|
اقتباس:
|
سبحان الله
اتمنى بالواقع يعرفو قيمتي كما تعرفونها هنا اخواني وأخواتي جزاك الله أخي الكريم الظروف والوحده تعلم الكثير الحمد لله على كل حال ارجو الدعاء لي بالرجل الصالح |
السلام عليكم اختي الغاليه ..
انا ضد البنت اللي تحط شخصيه معينه في بالها وتتمنى انو يجيها نفس الشي .. ولكن من ناحية الراحه النفسيه لازم تتزوجين شخص تكونين مرتاحه له نفسيا .. انا كان خاطبني واحد فيه كل الصفات الجيده وملتزم واخلاقه عاليه .. لكن لما شفته ماحسيت باي راحه ونفسيتي تعبت الين انتهى الموضوع .. اذا كان العذر عدم الارتياح لهذا الشخص فانصحك انك ماتوافقين .. اما انتظار شخص معين او شكل معين فانك بتتعبين اختي تعب شديد .. اتمنى لك الستر والتوفيق |
عزيزتي الناس ما بأشكالها الناس بي اخلاقهااااااااااااااااا
الشكل ده خلقه ربنا ماحد ليه دخل فيه لا ترفضيه او تحاسبيه علي ذلك هو ايش ذنبو ان كان طويل ولا قصير اتمني ان تكوني فهمتي ما اقصده |
أشكركم من أعماق قلبي
لكل اخت واخ ردو علي والله العظيم أني عارفه أن كلامك صحيح والله حتى أمي من الصبح افتح الصفحه واوريها كلامكم وهي مبسوطه لكن انا مدري يمكن خوف يمكن أحلام كنت معيشه نفسي فيها اني ابي واحد وسيم وطويل وجسمه حلو وماتقبلت غير كذا ويمكن لني كنت معجبه بااخو زوجة اخوي أعجاب شديد وكنت دائما أتخيل اني بتزوجه لنه وسيم جدا وطيب امانه عليكم تتدعون لي بالخير انا كلمت وحده من صديقاتي وهدتني شوي والاخت الي سالتني أنا أنسانه أجتماعيه جدا وبشكل ماتتصورينه وبسرعه أدخل مع الناس واحس فيهم لكن مشكلتي أني حساسه جداً وافكاري الرومنسيه هي الي معذبتني ودي أذ تزوجت أعيش قصة الحب يعني قبل مانتزوج يقولون لنا عيب وحرام تكلمين ولاتحبين غير حلالك يعني معقوله حتى أذ تزوجنا ننحرم من الحب أنا اخاف من الي يقولون لي الزواج مو حب الزواج احترام فقط يعني ليه أرجوكم مافي احد يتزوج ويحب والله احس اني اخاف يعني قبل الزواج لاتحبون وبعد الزواج مانحب اجل متى نحب ونعبر عن مشاعرنا |
اختي انتي الحين تتشرطين وتبغيين كذا وكذاا اخااف يروح منك العريس وتروح الفرص من بين ايديينك وتبدأ معاك التنازلات
الحين ممكن تتنازلي عشره بالميه من مواصفاتك في زوج المستقبل وبعد كم سنه النسبه بتزيد الين يجيك وقت بس تتمنى زوج تخلفي منه وتصيري ام انا ما ابغى احطمك لكن قصدي تنتبهي لنفسك وتتركي هالخيالات اللي مالها اساس ولا بتصيير واقع مافيه وحده لقيت بزوجها كل اللي تتمنى من شكل وملامح واخلاق وتعامل بس احنا نطالع للجانب الكويس في الزوج يعني الرجال ملتزم بدينه واخلاقه تمام موظف ويقدر يصرف عليك ويقدر يفتح بيت وبيكون تعامله معاك تمام هذا عز الطلب والرومانسيه اللي تدوريها موجوده في كل رجال بس الشاطره اللي تخرجها من داخله وتتهنى فيها معاه ويمكن يطلع رومانسي اكثر منك.. انتي ماتدري الخير فيين فأستخيري واكثري من الدعاء وربنا يكتب لك اللي فيه الخير الله يوفقك ويهديك للصواب تحياتي لك |
:d:d:d:d:d:d
