لو تم رفضه من قبل الأهل فصدقيني هم الوحيدين الذين يملكون أسباب الرفض, فلا أنا ولا أنتي ولا حتى الفتاة تملك بعد النظر عند الأهل وخصوصاً أنهم يعرفون مميزات وعيوب أبنتهم مهما أخفتها عنك وعن زميلاتها

صدقيني أغلب الدراسات العلمية أثبتت أن أغلب الزيجات التي تتم دون الأخذ برأي الأهل تنتهي بالفشل, وعندما يقبله أهلها دون ضغوط منها وتدخل منها فمعنى هذا أن الرجل لاشق له غبار وفي حال رفضهم له فهم الأعلم بالسبب

وبالتوفيق

همسة : لا أنصح بالفارق العمري وخصوصاً إذا تجاوز عشر سنوات
لا أنصح بالزواج من شخص لديه أسرة مستقرة ولايوجد لديه سبب وجيه للزواج كأن يكون غير راغب بزوجته ولكن مجبر على البقاء عليها بسبب الأبناء, فهذا لديه عذر, وفي حال عدم وجود مبرر فأقول من يضحي بزوجته بدون عذر فليس ببعيد عليه أن يضحي بغيرها

مشكووورين على الموررروووور كلن باسمه الله يجزاكم خيرر ويكب لها الي فيه الخيرر >>ااااامين

انا متقدملي واحده نفس الشي بس الفرق بيني وبينه 13 ومتزوج وكل مواصفات فارس احلامي صدق فيه واهلي طبعا معلقينه من سنه وهو ما خلى وسيله الا وسواها صدق ذل عمره وايد وقال وراهم للموت يا آخذج
بس انا نفس مشكلتها اهلي

لاحول ولاقوة الا بالله العلي العظيم الله يفرج لكم الله يفرج لكم الله يفرج لكم ياااااااااااارب ياحي ياقيوم ويكب لكم الي فيه الخيررر >>امين

دامها في بداية العشرينات خليها تنتظر الى الآن الطريق أمامها ..
والاستخارة
الله يوفقها ياربي

مشكورهـ اختي >الله ينصرك على كل من ظلمك >>اامين

بقولك شغلة..


هي صغيرة وفرق العمر بينهم كبير جدا..

ممكن ياخذها على انها متعة.. يفرغ طاقاته فيها.. ويجدد شبابة شهر شهرين.. وبعدين يشبع منها.. ويرجع لزوجته الاولية والاصلية..

الرجال اذا اخذ صغيرة.. ما يبيها شريكة له لانه الشريك فيه تقارب بالعمر والفكر.. ارضاء لرغبة.. وراح يعتبرها طفلة..وهو ابن الاربعينات.. وهو توها صغيرة بال20..


الحين احنا مافيه فرق كبير بينا وبين اللي عمرها 15 ونقول عنهم صغار.. كيف اللي فرق 20 سنة.. كيف يطالع لهم..



خل تكون حذره على نفسها .. وليش يعني متعلقه فيها.. هي سبق وتكلمت معه؟؟!!


لانه مو شايفة ميزات فيه تخليها تتعلق الا اذا بينهم شئ..

هي صغيرة وفيه شباب بالعشرنات افضل بكثير جدا .. من رجال كبير بالعمر..


وخل تستخير..وتدعي يجيها الشاب..الزوجة الثانية فيها مشاكل..

وهي بنت تبي تتدلع وغيره وغيره.. وهو شبع من الدلع.. عنده زوجته سبع ايام شبابه..

سؤال :

هي وش اللي حادها عليه ؟؟

يعني خلصوا الرجال تاخذ شايب وعنده عيال !!!


هل هدفها مادي ؟؟

ترى الماده مو كل شي ؟


طيب وش المواصفات االلي لقتها فيه ياترى ؟؟؟ ولا راح تلقاها بغيره !!!

انا استغرب اذا قالت كل مواصفات فارس احلامها فيه !!!

اتوقع الفتاه اهم صفه تريدها هي الحب والاستقرار والاهتمام والشباب والحيويه


اين ستجدها مع هذا الشخص !!



نقطه اخيره قد تكون الفتاه تحمل صفه غير مرغوبه وحينها قد نعذرها لزواجه كهذه

الي تقول لا تاخذ متزوج لا تخربين بيته ترى حتى لو تركته بيروح بيتزوج ثانية غيرها وتفوت على نفسها فرصة
وترى الرجال اذا نوى الزواج مايغير رايه
وحتى صدمة زواج الزوج في نفس الزوجة الاولى تروح مع الوقت كلها كم شهر وتروح
واذا كان الزوج عادل تخف الغيرة اذا ما اختفت ويصيرون مثل الاخوات

عموما ما دام هناك فرق في السن ليش ما تسوين تحويلة للخاطب تخلينه يخطبك او يخطب اختك الي اكبر منك اذا
كان لك اخت