![]() |
اقتباس:
خاصة انو مش لهدرجة تمادت وانا بصدها احيانا وهيك شكرا الك وبارك الله فيكي |
اقتباس:
نصائحك مفيدة اختي لكن مابقدر اقطع علاقتي بالناس هية واهلها طيب الواحد غربة ومابصدق حد يتعامل معاه وحرام حاسة اني ظلمتها بهالموضوع لانو مو لهدرجة زياراتها كتيرة يعني اشي ومنو لكن بعض التصرفات قارفاني شكرا الك حبيبتي |
اقتباس:
|
اقتباس:
وانا مابدي الامر يزداد وحاخد بنصائحكم وفكرت بقصة مفتاح الحمام وغرفة النوم فكرت اسكر كل البواب من اصلو شكرا ليكي |
اقتباس:
انا فعلا بقرف حد يستعمل مكياجي لكن هية تعمل هيك بغفلة وتحرج الواحد وانت معك كل الحق شكرا لك ياحبيبتي |
بنات شكرا على نصائحكم
المثل بيقول حرص ولا تخون (بتشديد الواو) وانا اعترف يمكن انا عطيتها شوية وش لانو بكون زهقانة وبدي حد اتعامل معاه بدل الغربة يعني مش راح احبس حالي لكن كلامكو خوفني والحبسة اهون من انو اعرض بيتي للخطر وانا قررت التالي ::: 1- ازا اتصلت تزورني يوم خميس وجمعة حزحلقها واقلها بصريح العبارة معلش عشان زوجي بالبيت حرام بدي اقعد معاه 2- ازا بدها نطلع حقلها تعبانة من الحمل 3-اخلي الزيارات مني انا يعني انا الي ازورها ببيت اهلها يعني اقلها بدي اشوف اهلك واخواتك 4-بيني وبين حالي ارتب اموري بحيث اخليها تشوفني مرة بالشهر بالكتير 5-لو دخلت البيت وحاولت تتحرك فيه حقلها وين رايحة في شي؟ 6-ازا مدت ايدها عالمكياج حقلها بصراحة لا بلاش 7-حراقب نفسي وكلامي وماححكي اي شي عن حياتي او زوجي 8-يعني مش حقطع العلاقة بس حخليها سطحية بالتدريج لاقطيعة ولا لزقة لانو هادول جيران بالنهاية وعموما اكرر واعيد البنت ماتمادت بالدرجة الكبيرة هاي لكن انا اريد وضع حد للامور وإن شاء الله انفذ هاي الخطوات لانو ولادتي بعد 5شهور ومابدي انا بس اولد تيجي عالبيت تتدخل او تلزق انا كنتش احب احرجها عشان ماتنقطع العلاقة وعشان كنت بحب الصداقات وهيك ولانو محتاجة ناس في حياتي لانو ظروف عمل زوجي وهيك ولانو مش حلوة اكون فوقهم ومايعرفو شي عني لكن يظهر انو الافضل هيك بعد فترة راح ارجع بموضوع اخر اقلكو ان نجحت او لا واخبروني هل الخطة هيك منيحة؟؟وشو ممكن اعمل كمان وبارك الله فيكم |
حلو كده جدا
لو استطعتي تنفيذ هذه الخطوات ستكوني عبرتي لبر الأمان في الموضوع إن شاء الله و لا تنسي فكرة المفاتيح و انتبهي لما تولدي إن شاء الله لا تسمحي لها تقعد تمسك في النونو و تبوسه و الحركات دي لا هيا و لا غيرها لأن الطفل في شهوره الأولى ممكن يلتقط الجراثيم بسهولة جدا بالذات عن طريق القبلات و طبعا اتقاءً للحسد أيضا , غير كمان إن البعض يمسك البيبي و يلفه لفوق أو يشيله و يطيره و حركات ممكن تسبب ارتجاج في مخ الطفل و تأذيه يعني حاولي تتقيها من الآن و لما تولدي بإذن الله حاولي محدش يمسك طفلك غيرك |
مبك شادي
حاسه فيج يا قلبي في الغربه الواحد يتعلق لو بقشة غاليتي باب غرفة النوم والحمام دايما مقفولين هذي رساله غير مباشره انه مكان خصوصي لا يدخله الا انتي وزوجك ثم حاولي ان تلتقوا بمكان خارج بيتك كحديقه او مول الصاله لا تضعي بها اي امر يخصك او زوجك خبئي اغراضك بمكان خاص واذا مثلا لحقتج للمطبخ احرجيها لا لا لا يا قلبي انتي ارتاحي عيب من واجبج حسسيها انها ضيفه وليست من اهل البيت واصبري عليها ترى انا بغربه بعد والقى مضايقات بس اتكيف معاها لاني بموت لو قعدت بروحي!! |
مرحبا ملك انت معك حق تدايقي من تصرفات الصبيه خصوصا وانها انسه..مابقدر افيدك لأني انا كتير صريحه وصراحتي ساعات بينزعجوا اللي حواليا منها بس شو بدي اعمل هيك طبعي مافيني اغيره..الله يعينك مهونه ان شاء الله..
|
أختي الكريمة .... الخطوات التي تنوين اتخاذها معها .. طيبة ولا بأس بها ...
لكن ما وودت قوله لكِ أن خذي الطريقة الوسط ... فلا تميلي كل الميل ... خليكِ في الوسط حتى لا تخسريها ... واضح من كلامك أنها فضولها طبع ... وليس أمر هي تتعمده ... حتى أنها قد لا تشعر بما تفعل ... أو تراه أمراً عادياً ... وهنا لعله يجب عليكِ أن تصرحي لها أكثر من أن تلمحي ... فأعتقد أن هذا النوع من الناس يحتاج إلى التصريح بعبارات لطيفة وهادئة ترافقها ابتسامة أخوية صادقة ... بعكس من هو فضولي وهو يتعمد ذلك .. ويعلم في قرارة نفسه أنه على غير الصواب ... فهذا فعلاً يحتاج إلى شيء من الأفكار التي تنوين القيام بها وأكثر .. هذا رأيي .. و القرار لكِ .. تحياتي ؛؛؛ |
الساعة الآن 08:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©