السلام عليكم ..


اختي لما تستعملين الحلاوة للأنف خليك حوالي 10 دقائق وانتي تستعملينها ...وليس 10 ثواني ..

انا متأكدة انك استعجلتي علشان كذا ما طلع معك نتيجة ..

والله انا اسنتر قدام المراية لحد ما يطلع كله ..

عندي نفس المشكلة على أنفي

شكلي بجرب الحلاوة بس أخاف وبر الأنف يسمك :|

انا استعملت كلين اند كلير حلو مررة
يارب يفيدك وتروح البثور

انا استخدمت كلين ان شاء الله يفيدك

السلام عليكم .

كتبت لك البارحة رد ولكنه لا يظهلا عندي ..


اللي كنت أقوله انك ما عطيتي العملية الوقت الكافي ..

يمكن اكتفيتي بمرة مرتين في ثواني ...

انا اجلس من العشر دقايق الى الربع ساعة وانا احط الحلاوة واشيلها احطها واشيلها ...لحد ما تنظف ..
لأن خروج الشعر العادي يختلف عن خروج الرؤوس السوداء



جربي وان شاء الله تشوفين فرق ..


فيه نصيحة كمان .

خليها بعد ما تاخذي حمام لآن المسام عندك وقتها حتكون متفتحة ... فتخرج بسهولة اكبر من اي وقت ثاني

اشكركم جميعا وشكرا على تجاربكم

حبيبتي لاخت رسيل فعلا شكرا لكي على اهتمامك ونصيحتك .......بالفعل يمكن انا استعجلت اشوي وراح اعيد الكره بعد استحمام وان شاء الله يفيدني .........واذا نجحت اكون ممنونه لكي وحتى اذا ما نجحت شكرا لكي مره ثانيه

انا بستعمل غسول نوتروجينا و نفع معي لكن لزمله صبر شوي بيطلع بس مو كثير و مع الزمن يروح

حجرب انا كمان الحلاوة انا عندي نفس المشكله

جزاك الله خيرا يا رسيل

عزيزتي انا كنت اعاني من الرؤوس السوداء بشكل خفيف لكني بعد ماصرت احاول اقضي عليها بوسائل خاطئة زادت عندي بشكل رهيب يعني لازم تكونين حذرة..

اكبر خطأ في ازالتها هو الملصقات الخاصه بتنظيف الانف هذي اكبر سبب لزيادتها حيث انها لا تقتلع هذه الرؤوس من جذورها بل تؤدي الى كسرها ومن ثم بقائها مفتوحة فتصبح مرتع مناسب لدخول الغبار والاوساخ وهذاما يؤدي الى زيادتها بشكل ملحوظ..

بالنسبه للمنتجات الاخرى زي كلير اند كلير وغيرها احس انها غير مووثوقه وماقد سمعت احد يمدحها لكن لا تخافين انا بعطيك الحل اللي نفع معاي ونفع مع كل احد استخدمه..

الان بشرتك مليئة بالرؤوس السوداء والحل الوحيد هو اقتلاعها من جذورها ثم اغلاق المسامات حتى لا نزيد المشكله بدل تخفيفها وافضل طريقة لاخراجها هو طبيبة بشرة متخصصه اعيد مرة ثانيه طبيييبة وليس مشغل نسائي او كوافير..

اسألي عن طبيبة بشرة ممتازة واذهبي اليها واطلبي منها تنظيف بشرتك من هذه الرؤوس ستستخدم اله حديدية صغيره وستخرجها وستشعرين بالالم وبعد ان تنتهي تنظف وجهك بشئ بارد جدا من اجل اغلاق المسامات وبعدها سوف يلتهب وجهك وسيستمر احمر اللون واحيانا بعض الحبوب والخدوش البسيطة لمدة اسبوع او اسبوعين وبعدها ماذا؟ بشرة نظيفه وخاليه من الاوساخ والدهون والرؤوس السوداء ولمدة لا تقل عن ست اشهر..

انا عن نفسي ذهبت لطبيبة بشره قبل زواجي وقلت ابغا تنظيف طبي ما ابغا ماسكات ولا تقشير ولا خرابيط ابغا تنظيف واستخراج كل الرؤوس والاوساخ وعملت لي جلسه وقالت وجهك مرة مليان تحتاجين جلسه ثانيه واخذت جلسه ثانيه قبل الزواج باسبوعين والان بكمل سنة متزوجة توني احس اني محتاجه جلسه جديدة وعشت اكثر من ست شهور وجهي نظيف جدا جدا ولله الحمد والان افكر اسوي جلسه جديدة قبل الصيف والسفر..

لكن ارجوك رجاء لا تروحي لمشغل او صالون حتى لو كان عندهم نفس الادوات وفهموك ان عندهم خبراء لان البشرة شئ ثمين وغالي ولا انصحك تغامرين فيه..

مشكورة يا أختي البحلة بالنفس على النصيحة الرائعة تسلمين وايضا الشكر موصول للأخت صاحبة الموضوع