شكر لكم ردودكم الي والله ما عطتني الا عزيمه اني ابقى اقاوم في هذه الحياة الي ربي بلاني فيها واعذروني اني ما ذكرت كل شخص فيكم بالاسم ... لاني اريد ان اسرد لكم مشكلتي وان اففض لكم واسمع منكم واشكركم كلكم....



اما عن النقاط الي ذكرتوه وحسيت اني ابغى اعلق عليها او اسألتكم الي سألتوها ؟؟


بالنسبة للفنادق الي يروحها زوجي ( للمعلومية انه يخبرني عن الفنادق الي يروحها واتأكد من ذلك بالفواتير الي القاها في جيبه بعد رجعته ) وزوجي لا يخون بالزنى لانه يروح فنادق اصلا ما ترضى انها تطلع بنات مع زباينها هذا غير انهم ما يرضون بالاختلاط بين الزبائن والراقصات ... يعني فرصة اللقاء بعيده .. واذا حصلت فانها برقابه شديده .. ولكن يسمحون بتبادل الارقام والمكالمات .. وهذا الي مبهذلني في حياتي ... المكالمات .. مع انها مكالمات لا تصل للدرجة القذرة الي اسمع عنها .. لكنها مكالمات بين رجل وامرأة وهذا يكفي ... وانا قد كلمت وحده من صديقاته الي يمكن الى الان ما حب مثلها وتركها بعد كذا ... وٍسألتها عنه واعطتني بعض المعلومات الي من ضمنها انه ما يطلع مع احد ... بس تسليه .. وانا من وجهة نظري الخاصة وبعد هذه السنوات من البحث عن اسباب عمايل زوجي اكتشفت شي واحد ... وهو ان زوجي يحب انه ينمدح .. يحب يتفشخر ... يحب يذل من يعتدي عليه ... وكثير كثير من الطباع الي تخليه مو قادر يترك هذا الشيء... اما هل تواجهنا انا واياه عن سبب خياناته بالمكالمات .. ( معلومة راح بعد زواجنا مره واحده ........... ... وشفت صور له مع بنت من هناك ... وهي بروب النوم ... وهذي البنت كانت حبيبته قبل زواجنا .. ولكن ما تركها الى الان وفي نفس الوقت ليس بينهم اتصالات الا نادرا .. واتصالاتها تكون لطلب فلوس ... وهي المره الوحيدة الي اقدر اجزم انه خانني بالمعنى الي قصدتوه )اما عن تواجهنا فنعم قد تواجهنا ومو بس كذا اصلا ما عندنا مشاكل ابدا الا هذه المواجهات يعني كل مشاكلنا لنفس السبب وفي الاخير ينتصر هو لان عنده قدرة اقدر اقول عنها جببارة في الدفاع عن نفسه .. اوقف عاجره قدامه اني اتكلم حتى .. فترجع العلاقات وترجع حليمه لعادتها القديمه ....



اعذروني اذا كان فيه اي لخبطه في الكلام ... وان شا الله لي عودة .. وسأبدا بذكر قصتي مع زوجي فيها

نسيت ان اعلق عن موضوع الاصدقاء.. والي يشكل نقطه مهمه جدا جدا في حياة زوجي ... صديق باسميه باسم ( الشيطان ) وصديق ثاني اسميه باسم ( الارجوز ) طبعا هذي التسميات بيني وبينكم والا عند زوجي ما اسبهم حتى الا ان كان بعض النقد لتصرفاتهم الي ما ينسكت عنها ...ولكني والله اطلب منه اذا دعوة لبرى انهم يجون عندي عشان اقهويهم بدل ما يروحون برا ... اتكلم عنهم بكل خير قدامه عشان ما يزعل مني .. عمري ما سبيتهم لان مالي شغل فيهم وسبي لهم ما راح لا يقدم ولا يأخر في حياتي .. ولكن في كلمة ارددها وهي حسبي الله عليهم ... لان لهم تأثير كبير في حياته .. وكل ما اعتدل ردوه ... هذا غير ان الشيطان له صديقه من سنين يعني حتى قبل يمكن 8 سنوات والى الان وهم اصدقاء او حبايب على قولتهم ... وصديقته هذي خليني نسميها ( السوسة ) ما اكتفت بصديقها الشيطان ولكن هي الي تدبر الحبيبات لزوجي وتنصحه في حالة كانت وحده ساحره والا لا .. وم كلهم ساحرات حسبي الله عليهم ...



ولكم خالص شكري وامتناني ...

قصتي


زواجنا زواج تقليدي .. ولكن لا اخفي عليكم الحب الجامح بيننا .. اموت فيه ويموت فيني... لدرجة لا تتصورونها .. ولكني تعبانه معاه ... اول مره حصل بيننا الخلاف بعد 11 شهر من زواجنا ..لما لاحظت مكالماته المتخفيه ... ولما اجي يسكر .. فتشت الجوال ولقيت ارقام بنات وكلمتهم .. منهم متزوجات ... وكلهم يشتركون في كونهم..................... غير الارقام الي طلعت من .................نفسها .... وتواجهنا .. سبني .. كسر جوالة من قوة الرميه ... لدرجة اني خفت وسرت اهديه واقوله الله يخليك اهدا ... خلاص حصل خير .. قال لي اجمعي ملابسك بوديك لاهلك بالرياض واكنت الساعة وقتها 4 الفجر .. جمعت ملابسي .. وناديته بعد ماراح للسيارة عشان يسخنها .. عشان ينزل الشنطه من فوق الدولاب .. لاني ما اقدر كنت حامل في الشهر السابع ... ولما جا رمى نفسه على حضني وما حسيت الا دموعه تغرق صدري ... ضميته بحنان .. وقال لي ليش تسوين كذا ... واللله اني احبك .. لا تحرميني منك ... وانا قلت له خلاص كن شي ما صار .. انت اهدا بس ... طبعا حكى لي عن مكالمه جته من احد اصحابه لما كان ينتظرني في السيارة .. طبعا غير الشيطان والارجوز الي قاله اهدا ما يسوى عليك وهذي حال الناس في بداية الزواج ... ومن ها الكلام الي هداه .. ولن ما انكر شي اني وقتها رحت صليت لي ركعتين دعيت الله فيه ان يحل مشكلتي ... وبالفعل .. انحلت ولكن مؤقتا ... مع انها في وقتها كانت بالنسبة لي فرج عظيم ولله الحمد ...



