منتدى عالم الأسرة والمجتمع - طموحي والمجتمع.. مشورتكم تهمني؟؟

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - طموحي والمجتمع.. مشورتكم تهمني؟؟ (http://www.66n.com/forums/showthread.php?t=173709)

اقتباس:

المشاركة الأصلية كتبت بواسطة ^فرح^ (المشاركة 1978861)

هلا وغلا دلوعه ومو منحوسه :d

تفائلي بالخير .. ( تفائلوا بالخير تجدوه )
الطموح والإبداع نعمه من الله .. وفرصه حلوه ... استغليها لصالحك ومستقبلك :17:
من رأي تتوكلي على الله .. وتستخيري .. وتواصلي طريقك على بركه الله
خوفك من ردة فعل المجتمع راح تقتل طموحك وراح تكوني ( مكانك سرك )
لا تشغلي بالك بالزواج والمستقبل لأنه بيد الله وحده ..

صحيح والله.. الله يبعث لي ولك.. الانسان اللي يخاف الله..

حبيبتي دلوعه ربي يوفقك ويحقق لك كل امنياتك ....

ياقلبي اذا طموحك تلقينه بدراستك توكلي على الله وكملي ولايهمك الناس في بنات كثير لاطموح ولاوظائف ولازواج ولاشيء يعني الطموح وتحقيق الاهداف مالها دخل بنظرة المجتمع محد راح ينفعك ياقلبي ...نصيحتي لك اذا احد من اهلك راح يسافر معك لإكمال الماستر برى استخيري ربك واذا فيه خير بيسهل الموضوع واذا لا بيصرفه عنك لاتخافي ....

انا أييدك واي شيء تحتاجينه انا تحت امرك ....انا احب البنات اللي زي كذا ....

انا كنت مثلك وكان لي اهداف وطموح بس حصلت لي ظروف نفسية قاسيه وتراجعت واهملت دراستي ولما صحصحت وفُقت لنفسي رجعت مثل اول واحسن وان شاء الله قريب اتخرج وابدأ بمشروعي وتحقيق هدفي بإذن الله ...

الله يوفقك ويسهل عليك وييسر لك امووورك ....

اقتباس:

المشاركة الأصلية كتبت بواسطة ام السوسه (المشاركة 1978866)

موضوعك رائع يادلوعه

تصدقين هذا ما اعاني منه

شخصيتي ولله الحمد شخصيه مبدعه وايضا طموحي جدا كبيييييييييييييير

من وانا صغيره لين هالحين ولكن مشكلتي تكمن في خوف اهلي علي

كل ماقلت ابغى اشتغل في اي شغل واطور من نفسي

يقول الوالد اذا قاصرك شي انا موجود وبصراحه الله يطول بعمره مو مقصر معاي ابد

يعني اشتغلي بالاسهم

بس انا ما ودي احسها يوم طالعه وعشره نازله

ودي اغير واشتغل واكسر من الروتين الي عايشته

الله يسر لي يارب

هذي الكلمة مو ناقصك شئ.. فعلا محبطه.. وانا ابوي يقولها لي..واذا اصريت يقول بكرا تتزوجين وتنسين...

اقتباس:

المشاركة الأصلية كتبت بواسطة منتظرة (المشاركة 1978874)

حبيبتي ..

أولاً : توكلي على الله .." ومن يتوكل على الله فهو حسبه"

ثانياً : أعملي وتفوقي وأبدعي ولاتنسي أن تجعلي نيتك خالصة لوجه الله في كل اعمالك حتى لايفوتك الأجر والثواب"إنما الأعمال بالنيات"

ثالثاً: لاتحملي هم الغد ، فالله عزوجل تكفل بك منذ أن كنت جنيناً في بطن أمك وقد كتب لك الرزق قبل أن تخلق السموات والأرض ، وهو لن يضيعك " وفي السماء رزقكم وما توعدون"

رابعاً : عليك بالدعاء ثم الدعاء ثم الدعاء وفوضي أمرك الى الله " وأفوض أمري الى الله والله بصير بالعباد"

خامساً : تأكدي أنك إن أخلصت النية لله وتوكلت عليه وأحسنت الظن به فسوف ترزقين من حيث لا تحتسبين " ومن يتق الله يجعل له من أمره يسراً".

وفقك الله وسدد على دروب الخير خطاك ..

مشكوووورة اختي والله كلامك يرد الروح ويزرع تفاؤل عجيب..

الله يوفقك ويبارك فيك..

اقتباس:

المشاركة الأصلية كتبت بواسطة night2005 (المشاركة 1978884)

استخيري الله فان لن يضيعك سبحانه

هلا فيك...نايت قلبي طمنيني عن احوالك..

ربي يرعاك..

انا استخرت الله كثير... والحين جيت استشير,,,

اقتباس:

المشاركة الأصلية كتبت بواسطة في الأنتظار (المشاركة 1978936)

فهمت من الموضوع أنك تبي تكملي دراستك برى

إذا كان هذا صحيح

فهل كل السبل ميسره؟

إن كان هناك من ستسافري معه محرم

فالأمر سهل ومايحتاج تفكري بالمجتمع بالعكس فكره ممتازه

وإن لم يتوفر من تسافرين معه

فلاتغامري فالدين بالدرجه الأولى

ثم يأتي المجتمع ونظرته بالدرجه الثانيه

أسأل الله لك التوفيق وأن ييسر لك أمرك وأمري والمسلمين آجمعين

هلا فيك اختي.. الماجستير رغبه وامنية.. وقلت انا اذا صارت فرصه.. اكيد لازم احد من محارمي معي...

