السلام عليكم ....


مهما كان عطفه فهو اجنبي عنك ورد فعل زوجك متوقعة ...

لكن ما عليك الا ان تنتظري عودة زوجك ...وتشرحي انك متزوجة حديثا وتجهلين ملابسات الموضوع بالنسبة له ...وانك الآن متفهمة لموقفه ... وانك ستتراجعين عن الهدية ...ودعوة في ظهر الغيب له تكفي ... وحبة راس ..

ويا دار ما دخلك شر ....

من وجهة نضري غلطانه تروحين تجيبين له هديه وتقولين عند زوجك احبه وغليه وهو حسبت ابوي ونتي قايله انه خوي ابوك
طيب تبغين تبرين في ابوك موعلى حساب زوجك لا اختي مفروض هذا الكلام ماتقولينه عند زوجك بصراحه لوني مكانه كان خليتك تلحقينه اسف على هذي الكلامه بس ارجال قهره شي غير .

شوفي يا اخت هناوي


زوجك ينظر للموضوع على إنه خدش لكرامته ، كيف يصير هناك واحد في قلبك وتكنين له محبة غير زوجك ؟

يعني زوجك ما ملا عينك ؟ يعني زوجك فيه عيب علشان كذا صرتي تقدرين صديق أبوك-الله يرحم أبوك- ؟

شوفي يا أختي الرجال مهما كان ما يحب إن زوجته تمدح غيره مين ما كان ، يعني تخيلي إن الرجال هذا أبوكِ صدق وانتي أهديته هالهدية ، تدرين إن زوجك راح يزعل وتحز بخاطره ، بس وقتها ما عنده عذر يمنعك من إنكِ تهدين أبوكِ ، أجل وشلون لو كان صديق أبوكِ يعني مهو من محارمكِ أكيد إنه بيمنعك ، وراح يمنعكِ بقوة بعد ، وهو معذور في هالشي .

موضوعك له اكثر من زاوية ، وزوجك ما نظر إلا من زاوية وحدة ،وهي زاوية إنكِ جرحتِ كرامته

وكذلك إنتِ ما نظرتي إلا من زاوية وحدة وهي إنكِ تنظرين لهالرجال نظرة أبوة لا غير ، وبما إنك محرومة من الأبوة فإنتي معذورة بتصرفكِ هذا خاصة وإن هذا الرجال يذكركِ بأبوكِ - الله يرحمه -

فإنتي معذورة وزوجك معذور ، لأن كل واحد منكم يناظر إلى القضية من جانب آخر

اللي أنصحك فيه ، إنكِ تفهّمين زوجك بنظرتكِ وإنكِ محتاجة للأبوة ، لأنك كنتِ محرمة منها ، وحاول توصلين له فكرة إنكِ تقدرين هالرجال مهو لذاته ، بل لأنه صديق أبوكِ ولا الرجال اللي تعرفينهم كثير ، ليش ما قدرتيهم مثل هالرجال ؟


عموما


ترا مهو شرط إن يصير تواصلكِ مع صديق أبوكِ تواصل مباشر ، تقدرين تخلين تواصلكم عن طريق زوجكِ ، يعني خلي زوجك اللي يهديه هالهدية ، او خلي تواصلكم عن طريق الجوال بحضور زوجك

بس اهم شي إن زوجك يدري بكل شي بينك وبينه علشان ما يزعل




بالتوفيق