|
أخي الفاضل والحبيب أبو وضحه ..
حمل هذا الملف على جهازك و سوف تجد فيه مجموعة طيبة من أفضل المطاعم في الرياض .. مــطـاعــم الـــريـــاض و بالهنا و الشــفاء .. |
أنا ما اني من أهل الرياض ولا أعرف شيء فيها لكن ما حبيت أني أكتفي بتقديرك فقط علشان كذا رديت
بس الاخوان و الاخوات ما يقصرون |
تبي نصيحتي
لا تجي للرياض ، تراها حررررر موت درجة الحرارة تصل إلى 48 حاول تجي للرياض بالليل وتخلص شغلك وتروح بنفس الليلة أما إذا كنت مصر إنك تجي للرياض ، فأنصحك بمطعم (تشيليز) في شارع التحلية وإذا ما تدل بالرياض ففيه اختراع أسمه (قوقل إيرث) يدلك على أي مكان بالتوفيق يبو وضجة |
حيا الله الكويت واهلها
اسماك النافورة بطريق الملك عبدالعزيز ( فيه النافورة واسماك النافورة لا تلخبط بينهم) فيه كل شي يطري على بالك ومكان راقي بس البوفيه المفتوح للعوايل ( للعلم ) عندهم اي اكله ممكن انك سمعت فيها مكان المطعم طريق الملك عبدالعزيز باتجاه الشمال اذا انت جاي من عند القاعدة الجوية واذا بتجي من جهة طريق الملك عبدالله خذ يسار من اشارة سوق صحارى واتجه جنوب بيكون على يسارك فيه مطعم هندي ممتاز اسمه مكاني له فرعين واحد بطريق الملك عبدالله باتجاه الغرب عند اشارة التخصصي خذ يوتييرن بيكون على يمينك وبجانبة مطعم ماما نورة والمطعم الايراني بشارع التحلية عندك تشيلز وابل بيز ومطعم ممتاز جدا اسمه زيت وزعتر يقدم فطاير مكسيكية روعه عموما التحلية مليان مطاعم ومظاهر للتحليه شارع الثلاثين العليا فيه مطعم السرايا التركي رايق وعنده فخار ربيان ممتاز مطاعم العجمي اكثر من فرع وحليوه مطعم اوشال على الدايري الشرقي مخرج عشرة باتجاه الشمال فندق الفهد كراون راقي وجلسات عند المسبح مطعم المزرعة بطريق خريص بجانب كارفور احيانا كويس اي سؤال انا بالخدمة |
بما أنك قلت تبي مطاعم فخمه
فـ أفضل المطاعم وأفخمها في شارع التحلية أدخل شارع التحلية وتلقاه مليان مطاعم من أوله إلى آخرة وشف اللي يعجبك حياك الله في الرياض :14: |
اسماك النافورة على طريق الملك عبدالعزيز...
|
المركز الأول
مطعم فرايديز على التخصصي جنب سنتر بوينت واليورومارشيه عندهم ستيكات لذيذه وألذ شي الي بصلصلة سنسناتي اذا كنت من محبي لحم البقر الثاني مطعم شيزان مطعم هندي اسعاره معقوله واذا شفت الديكور عادي لا يضيق صدرك لأن أكلهم ألذ المطاعم الهنديه في الرياض خاصة الجمبري بوري الي من ضمن المقبلات عندهم الثالث مطعم درة الرافدين مطعم مشاوي يبدعون في مشاوي اللحم لأن اللحم الي يقدمونه يكون طازج والمطعم بسيط جدا وأكلهم عجيب وخصوصا الكفته بالفرن والكباب الأورفلي موجود في العليا بين طريق الملك فهد وطريق العليا وجنب مطعم الخليج الصيني بس الوصف بالضبط ما أقدر افيدك فيه فيه مطاعم حلوه كثير وذكروها الاخوان بس بالنسبه لي الي ذكرتها الأفضل والله يوفقك في اختيار المطعم ويوفقك دنيا وآخره |
مثل ما قالوا لك الاخوه شارع التحليه مليان مطاعم ادخله و اتفرج و المطعم اللي يعجبك انزل فيه :) انا ارشح الريف اللبناني او كافيه بلان احلى اكل لبناني و كلها في التحليه |
سلام
دخلت اشوف الردود واذا كان بالامكان اني ارد لقيت ان الاخ راح واتوقع انه هالحين في الرياض والباقي يكتبون مطاعم تمنياتي بقضاء اوقات سعيده في عاصمه بلادي الغاليه |
الله يهديك يام السوسه ويرجع لك ابنائك عاجلا غير آجل
حسبت ان الموضوع له اسابيع او شهور ورحت اشوف التقويم الموضوع مكتوب الخميس الي راح -قبل امس- والأخو ابو وضحه ماوضح لنا متى بيمشي للرياض هو قال رايح لمدة يومين |
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©