![]() |
مرحبا اختي بنت غامد لا بالعكس موضوعج حيوي .. بس يمكن لأنج طرحتي الموضوع في أكثر من قالب ...يمكن!! عموما انا من زماان كنت ابا اشاركج في مواضيعج عن المعاقين لأن انا لي تجربة من أجمل تجارب حياتي .. اللي ما تعرفوه عني ان انا صحفية:d وفي يوم من الأيام جاني أحد الزملاء وقالي .. يا النار والهيل ... ليش ماتكتبي تحقيق صحفي عن واقع المعاقين في البلد... قلت له ليش شو فيهم المعاقين <<< لما قلت هذي الجملة كانت عندي قناعة ان واقع المعاقين في بلدنا على أحسن ما يكون .. بس طلع كله مظاهر فمظاهر والسبب بخبركم به بعدين المهم قالي زميلي لا بالعكس في كثيييير مشاكل يعانوها فالتوظيف .. وكثير مؤسسات ترفض تشغيلهم .. انا انصعقت .. قلت له اعطيني اثبات .. أو حالات تأكد هالشي . طبعا زودني بأرقام شباب وبنات .. واتصلت بهم اتصلت بالأول والثاني والثالث ... وسمعت العجب العجاب ...مع ان صيغة القانون في بلدنا تدعم هذي الفئة دعم لا محدود .. بس من يقوم بتطبيق القانون .. ومن يعاقب مخالفيه تعرفوا شو السبب؟؟؟؟؟؟؟؟؟؟؟؟؟ ان كل واحد فرحان بصحته .. وناسي ان امر الله بين الكاف والنون تصدقوا ياأخوان اكتشفت من خلال بحثي أن كثير من البنايات مافيها منزلقات (للكراسي المتحركة) .. وكثير منها المنزلقات موجودة في الخلف فقط.. اتصلت على جمعيات رعاية المعوقين ووجدت عندهم قصص مهولة تسرد الإهمال اللي يتعرضله المعاق بسبب جهل أصحاب القرار .. وجدت كثير من المشاكل في كل المجالات .. الصحة .. استيراد الأدوات الطبية والصحية .. مجال التمويل .. التأمينات .. الرياضة ... التشغيل والتوظيف .. مع أن الجرايد كل يوم تخبرنا قصص عن الانجازات .. طلعت كل هذي الانجازات هي مبادرات فردية .. يعني مافي تقنين ولا شي متابعة للقوانين ... بس الحمد لله بعد نشر التحقيق على حلقتين .. صدر قانون من إحدى الجهات بتعديلات في أنظمتها لدعم هذي الفئة من أبناء المجتمع وصارت تعديلات اخرى بس ما اقدر اقولها لأسباب أمنية:d:d اتصل فيني معاق من المعاقين وشكرني على التحقيق ... تصدقوا ما نمت ذاك اليوم .. الحمد لله رب العالمين أخيرا .. اختي بنت غامد ... واصلي في رسالتج .. ولا تيأسي .. قدمي معلومات ونشري الوعي .. وبيني وبينج (لاتزعلي من زوجك) ترا اللي يشوفوه مب هين ... اتمنى ان اراك في القمة دائما |
هلا غلاتي اعذريني عندي ظروف طارئه وموضوعك لو مايهمني وأنت لو ماكنت تعزين علي ماسجلت حضوري..وأنا ماأفضى الا لما أنوم كتاكيتي عشان أركز معك وعد بحول الكريم الليله بسرد لك التفاصيل ان ماصار عائق أو ظرف..سامحيني ماحبيت تأخذي في خاطرك علي مايهون علي زعلك..الله وياك..
|
النار والهيل
الف شكر والله اتحفينا بطلتك دايم سابنا انا مو زعلانه منك ولكن انا مكتئبه من امس احس اني ملخبطه وعاجزه اعمل شي الحبيب فرحان بخطوبة اخوه وهذا شي متعبني كثير اعذريني احس اخلاقي ضاقت وبعدين احنا خوات مانزعل من بعض حتى من امس لليوم دخولي صار قليل جدآ والله حاسه بضياع دعواتك |
رجعت مثل ماوعدتك عموما بالنسبه للتعامل أتعامل مع محمد بشكل طبيعي جدا لاأفرق بينه وبين أخوه نهائيا أكلفه ببعض الأعمال والتي تتناسب مع وضعه الصحي ان أخطأ أوجهه وأن عاود الخطأ أعاقبه ليتعلم من غلطه..ان أحسن التصرف أشجعه وأكافئه لكن أراعي البساطه في المكافئه حتى لايطمع فأنا اليوم معه وغدا لاأعلم..دائما أعزز ثقته بنفسه وحينما يقول لاأستطيع أقول له لكل منا قدرات وأنت كذلك لديك قدره تتناسب مع عمرك بحيث تستطيع فعل الأمر الذي موكل اليك..