حبيبتي ذكرتيني بنفسي قبل كم سنه من زمان :25::25: يوم كنت احسب ان الخطاطيب راح يكسرون بابنا :d:d ماتوقعت اني حتى واحد مثل خلق الله مايطق بابنا الحمدلله على كل حال :d تدرين بقولك شي حبيبتي بس لاتزعلين مني :dشكلك من متابعين الافلام الهنديه ياعمري الحياة مو بس رومنسيه وحب ووسامه الحياة تفاهم وعشرة ومودة ورحمه يعني بالله اذا جاك زوج مثل مواصفاتك طويل واسمر ومادري ايش ونفسيته واخلاقه تجاريه ولاسمح الله يمشي بالطريق الغلط قوليلي وش يفيدك فيه جماله ووسامته حبيبتي من جاكم ترضون خلقه ودينه فزوجه اذا الرجال يصلح ويخاف الله فيك توكلي على الله واكثري من الاستخارة والدعاء بان ربي يسهل امرك للخير اسمعيها نصيحه من اخت اكبر منك العمر يمشي وانتي مو حاسه اليوم ماشاء الله فيه خطاب يطقون بابكم بصلحون وفيهم دين يكرة لاكبرتي وانتي للان تحلمين بااحلامك الورديه تلاقين مايتقدمون لك الا المعدد والكبير بالعمر ربي يسر امرك وبشرينا عنك وان شاء الله الموضوع الجاي نلاقيه بقسم التبريكات تبشرينا بخبر خطوبتك بس ممكن سؤال يقرقع بقلبي رقع :d:d الحين انتي تقولين انك جالسه انتي وامك وتقرينها ردودنا :d امك عارفه انك تحبين اخو زوجه اخووووووك :d:d:d:d |
حبيبتي أنا زماااااااااااااااااااان كنت دائما بفكر زيك وبقول اما وسيم وإلا فلن أتزوج
والحمد لله ربنا رزقني بزوج ماشاء الله لاقوة الا بالله قمه في الوسامه لدرجه كل اللي بيشوفه ماشاء الله بيعلق عليه من شده وسامته وجاذبيته بس لا تفتكري ان هذه ميزه انا في يوم تمنيت انه ما يكون بهذه الشكل الجميل لانه في كل مكان بيروحه لاتتصوري كيه البنات اللي بيرموا نفسهم عليه في الجامعه كلهم بيسعوا عشان يتكموا معه في الشغل نساء كثيييرات بيحاولوا التقرب منه هوا طبعا ماشاء الله لا يلتفت لهم بس تخيلي العذاب اللي بشعر به وهوا في شغله لاني متخيله كيف بيحاولوا يتقربوا له حتى احيانا كان بيخليني انا أرد عليهم لما يتصلوا عشان يبطلوا صدقيني الجمال ليس كل شئ على الاقل لو حدث قبول بينك وبين الخاطب ستحبيه وتعيشي معاه اجمل رومانسيه وممكن تتزوجي واحد وسيم ويطلع غير رومنسي بالمررررررررررررره الله يوفقك يارب |
علي أمل اللقاء
مشكوره حبيبتي كلامك أثر فيني غموض السنين والله أنك ضحكتيني وانا وربي طفشانه انا مو أحبه انا معجبه فيه فقط وأمي تتدري لن زوجة أخوي كانت تقول لنا أنه يبيك لكن مو متوظف وهذي المشكله فلما جاء هذا وخطبني قالت امي لاتستني واحد ماتتدرين هو يجي ولامايجي ومن ناحية الافلام الهنديه ههههه لامااحبها ابدا بس مدري ليه شكل الرجال يلعب بقلبي دور كبير الله يعين بس زوجتة أحمد والله حسدتك بس حسد جميد بس والله جد حسيت فيك وبالغيره الي تحسين فيها الله يكتب لي الي فيه الخير ويشرح لي خاطري وجميع بنات وشباب المنتدى والله اني عارفه أن جركات ماتصلح لكن مادري ليه هلاحسايس براسي بحاول اقراء قران واسمع كلام الباقين وشكراً من أعماق قلبي لكل من ساعدني ولو بكلمه واتمنى من الجميع مايبخلون علي بتجاربهم وخصوصا المتزوجات تكفون قولو لي هل الحياه الزوجيه ممكن يكون فيها حب .؟ |
اخاف تكوني تحسستي من كلامي واخذتي في خاطرك وانا والله قلبي عليك وعلى كل بناتنا لما يضيعوو هالفرص
لانه الفرص ماتتكرر وانا رديت عليك لاني مريت بنفس وضعك الحين وضعييت فرص ماتنعد الين مرت السنوات وماحسيت الا وانا فوق الثلاثين وبالاخير تزوجت واحد متزووج بس الحمدلله مبسووطه معاه وعندي بنووته بس لسى احسس بغصه نفسي يكون لي لوحدي مثل بنات عمي واخواتي وكل المحيط اللي انا ساكنه فييه اعتبري باختي من هالقصص ولاتضيعي الفرص منك بس اختاري الرجال العدل مو تتسرعي بأي واحد ومادام مافيه شئ استخيري وتوكلي على الله وربنا يوفقك ويسعدك وتفرحي امك وتشووفك عروس ووصلي سلامي لها الله يخليها لكم تحياتي لك ولهاا موفقه بأذن الله |
| الساعة الآن 01:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©