|
حياك الله
واشكر لك حسن تقبلك للنقاش بمجتمع النساء نجد الجميع يحاول ان يتقرب من المرأه الجميله او المرأه ذات المركز او المرأة المهتمه بنفسها ولا ننسى ان هناك نساء تجذب النساء اليها بلسانها ودعائها وكلماتها وحركات عندما كنت ادرس في الكليه في بدايه السنه كان المجتمع كله غريب علي المدينه غير واهلها غير ومجتمع كليه سبحان الله كان فيه وحده تجي تجلس معاي ولاكنت اتقبلها ابدا بس بكل صراحه ماكان قدامي الا هي حسيت انها معرفتها لي لمصلحه وش هي عاد الله عالم ولكن بضني لاسباب معينه فيه مع مرور الايام تعرفت على الكثير وحاولت الا اتكلم ابداااا مع هالبنت والحمد لله لقيت صاحبات افضل بكثير وهي راحت ولقيت غيري على نفس طبيعتها وايضا في مااذكر انها كانت تحاول ان تجد شخصيه معينه لا انكر انني احب ان اتعرف على فتاه بنفس مستواي تقريبا او اعلى مني او اقل(((دينا واخلاق وجمال ومستوى معيشي))) لاكن اكثر مايهمني هو اخلاقها ....دينها....ونظافتها والا لن تستمر صحبتنا كثيرا ايضا في مجتمع النساء تجد اهتمام واضح بالفتاه الجميله يعني ممكن المعلمات يحبوها (((لاكن لو اخلاقها شينه بتنكره مع الايام))) ممكن تقبل في بعض الوظائف ممكن في المجالس يرجب فيها بزياده بنت فلان لها مركزها والكل وده يخدمها وانا اليوم عدت من مناسبه صغيره كان فيها وجوه اراهم من فترات طويله لاكنهم يعرفونني عندما دخلت رحب بي وبدأ الاغلب يسال عني وكيف امورك وبدات السوالف حاولت ان اكون معهم بشوشه وايضا كانت مواضيعنا رائعه وملفته لاغلب من في المجلس والاغلب يريد سماعها ولاكن بعد ان انتهى الحوار بدأ الاغلب في الجلوس مع بعضهم ((هذي وصديقتها....وهذي وقريبتها....وهذي بغت شي من هذي ))) ولم يعد احد يلتفت وهذا مما يجعلني دوما اكره هذه المناسبه ان لم يكن لك احد تعرفه فلا احد يستطع ان يقبل بكونك جديد عليهم ويفضلون ان يستمروا في احاديثم الجانبيه بدات اشك في البعض منهم انهم خائفون مني وخصوصا المتزوجات فلم اعد احاول الجلوس معهم بل اكتفي بالسلام عليهم وهذا لايحدث دوما انما في هذه الجمعه بالاخص عموما في وجه نظري كل له مكانته فصاحب المركز المرورق يرحب به ترحيب يليق به ان كانيعاملين بكل حفاوه وتقدير واحترام فساعامله ايضا بالمثل وزياده صاحب الوضع العادي برحب فيه ايضا وله مكانته واحاول ان اعامله تعامل يقارب لتعامله معي ((حتى لا اضع نفسي في يوم اعلى منه)) هذا الشي صعب ان تبين للناس وتجاريهم في امور ليست لديك في بعض الاحيان يعني قبل كم يوم مرت علي وحده وتقولي انا ابوي مايشغل الكهرباء عندنا الا ميه وعشره تعرفين الدنيا نار والاسعار ارتفعت حتى الغساله وبدات تتكلم والله ماعرفت وش ارد عليها قلت صحيح الدنيا نار وسكت ولكن وجهي كان عليه علامت تعجب اعرف ان فيه ناس وضعه سيء ولكن صعب من اول مره تشوفني تقولي هالكلام ما اتوقع انها كانت تبغى شي لان المكان ابدا لايسمح ولا اتوقع انها محتاجه ولاكن طريقةالله تفكيريها كذا الله يكون بعونها يارب نحاول ان نبحث دوما عن التميز ونريد ان نطبقه ولاكن في بعض الاحيان لانستطيع ان نحسن التصرف وايضا ليس جميع افراد المجتمع سواسيه فهناك من تثمر فيه الافعال وهناك من لايضع لها اي بال وهناك من يهتم لامور ومهما حاولت ان تكسبه لن تستطيع ايضا اتمنى اكون وصلت وجهت نظري واعتذر عن الاخطاء الاملائيه والكتابيه لانه بدا يغلبني النوم |
اقتباس:
ولكن المرأه المتكبره..... والي تنمدح واجد وماكله المجلس على قولتكم..هذي اتناقصهاا اختي المشكله هذي الايام موجمعه سواليف مع بعض لا كل وحده مسكه الي ترتاح معها ويجلسون يكذبون على بعض انا مره دخلت عند حريم يقربون لي خالتي واهلي وبنت خالتي شفت بنت تنمدح وبنت خالتي لا ليه طيب حرام بشر تحس امدحوها مثل الثانيه عاد انا انقهرت وخوك ايذا حط في راسه شي خربهاا الي تنمدح اختي مافيه عذروب ماطلعته والي مدحه وصلهم من ناري الي يستاهلونه وبنت خالتي جلست ابجد فيها وخذلك مدح في ادب واخلاق وجمال >> كذاب ماشاف وجها بس اقول اتذكرها يومها صغيره وياحض من يا خذهاا ومن هذا الكلام... اختي والله الحريم اذا اعتلو يرفعون الضغط يااختي ليه ماتكونو في جمعه تاخذون وتعطون مع بعض لو كنتو ماتعرفون احد.. نحنو الرجال نجلس في مجلس اغلبه مانعرفه بس تالقانا كلنا نسولف في سالفه وحده ويعطون الصغير والكبير الجرأه انو يتكلم......... بس انتم يالحريم لا وحده اصغيره وتكلمت عيب ليه تتكلم توها بزر .........المفروض تعطونها الجرأه لكي تتكلم........... طولت عليك ولكن اسعدني اتناقش معك.......انتضر رئيك المستنير...... |
للاسف كتاب استمتع بحياتك عندي
ولكن ! قرات جزء بسيط منه مشكور اخوي |
اقتباس:
تكفين اختي اقريه .....................والله كتاب جميل جداً وراح يساعدك كثيررر........ |
الكتاب رائع لكن لم أقرأه كله وهو مريح جدا ومفيد شكرا لك على الطرح الجميل
بالنسبة لي ان الشخص بطريقة كلامه وجرأته بالتداخل مع الناس هو اللي يجذب الناس يعني لو كان بالمجلس أمرأة كلامها حلو وتكون ملمة بمستجدات الحياة واجتماعيه مع الجميع حتى لو انها اول مرة تشوفهم برأيي تجذب المجلس كله حتى لو أنها غير جميلة |
اهلا فيك اخوي
جمعات النساء غير جمعات الرجال طبعا في للجمعات انواع فيه جمعات الطبقات (((وهذه اعتبرها كريهه جدا بالنسبه لي ))) لان بدايه التعرف يكون عن التعريف بمنصبك ومنصب الاب وفيها تفاهات اكرها صحيح يسولفوا شوي ولكن تجد ان فيه اكثر من شخصيه تحاول التفاخر والتباهي يعني طول الوقت لازم تكون رسمي في مظهرك وايضا في حديثك وفيه جمعات(( للناس المتالفين على بعض )) وهذي نوعا ما حلوه ولكن يغلبها ان الجلسات المنفرده والسوالف الجانيبه وفيه جمعات الصديقات (((وهذي اكثر شي ارتاح فيه))) لانها تكون جمعه عاديه استبقبال حلو ندخل مع بعض حتى المطبخ ونساعد بعض ونسولف مع بعض يعني احسها حلوه وممتعه قبل فتره كانت معانا دكتوره مشهوره ودائمه الظهور على شاشة التلفاز لاكن كانت الجلسه روعه وناسه ونساعد بعض وكلنا جالسين في المطبخ نحضر سوى مافيها لاتعقيد واهتمام زايد عن حده اما جمعات الاهل صحيح حلوه ولمه وعزوه ولكن لاتخلو من الانتقادات صعب انك تخلي الجلسه طول الوقت ملمومه لان البعض مايستجيب يطنش ويجلس يسولف مع الي جنبه او يروحون لمكان ثاني برائي ان التميز يكون في شخص الانسان وتميزه يكون لنفسه ولمن يقدر هذا التميز اما الناس فرضاهم غاية لاتدرك هذا الي يحضرني حاليا والله يعطيك العافيه على هالموضوع اسال الله لك التوفيق ونراك محامي المستقبل باذن الله |
اقتباس:
بوركتي........ |
اقتباس:
لكي افهم مجتمعناا...........والله يا اختي كانه على محامي ان مالي نفس في المحامه............ طموحي غير........ اشكرك على التناقش الرائع معك.........الله يسعدك ويحفضك........... |
| الساعة الآن 04:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©