لي عوده لنكمل وللحديث بقيه.. |
سابنا
وانا اقرأ كلامك بكيت تذكرت ام زوجي وهو صغير كان المميز عندها واذا بيوم عاقبته بنفس اليوم تراضيه واغلاطه تشوفها ايجابيات بعكس والده وهذا سبب له ارق في حياته هذا كلام زوجي نفسه طيب ياسابنا لو بعد فتره اصر ابنك يركب دراجه زي اخوه وانتي تقنعيه وهو مصر ايش راح تسوي؟ انتي عارفه زوجي كان يصحى الفجر وياخذ سياكل اخوانه ويرميها بالشارع واحيان يركبها ويسقط ويتعور اذكر مره قلتي ابني عنيد وانا زوجي راسه يابس بس انا اللي يبيه اسويه علشان ارتاح من المشاكل كيف تتعاملي مع عنده؟ |
تقبلو مروري والله يعطيك العافيه علموضوع
|
اقتباس:
العفو..لي عوده لاحقا لنكمل.. |
اهلين فتون
نورتي موضوعي هلا سبونتي انا قبل زواجي قرأت وسألت عن المعاقين وبعد الزواج اكتشفت بأني قد غيبت عن الواقع لن اقول قصدآ ولكن جهلآ منهم مثال رمضان الماضي دعيت اخته على الإفطار لأن زوجها كان مسافر وانا متعوده اقطعله البيتزا والنقتس واي شي يحتاج تقطيع بالسكين هو زعل ليش احرجته قدام اخته قلت عادي هذي اختك قال ولو وعلى هذا الحال زعلنا سخيف جدآ وكمان بنفس اليوم شافتني اخته قبل الإفطار بمكياج وكشخه ودعود قالت ماعليك صلاة؟ قلت علي بس اخوك ملزم اتزبط بنهار رمضان وليله يقول ليش انا مو رجال؟ قالت ياااااه الله يعينك على راسه الناشف هذي امور قد يجدها البعض عاديه ولكنها ترفع ضغطي لأنه يفسر الأمور على مزاجه بشكل استفزازي جدآ |
اقتباس:
بالنسبه لأخوه الله يصلحه حركي جدا مايهدأ أبد يعني مو للدراجات ماعنده وقت مكانه المفضل المطبخ والأواني يحب يعيد ترتيبها:25::25::25: العناد موجود في الأخوان كلهم ........... جننوني بس ماأقول الا الحمدلله على كل حال.. لابد من السياسه عشان يطاوعك اكتشفت أني لما أشد مع محمد وفهد مايسمعوا الكلام ولما أهدي الوضع يسمعون ولايتعبون كثير.. لي عوده.. |
السلام عليكم ورحمة الله وبركاته .أنا أعيش في عالم صامت متحرك .. ولله الحمد .. بالنسبة لهذا النوع من الإعاقة بالنسبة لبعضها ولله الحمد نعمة .. لكن التعامل يحتاج دقة .. حب .. وكثير من الإحترام .. ومضاعفة الإحساس ..وأعتقد شخصية أحدهم من ذوي الإحتياجات الخاصة يؤثر فيها التنشئة والتربية على الثقة وتحمل المسؤولية وعدم الإستهانة به والإعتماد عليه .. بالنسبة للمجتمع بكل اسى أقول أن الأغلبية مظلومة تعليميا" وعلى مستوى المؤوسسات والشركات والأنشطة والفعاليات والمراكز وإنسانيا فالأعمى ابله والأصم كأنه قادم من كوكب آخر مثير للدهشة أو منبوذ والمشلول كل نظرات الأسى والشفقة تدور حوله وتقطع احساسه ..والحمدلله اللذي عافانا مما ابتلاهم فيه وفضلنا على كثير ممن خلق تفضيلا .. نحن في تقدم ولله الحمد لكن ليس كماهو الطموح والأمل . |
الساعة الآن 08:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©