او اني ادرسها بالبحرين.. ويلزم اجمع الفلوس للماستر... فكرتي الاولى المشروع

اقتباس:

المشاركة الأصلية كتبت بواسطة زينة الغنادير (المشاركة 1978943)

أهلين .صباحك ورد يالغالية

شوفي اختي أهم شيء توكلي على ربك وربي يرزقك واستخيري قبل كل شيء

والله انك يام السوسة مثلي جتني وظيفة ببنك نسائي وكنت بدووام فية

بس وانتسب بالجامعة بس الوالد رفض وماكتبت لي الحمد لله على كل حال

استشيري وربي يوفقك
والله اذا بتناظرين المجتمع والناس ماراح تتقدمين خطوة وحدة

ربي يكتب لك الخير والسعادة ويرزقك الزوج الصالح

هلا فيك..يالغالية.. الله يوفقنا واياك.. ويارب تجيك فرصه وظيفيه احسن بكثير..

أهم شئ شدي حيلك.. بالجامعة.. واذا انتي منتظمة.. لا تنتسبين.. افضلك شهادة منتظمة..

اقتباس:

المشاركة الأصلية كتبت بواسطة شغموم الشغاميم (المشاركة 1978966)

وجهه نظرك لها حظ من النظر ففعلاً كما قلتي الزوجة الطموحة المنتجة ينفر منها الكثير من الخطاب الجيدين وليس كلهن ويطمع فيهم أشباه الرجال الطامعين في أموالها فتنجرح الأنثى في أعز ما تملك وهي كرامتها فيكون إعجاب الرجال بها مو لذاتها بل لأجل مالها فتحس أنها جسد بلا روح

الأخت دلوعة ممكن كسب الأثنين وذلك بجعل المشروع مشروع عائلياً فيشارك فيه الجميع من أخوه واخوات والوالده فتكوني حصلتي على الكسب المالي وكسب الخاطب الراغب في دلوعة لذاتها مو لمالها

وشرأيك براي أخر تعطيني الفكرة وكيفية الحصول على الدعم وكيفية عمل المشروع ولك مني

قول شكراً

مشكورررر اخوي..

فعلا المرعب هذي النظرة.. وانا موخافي علي.. انه اخليها بصيغة عائلية...بس ما هذا بيكون في الطرح الاول.. او الفكره الاولى..

الفكرة مقسمة.. لعدة اقسام.. القسم الاول..وهذا اللي افكر فيه.. طبعا البداية بسيطة جدا..راح يكون مكتب نسخ وطباعة.. الموقع موجود.. مافيه ايجار.. لانه الارض لنا.. .. الحي جديد.. البيت على شارع رئيسي.. ميزة موقع البيت.. انه قريب من مجمع مدارس.. اناث وذكور.. ومافيه مكتب نسخ وتصوير.. في المنطقه.. الدعم في هذا المشروع ما احتاج.. لانه الغرفه موجودة اللي راح تتحول لمكتب.. المقر مناسب.. بس باقي الة التصوير الكبيرة.. ورخصه تجارية.. عجبني فكرة شفتها في بعض المكتبات.. يكون مقدمة المكتبة بس المحاسب.. ووتقوله المطلوب.. والمطلوب يتم داخل.. انا بكون مسؤولة الطباعة بالبداية والتصوير...هذا بيكون طول ما اخواني لسه ما جاتهم فرص وظيفيه اوبعثات.. اذا صار لهم توظيف.. بكون مشرفه من بعيد.. والموظف يكون سعودي.. هذي البداية.. وكل شئ ان شاء الله بعمله.. التوظيف والكوادر سعودية..ما راح استعين باي كوادر من الخارج.. الا بالضرورة..

القسم الثاني.. هذا فيه اشكال ويلزم اشوف اخر القرارات اللي نزلت.. اذا على ماهي عليه الان.. برفع خطاب ..لانه فيه جزء لا يخلوا من الحرام.. وانا ما ابي الحرام.. هذا المشروع خاص فيني...
الدعم..من وين باخذه.. صندوق المئوية.. وفيه مركز الامير سلطان لدعم المشاريع النسائية..أو صندوق عبداللطيف جميل..

طبعا هذه راح تكون البداية باذن الله..

مبارك عليك أختي وربي يرزقك الرزق الحلال الوفير
فكرة جميلة وإن شاء تربحين فيها

وأظن وأنا مو متأكد أم الالات التصوير تباع بنظام الأقساط فيمكن دفع القسط من الدخل اليومي

اهلين دلوعة
انا اشوف انك تسوين الى انت مقتنعه فيه ولا تهتمين للمجتمع اهم شيء انك مقتنعه بداخلك بان الى انت جالسه تسوينه صح
بالنسبه للزواج ما احد ياخذ غير نصيبه واذا جاك واحد حاسه انه يبيكى عشان مالك لا تاخذينه وان شاء الله ربي راح يرزقك بزوج صالح
توكلى على الله غاليتى
دمتى بود