|
والله عجبتيني بصراحه (دامك ماعصيتيه وحاولتي تجذبينه لبيته بطرق سليمه وحلوه وعقلانيه)
انتي خليك على موقفك وادعي الله ان يسخره لكم وليش مايطفي جواله اذا جلس علشان ماينحرق انتي تعاملي بهدوء وموفقك استمري عليه الا اذا حسيتي انها بتوصل لطريق مسدود فا انا اقلك هنا انظري للموضوع بطريقه ثانيه الله يسخره لكم ويبعد عنكم كل سوء ويخلي كل اصحابه يجلسون في بيوتهم ويفكونك منهم و |
اشغليه بأولاده
لما يطلع اتصلي قوليله الولد ( أو البنت ) يريد أن يكلمك و أعطي السماعة لأحد الأولاد يكلمونه شوية حتى لو الأولاد صغار و كلامهم مضحك خلي يسمعهم لو ولد فقط ارتفعت حرارته عشر درجة اتصلي على طول خليه ياخذه على المستشفى خلي أولاده يمسكونه من ملابسه و يركضون ناحيته و هو خارج و خلي أحد الأولاد يصر أن يخرج معه و يبكي على الباب اتصلي قوليله فلان بيقولي خلي باباب يشتريلي كذا ( حلوى - عسير - أي شيء ) اتصلي قوليله أحد الأطفال يبكي يريدك اشغلي باله بأطفاله بأكبر قدر ممكن و خلي قلبه متعلق بهم ربنا يوفقك |
المنطقة التي ساكنين بها لماذا لاتفكرين ان تكونين صدقات بها وتشغلين نفسك خلال غيابه بالسفر ...
|
الافكار اللي قدموهها الاخوات والاخوان جميله ومباركه
اضف لفكرة الاخت نوران ان اصحابه معطين لنفسهم حق ماهو حقهم فانت الاولى بالحق منهم وفري له الهدوء وجهزي حقيبتهوانت مبتسمه امامه وبيني له انك راضيه عن سفرته وادعيله وقت خروجه ووصيه انه يطمنك اذا وصل ومن هنا ابدئي لعب الاعصاب فيه كل شوي دقي قولي قلقانه ومره قولي خايفه ومره قولي طمني عليك يالغالي ومره قولي لاتشيل هم ياحبيبي انبسط انت واستانس وارجعي اقلبي الموجه دقي وقولي الاولاد ولهانين عليك ومره قولي ياليتني جيت معك بس السفر هدني وتعب علي وكل مافكرت بالتعب هونت المهم لاتحسسينه انك بتنكدين عليه خليه يحس بالذنب وحل آخر انك اذا سافرتي معه حاولي تستثمرين هالسفره كيف ؟ يوم يروح لاصحابه واليوم الثاني يمشيكم انت والعيال حتى لو نص اليوم مع اني مو عارفه كم يوم يجلس مع اصحابه ياليت توضحين لنا بعدين اختي الاسبوع اللي ينوي الجلوس معك خليه قبله بيوم يخبر اصحابه انه لن يحضر لهم وحاولي تخلين لها ليله ماحصلت وخليه يشوفك اجتهادك وكل شوي قوليله ياحبيبي ماراح اخليك تندم انك قعدت معانا ياحبيبي ماتتخيل سعادتنا ياحبيبي وهكذا اشبعيه سمعيا وبصريا وكل الحواس اشبعيها واشعريه بامتنانك له وشكرك له بهديه مكتوب بها عبارات شكر خليه يشعر بضعفك واحتياجك وحبك ورغبتك فيه واهمسي له اسفه ياقلبي حرمتك من اصحابك بس الاسبوع القادم بنزل معك علشانك مو اختي هو معصب وانت تتفرجين عليه ومكهربه منه لا يا اختي خليك ذكيه ومرحه وفرفشيه وتدللي عليه حتى لو شفتي نيوبه بارزه ثواني ويلين لك |
اقتباس:
تقولين عجبتك بس والله تعبت معه تعب مش طبيعي خاصه إنه عنيد وراسه يابس وانا غلطت جاريته اول الزواج يقالك زوجه مطيعه ظنيت بينفع معه بعدين00 وقلت توه ماتعود على المسؤليه إلا الرجال نشب فيهم زود00 .وحتى وانا حامل قسما بالله ما رحمني 00يقول بغير جو 00وكنت وقتها مالي خلق عاى الهواش معه بس من بعدها قلت لازم احسسه بالمسؤليه اسأل الله ان يهديه ويبغضه بربعه إلي واقفين عضم بلعومي |
اقتباس:
وكلامك على العين والراس وأن شاء الله ابطبقه مع أن اولدي متعلق فيه بشكل غير طبيعي بس شكلي بخليه لزقه بظهر ابوه |
اقتباس:
شكراغ حبيبتي على ردك ياحبيبتي حتى لو كونت صداقات مع الغير ابلصق فيهم كل خميس وجمعه والله حاله اخوي انحرج اروحله كل خميس وجمعه احس بيكون لهم خصوصيه يبغوا ينبسطوا مع بعض اجي اقط معهم والله احرااااااااااااااااج |
اقتباس:
وكلامك على عيني وراسي والله إني احاول اسعده واتزين له00 بس يكون متنرفز يعني على اعصابه 00 ادنى غلط من الصغار يعصب وبعدين تشين نفسه ويالله عاد تعالي كلميه يكلمك من غير نفس ولا يطلعنا الا بقول 00يعني مستحيل من نفسه احس كانه يبغى يكرهني بجلوسه فتكون هالخميس والجمعه نكد00 حرق اعصاب 00وماسكه نفسي اشوي وانفجر احس إني تعبت فعلا واول مابديت ارفض اروح معه كنت اروح لأخوي بعدين خلاص إستحيت منهم00 وبعدين اصريت اقعد بشقتي00 ورفض00 وقلت له تبغانا اقعد معنا00 وركب راسه وركبت راسي00 تخيلي سافر وهو معصب لدرجه خفت يجيه شي في الطريق00 وقعدت انا وعيالي بلحالنا بشقه ننام ليلتين ماعندنا احد 00وكررها كم مره ليضغط علي علشان اروح 00 وإذا جاء من سفره يجي وانا زعلانه شوي وانفجر من القهر فتكون نفسياتنا زفت مع بعض يوم يروح لاصحابه واليوم الثاني يمشيكم انت والعيال حتى لو نص اليوم باحبيبتي انا اكون عند اهله لو بيطلعني بتطلع العائله كلها مره اصريت عليه يطلعنا اطلعت العائله كلها حتى مرت اخوه معنا ونفسه شينه تهاوش مع امه ومع اخته يعني طلعت نكد وهواش ومشاكل الله لا يعيدها من طلعه مع اني مو عارفه كم يوم يجلس مع اصحابه ياليت توضحين لنا ياحبيبتي ربعه وهله مع بعض في نفس المنطقه يعني ياخذني معه ونروح لاهله ثم ما اشوفه مع ربعه حتى احيانا بعض المشاوير يوديني اخوه00 وبعدين صرت ارفض والزمه إلزاما يوديني هو الله يجزاك خيرا على لنصائح الحلوه وجاري التنفيذ إن شاء الله |
أختي الكريمة مشكلتك مرة هينة قدام كثير من المشاكل اللي نسمعها ونقرأها لكن صدقيني الحل الأول والأخير بيدك أنت.. في البداية يمكن الرد يكون طويل بس راح أحتسب الأجر وبإذن الله تقتنعي بالكلام اللي راح أقوله وتعملي بيه.. في البداية لازم تقتنعي أن هذا زوجك حبيبك وأبو عيالك ورفيق دربك وعشتوا أيام كثير حلوة وأيام مرة وعلى سلبياته فيه عنده إيجابيات وتذكري لحظات السعادة اللي عشتوها مع بعض ولحظات التضحيات.. الآن أنسي كل المواقف والزعل والإحتقان الحاصل بسبب سفره الأسبوعي وأبدأي صفحة جديدة علشان تحلي هذه المشكلة وتسعدي في حياتك.. الأسبوع هذا قولي له سافر حبيبي أنا تعبانة وما أقدر أسافر سافر أنت وأنبسط وسلم على أهلك وجهزي له شنطته وضبطيها وحطي رسائل حلوة في ملايسه من كلام البنات المعروف راح توحشني وأحبك ومن ذا الكلام وكثري وإذا قدرتي تحطي له هديه حليلة في الشنطة المهم نفسيته راح ترتاح مرة وراح يفكر فيك حتى وهو عند أصحابه وممكن يشعر بالندم أنه سابك لحالك المهم إنت كلميه و قولي له أنبسط حبيبي وخذ راحتك على الأخير أهم شئ ترجع لي ولعيالك سالم غانم ونفسيتك مرتاحة.. بعد كذا يوم الجمعة قبل ما يوصل تكوني نيمتي العيال بدري وتعملي له جو في البيت ما حصل يعني شغلات حريم شموع وإضاءات خافته والعشاء اللي يحبه وعصير وجو رومانسي وتكوني متكشخة على الأخير المهم تعملي له ليله خيالية وتقدري تأخذي الأفكار من المنتدى بس أهم شئ ما تناقشي معاه أي موضوع يعكر مزاجه وتتكلموا عاد في أي موضوع وتنبسطوا وتعيشوا ذيك الليلة بسعادة وإذا كان زوجك بيجتمع مع أصحابه يلعبوا ورقة ولا أي لعبة قولي له ها حبيبي فزت ولا أنهزمت وقولي له شكلك هزمتهم المهم من ذا الكلام خلاص وتكملوا ليلتكم بسعادة لا تنسي مرة ما تفتحي موضوع أصحابه والسفر ومن ذا الكلام.. بعد كذا يوم الإثنين أو الثلاثاء تقولي له أنا عازمتك على الغداء أو العشاء شوفي الوقت اللي يناسبكم على حسابي (يعني على حسابك أنت خخخ المهم دبري نفسك) يعني الأسبوع ذا إذا تقدر لا تسافر والأسبوع الجاي عوضها حبيبي هذا إذا قدرت يعني لأني مرتبة لك عزومة على كيف كيفك المهم إن شاء الله بيوافق المهم يوم الخميس روحوا مطعم وروحوا مشوا العيال وحاولي تسعديه بأي طريقة شيلية على كفوف الراحة .... تعبت من الكتابة بأخذ بريك وبرجع أكمل الرد.. |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©