انا فهمت انك الحين خاطب ،،، انصحك انك تستخير ربك بحيرتك ، وبعدها اذا الله وفق وسهل عليك زواجك الجديد فخلاص انسى زوجتك الاولى ،،، واذا الله ماتمم خطبتك فخيره من الله ورجع زوجتك الاولى .

اني مو موافقة مع بعض الاعضاء

الاخ يقول انه ما يبيها..يا اخي اذا ما تبيها لا تزيد الطين بله,,اتركها و غير رقم تلفونك

و بعد لا تنسون خطيبته وش ذنبها..و هو ما يريدها بعد كل شي انتهى..الله يصبرها و يعوضها بأحسن ان شاء الله

بس بقولك من الحين لا تعطي فرصة ولا تشفق...اذا تريد تعطي فرصة لازم تكون تريدها و متاكد 100% و انت قلت ما تريدها

لذلك لا تضغطون عليه يا ناس لان راح تخلوه في مشاكل اكثر من ذي قبل

خلاص امشي في حياتك و غير رقم تلفونك

ماقول الا الله يعينك ....والله الاولى تقطع قلبي عليها ..اتوقع لوبترجعها بتحسون بحياة ثانيه وهي الان مطلقه فتكون في نظر الناس مطلقه يعني صعب شوي ..اما الثانيه عاااااااااادي تقدر تفسخ الخطبه لانه بنت ولسى ماتزوجت وبيرزقها ربي عادي كثير كذا تقدموالبنات ثما فسخوالخطبه ..اما الاولى مالها الا الله ثما انت واكييييييييد انها مانستيك وايام العشره ....استخير الله ولازم اذا بترجعها تكون مقتنع فيها وناسي كل شي اول وتقدر قبل ماترجعها تشرط عليها باشياء انت تبيها واشياء ماتبيها (((((((((مجرد رأي))))))) وفقك الله

اخوي.......مثل ما يقول المثل
ابو طبيع ما يخلي طبعه. انت اخبر واحد عرف زوجته الاولي.. الحين
راجعه تستعطفك؟؟؟؟؟نسيت المشاكل اللى بسببها تطلقتوا؟؟؟
مثل ما قال ابو فلان غير رقم جوالك و انساها. قد اذا رجعتها ترجع
المشاكل بس هالمره من الزوجتين. اش ذنب الزوجه الجديده ترجع
القديمه؟؟؟؟ تزوج و الله يسعدكم و اهي الله ما راح ينساها و إن شاء الله يرزقها الزوج الصالح. و الزواج قسمه و نصيب.

حنون بس متعذب ,,
هي اختارت نوعية حياتها و انت اخترت طريقك و واضح انك مرتاح لأختيارك ,, خلها تتحمل نتيجة استهتارها لربما يكون درسا لها تتعلم منه و ربي أقرب لها منك و بيرزقها اللي بيتحملها ,, اذا هي كانت منكدة عليك , انت كنت لها لحالها فما بالك لو اصبحت زوجة ثانية لك ؟؟!!!! لا تتراجع عن قرارك و الله يوفقك ,,
و لا تنسى أكثر من الدعاء بان يريك الله السعادة و يصرف عنك الشقاء و العناء

متابعه لموضوعك القديم
الصراحه هي خسرتك وجنت على نفسها
الله يعينها على ما فعلت في نفسها

مادام مالك رغبة مطلقا بالأولى وتود أن تبدأ حياتك من أول وجديد مع الثانية ؛ خلاص غير رقمك وانتهى الموضوع .
والنفس لما يستحيل عليها أمر خلاص تيأس منه وتتكيف مع الحال اللي هي فيه .