للحديث بقيه ولكن الحين عندي شويت شغل لازم انجزه ..

.................................................. ................
كملي اختي ..

يرجى عدم ذكر اسماء بلدان أو جنسيات معينة ..

انت تقولي انه مايخونك!!
ليش الخيانة بس بالزنا_والعياذ بالله_؟؟؟
المكالمات هذي بحد ذاتها خيانة ..وانت ذكرت انه يمارس العادة السرية اكيد من ورا هذول!!!
اسفة حبيبتي مستعجلة وانت بعد ما كملت..بس مقهورة عليك.

يالله ... كان ربي بعونك ... وأصلح لك زوجك ... وهداه الى طريق الحق والصواب ...

وألهمك الصبر وربط على قلبك ... وجعلك عونا ً ونبراسا ً يضيء له الطريق الصحيح ...

موفقه بإذن الله ...

اختي .. اسمع مني .. لي اصدقاء وقعوا في ذلك .. وتاب الله عليهم ..



اسال الله بمنه وكرمه ان يهدي زوجك .... ولاشك ان زوجك به خير كثير .. والحمدلله انه معكي نقول مهو مقصر ..

افضل من غيره .. غيره يسافر ويقصر على اهله ..


يعني الرجل يدخن .. على مااظن ..


والدخان يجر لااشياء اكبر منتشره هناك منها الحشيش .. "لااظلمه" .. ولكن اناشاب واعلم مايتحدث به الشباب ..

شي اخر هناك سحر الكلام سحر الاشخاص اجواء تعود عليها الشباب هناك ....

اسمحيلي اختي بلد يغلب بها الدعاره ..

المشايخ هناك يدعون على الراقصات وعلى البنات ويقولون هم سبب ماحل بالبلاد من فقر وعوز وقحط ..


وعن الفنادق اختي كل الفنادق هناك تسمح بذلك الا من رحم ربي ..

يسمحون كيف ..

يجعلونك تفتح غرفه اخري بمبلغ رمزي وينامون بها .. 12 ساعه او اقل ..او اكثر ويسجلون الغرفه باسمك وتجلس البنت بها غير الغرفه التي انت استاجرتها ..


الله يهدي زوجك ويبعد عنه رفقاء السوء ..

غاليتي . . .

كان الله في عونك . . .

بصرااااااااااحة اغلب المشاكل بين الازواج في وقتنا الحاضر هي عن المكالمات هذه والله النساء غالبيتهم يشتكوا

من هذه المكالمات . . .

نفسي اعرف شيء واحد ياناس ليش الرجال يتزوج وهو موكفو لهالشيء ؟؟؟؟؟؟

ليش الخيانه هذه منتشرة بكثرة اش ذنب الزوجات المساكين كل همها انها تسعده وترضيه وهو يخونها ؟ ؟؟ ؟؟؟ ؟

والله دنيا غريبه { الله يبعد عننا بنات الحرام ويهدي ازواجنا }

اهلين بكل ردودكم ... وشكرا لكم ...واكمل لكم باقي قصتي ...


ثاني خلاف .. كان بعدها بايام قليله وكان قد اقترب يوم زواجنا .. وذلك عندما تناقشنا في الموضوع .. واحتد النقاش .. حتى طب مني ان لا ابقى في البيت ... وبالفعل ... ذهبت لبيت اهله ... وجلست عندهم اسبوع تقريبا خلالها اكملت السنه ... ولاحنن قلبه علي سويت له حفله صغيره .. واضئت له الشموع .. وجهزت صور زواجنا ... وحضرت له اكل .. وباقة ورد مع سلة حلاوة ... ولكن والله ما فك يرفع السماعة يقول لي تعالي ... ولما شفت الموضوع كذا ... قلت ما برجع ... ولكن اهله قاموا ينصحوني ... واني ارجع له .. وانه اكيد يبغاني ارجع ولكن انا ما ادري ... وبعد تفكير طويل قررت العودة .. وعدت وانا ابكي ... كرامة منداسة بالجزمه ... ولكن بصراحه حسيت بفرحته برجعتي بالرغم من انه خباها ... بس على الاقل ... وبعدها بومين حجز في احد الفنادق في مدينتنا ورحنا هناك ليوم وبعدها عدنا .. ولم نتناقش في موضوع خلافنا ... وهذا انا اعتبره عيب في حياتي وهو اننا ما نتناقش في مشاكلنا ابدا ... نسكت ونسكر على الموضوع ... وبعدها سلكت الحياة ... وحاولت ابتعد عن جواله وما افتحه ... وعشنا حتى ولدت بعدها بشهرين ... وحل علينا اول مولود ...


انا اسفه اني ما اقدر اكتب كثير لاني اكون مشغوله ولكن لو قدرت بعد عشر دقايق ادخل راح اكمل قصتي وفضفضتي ... ولكم جزيل الشكر