمة ويروحو يدوروا من ورا زوجاتهم ولما يسالوهم عن السبب يذكر عيوبها كله وكون هذي اول مرة تعرف انه متضايق منها ولكن بعد ايش
قليلين الرجال الي كذا وهذا دليل انه شاريك ويريدك زوجه له ولكن عنده تحفضات على بعض تصرفاتك وانتي بعد لو حبيتي منه يغير شغلة ممكن تنبهي لها والله يوفقكم ويتمم لكم على خير |
مشكورين حبايبي على النصايح المفيده
انا بتحمل هذا الاسبوع وبحاول اغير نفسي مثل ماهو يبغي وبشوف النتيجه الله يستر يعطيكم الف عافيه ماقصرتو معي بجد |
هلا حبيبتي ..
هدي أعصاابك .. وكثفي دعااء هذي الأياام .. فترة الخطووبة المفرووض كلها دعااء .. بين كل اذان واقامه ادعي والحي بالدعااء .. والأخوان والأخوات كفو ووفوو .. بس أنا جبت لك شغلة دينه وهم جابو حلول ترى قلبه بين يدي رب العالمين يسخره كيف يشآآء .. فاحرصي على الدعاء في كل سجدة وفي كل حيــن .. وانصحك بعد خليـــك وآآآآثقة من نفسك .. ترى ممكن الثقة تحول هالتصرفات اللي هو يتضايق منها الى إعجآآب.. وباين عليه يحبك بس يعبر بطريقة ثانية .. بدليل انه مايستغني عن اتصالاتك .. فانتي وضحي له انك تحبينه بطريقتك الخاصة ودلليه بأسلوبك ..:) وعليك بالاستخارة اولا واخيرآآ .. وزي ماقالت خطيبة مطووع أنا معها في النقطة الثانية اللي قالتها.. وعذرا ع الاطاااالة . وبالتوفييق :) :) |
| الساعة الآن 03:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©