|
سلام حبيبتي..
بالنسبه لي في طفلي الأول كنت أصحى أنا أول الليل أرضعه.. وثاني مره زوجي يعطيه الحليب الصناعي حتى أنام أنا شوي والثالثه عاد أقوم له أنا مره أخرى.. ومافيها شي الموضوع لازم يكون فيه تعاون بينك وبين زوجك ونصيحتي لك تعوديه على ذلك من الآن.. وإن شاء الله بعد شهرين بتلاقي مدة النوم بتطول وعلى الثلاثة شهور أو أربعه بيكون منظم أكثر.. الله يعينك بس كله عشان خاطر أطفالنا الحلوين الله يسعدهم يارب:) |
ام خالد.. يسلمووا يا قمر .. والله كلامك فرحني
عكس اللي كانو يقولونه لي الحريم .. عقدوني الي تقولي حليبك مش كفاية ..ابنك ما يشبع ابنك بشوف كوابيس الخ من الكلام اللي يخوف ضوى ... يا ام شهد حرررررررررررررام علليكي لا تخوفيني عطيني امل ببكرة :) :) دندون.. طريقتك مرة حلوة .. بس للاسف زوجي مش عايش معاي يشتغل بدولة غير و انا عند اهلي و مش معقةل اصحي امي بنص الليل و ما ابي اطلب من خواتي كفايتهم دراستهم و امتحاناتهم مساكين الله يعين مالي الا استني لين يكبر شوي |
مرحبا ..
عزيزتي انا نفس معاناتك بس عكسك طفلي عمره 4 شهور وداخل في الخامس كان نومه كويس ومنتظم الان مره متلخبط وقلق في نومه ويبكي انا اتوقع انه اسنان .. لكن انتي جربي .. - حمميه قبل النوم -دهني جسمه بزيت دافي .. - رضعة صناعيه قبل النوم -خليه يلعب كثير عشان يتعب وينام والله يكون بعوننا وياجرنا |
مرررررررة عادي ياقلبي
اول ثلاثة شهور يصحى الطفل كل ساعتين عشان يرضع وحليب الام سهل الهضم وخفيف عالمعدة والطفل الصغير معدته صغيرة وبالتالي هو يرضع كمية حليب قليلة وبنفس الوقت سهلة الهضم فطبييييييعي جداااا انه يجوع كل ساعتين صح ولا لا ؟ بعد الثلاثة شهور يبدأ مقدار الرضعة يزيد معدته تتوسع ويرضع كمية حليب أكثر وينام لمدة أطول ممكن ثلاثة ساعات أربعة ساعات خمسة ساعات والموضوع تدريجي بس طبييييعي الام تتعود خلاص على النوم المتقطع حتى اذا فطمت طفلها تلاقيها خلاص متعودة تصحى كل ساعتين ثلاثة جسمها يتعود على طريقة النوم هذه ولما تفطم طفلها تلاقيها تصحى تتأكد من انه متغطى كويس وماشال اللحاف عنه كله بأجره ياقلبي وربي يحفظ طفلك ويحميه |
اقتباس:
طول اليوم نايمه وبالليل تذكر انها جوعانه |
ربنا يعينك يارب يا نورا وانا والمسلمات اجمعين
|
كادي .. الله يحفظه لك يا رب ... غريبة
دايما يقولون على عمر ال 3 شهور و ما فوق ينتظم نوم البيبي انتي معاكي العكس :) الله يعينيك حمام قبل النوم صعب لاني بدولة اوربية و الجو بارد و اخاف عليه من البرد مسكين و اللعب صعب كمان . لسه مكمل ال 40 من كم يوم بدري عليه و على اللعب لو فيه نوم ما يرضى الا ينام لو ايش ما سويت والزيت حدثي و لا حرج ماما قاعدة تدهن فيه بزيت الزيتون شكله صار زي الهنود مليان زيت :) :) تاينا .. الله يعافيكي حبيبتي .. معاكي حق .. مرة نام و طول 4 ساعات صحيت مفزوعة اشوفه خفت ليكون صار فيه شي بعد الشر .. صدق اتعودت على الصحيان كل ساعتين مريوم الله يخليها لك و تفرحي فيها يا رب .. خلاص ايش عاد نسوي صار ليلهم نهار و نهارهم ليل :) زكرة : حبيبتي وحشتيني ان شاء الله ياربي تكوني بالف خير .. الله يعين الجميع يا رب سمعت كلام حلمي قريب و عطيته المصاصة ( اللهاية) و الحمدلله امس و قبل امس ناام لمدة اطول و ارتحت شوي |
هاد شي عادي كل الاطفال في هاد العمر بحبو السهر أنا مع ابني كنت أشتهي النوم وما أحصلو ...لسا رح تشوفي الهوايل لما ييجي وقت الأسنان
غالبا الأطفال الي متل هيك بطلعو أشقياء لما يكبرو جهزي حالك من هلأ |
السلام عليكم
الله يعينك يا نورة وانشاء الله كله بأجره انت نفس معاناتي مع طفلي كان تقريبا يقوم كل ساعه ونص واحيانا كل ساعه لانه ما كان يشبع يرضع شوي ويرجع بس لما صار شهرين تغير نومه والحين متعبني في نومه كثير الله يهديه وعمره 4 شهور ويقوم تقريبا كل 4 او 5 ساعات يعين على حسب الله يهديهم ويعينا عليهم يارب |
عادي جداً في هذا العمر أن يصحو الطفل من النوم كل ساعة أو ساعتين أو حتى نصف ساعة فكلنا عانينا من هذه المشكلة ولكنها لفترة معينة من العمر
كما لا أنصحكِ أبداً بالرضاعة الصناعية فما دام الله منعم عليكِ بالحليب الطبيعي فلا تحرمي طفلكِ منه ومن فوائده العديدة أما مسألة رضاعتهم في الليل ونومهم في الصباح فقد سمعت من الوالدة إن رضاعة الليل هي التي تساعد على إدرار الأم للحليب (أي تساعد على كثرته) لأنه كلما قلت رضاعة الأم للطفل ليلاً قلت معها كمية الحليب في صدر الأم |
| الساعة الآن 02:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©