|
ايمي اند مودي
بالفعل اتوقع تشخيصك صحيح والله اعلم لانه كان عندي بداية زكام بعدين نمت مادري جاتني لفحة هوا او نومة غلط او ماله دخل المهم صحيت من النوم معايا الالم وهو بالفعل تحت الاذن زي وصفك تماما بالنسبة للبلع لما اشرب شي بارد مكان الالم يألمني زيادة وما اقدر اكمل شرب واضطر اشرب شي متوسط الحرارة او ساخن طيب الالم مايروح من غير علاج؟ لانه ما اقدر اروح المستشفى عندي زواج بنت عمتي في بلد ثاني لازم احضره وهناك اروح للدكتور يعني يوم السبت وانتي طيبة باذن الله طيب السخونة هل هي من تأثير الالتهاب؟ لانه بالعادة السخونة ماتطول معايا آخذ فيفادول وانام ، اصحى الاقي نفسي تمام بس الان من يوم جات السخونة مو راضية تروح هل هي بسبب الالتهاب؟ وتسلمي ياقلبي تسلميييييي على مساعدتك ربي يسعدك ان شاء الله |
حبيب اقولكم آخر المستجدات
زادت علي السخونة فرحت على الطوارئ اعطوني ابرة فولتارين خرجت من عندهم ماشاء الله لاقوة الا بالله زي الحصان نمت بعد صلاة الفجر ، والان الساعة 11 صباحا احس السخونة رجعت لي ثاني ياربي تساعدني كمان طلعت لي حبوب في فمي الظاهر انها من تأثير السخونة بالاضافة الى انه صار حتى لما ابلع ريقي اتألم يعني لما اشرب اي شي اتألم يااااااااااربي تفرجها من عندك يارب |
تالينا لازم تروحي تكشفي لاتروحي طورئ ماعندهم سالفه
يمكن تكون غده الدرقيه او حاجه ثانيه مدام المساله فيها سخونه وحبوب لازم تروحي وطمنينا تاني متابعه |
لا زم تروحي للطبيبه
بعد الحبوب إلى طلعت بالسانك الحبوب بالسان ما تطمن زوجي حصلت معاه نفس المشكله تقريبا إذا ما كنت غلطانه و اهمل و راح اتنوم في المستشفى 7 ايام انا ما اقولك كذا اخوفك بس لازم تلحقي نفسك روحي عند دكتوره |
ابشركم ياحبايب
رحت اليوم للدكتور والحمد لله انا كنت خايفة يكون عندي ابوكعب اللي هو النكاف وكنت خايفة بنتي الصغيرة تجيها العدوى لانها لسه ماكملت سنة وما أخدت اللقاح بس الدكتور قال غدة لمفاوية وقال غدة محترمة :d الحمد لله يارب الحمد لله انها جات على قد كده الحمد لله يارب اعطاني مضاد لمدة اسبوع وسويت تحاليل تطلع نتيجتها بكرة باذن الله واعطاني ابرة وتحاميل عشان السخونة والحمد لله ياااااااااارب الحمد لله حاسة بارتياح بس يا اخوان ويا اخوات رجولي الاثنين من الحوض وحتى الكعب تألمني الم فظيييييييييييييع زوجي يقول من تكسير السخونة لانه قعدت الحرارة معايا لمدة خمسة ايام وهي متذبذبة بين 39 و 41 تعرفوا كيف الكدمات الزرقاء لما احد يتعور؟ زي كذه الالم في كلللل الرجل حتى اليوم في المستشفى كنت اعكز واتسند على زوجي حتى كنت حأطلب كرسي متحرك من شدة الالم واليوم لاحظت انه في بقع حمراااء في كللل مكان في رجولي في الساق والفخوذ والحوض ولما اضغط عليها تألمني بشدة ممكن تكون الحرارة والسخونة خرجت على برا؟ ولا ايش؟ ماني عارفة شكرااااااااا للجميع وجزاكم الله خيرا |
الف لا بأس عليكي تالينا
طبيعي يجيك الالم من المضادات والحقن والسخونة دايم تمسك بالعظام حاولي تسترخي في بانيو به ماء (مو شرط يكون دافئ) وملح ودلكي جسمك اثناء الاسترخاء وإذا حسيتيه مو طبيعي رجعي المستشفى اتمنى لك العفو والعافية |
عليكم السلام ورحمة الله وبركاته
أسال الله العظيم رب العرش العظيم ان يشفيك ويشفى جميع مرضى المسلمين ورقى نفسك مع العلاج وان شاء الله تطمئنى على نتيجة التحاليل وتطمنينا |
رواء وترستال تسلموووو على مروركم وكلامكم اللي يرفع المعنويات
جزاكم الله خير وربي مايحرمكم الاجر |
الحمدلله على السلامه
وشكرا لانك طمنتينا والله دخلت كم مره على الموضوع ابغى اشوف اش اخبارك ومالقيت ردك وانشغلت عليك اليوم لما لقيت الرد فرحت جدا انك بخير والحمدلله ان شاء الله دوما |
الله يسعدك ياسويت ويوفقك ويسخر لك كل خير قلبك طيب والله وتستاهلي كل خير ربي يحقق كل امانيك
البقع الحمراء اللي في رجولي شكلها من المضاد وقفته واليوم باذن الله اروح للدكتور يغيره جزاكم الله كلللللللل خير واسعدكم في الدارين |
| الساعة الآن 09:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©