|
انا مع الاخت الى قالت االبعد يولد الجفا
تبين شوق وتجديد غيري اللوك تبعك قصي شعرك لو كان طويل طوليه لو كان قصير غيري لون شعرك غيري استايل لبسك البسي شورتات وحركات العبي شوي على راسه بيجيكي اكيد وبشوقه غيري نفسك للافضل بيتغير هو كمان للافضل الله يوفقك |
اختي اذا تبغين تعرفين زوجك وش يبي منك و كيف تتعاملين معه انصحك انك تدخلي على عالم تطوير الذات في موضوع (انماط الشخصيه ) من خلال الاختبار الموجود راح تعرفين نمط شخصية زوجك و تعرفين وش يحب ووش يكره .. لكن اذا عرفتي نمط شخصية زوجك و كذلك نمط شخصيتك خبرينا عشان نساعدك كيف تقدرين تتعاملين مع زوجك .. لكن همسه في اذنك اختي .. الحياه لا تمشي على وتيره واحد .. ايام الخطوبه غير و بعد كم سنه من الزواج شي ثاني و بعد عشر سنوات يختلف الوضع و بعد عشرين سنه ايضا غير .. لكن اوعي تتركي بيتك .. وربي يسعدك .. |
البعد يوولد الشوق فعلااا
انا اروح لأهلي اسبوعين في السنة زوجي كل يووم يدق ما تبغين اقدم حجزك يووومين بس لما ترجعي تحسي في عيوونة الشوووق |
لكل مرحلة طريقة خاصة للتعبير عن الحب ..لا تقارني فترة بفترة ..
علاقتكم الآن علاقة تعود وانسجام ونقاش .. وهالمرحلة لها جمالها ..هو يحبك ومتعلق بك ولا يستطيع البعد عنك .. صارحيه بس لا تكثرين عليه السؤال : أنت وش تبغى .. كيف أجذبك ... وما إلى ذلك .. هذي الأسئلة تحسس الزوج مع الوقت أن زوجته فعلا مقصرة .. اسئلي مثل هذا السؤال مرة في السنة أو ستة أشهر يكفي .. ولكن لا تقصري في نفسك اسعي لما يحبه بصمت .. إن رأيتي ان الحياة بدأت تقتلكم بروتينها , ابتدعي من الأفكار ما يقاوم الروتين عني شخصيا ما أحب أفارق زوجي إلا عند الشديد القوي .. لأني لو بتحين الفرص للبعد عنه ماذا أبفيت للأوقات الطارئة ؟؟ مثل النفاس وانتداب السفر ... أحب يتعود على قربي منه وجهة نظر |
اخواني واخواتي -روجي فوشي - الايميل - صبا نجد - samsamsoma - عروس حبيبى* - سلة اوجاعي - دانة الرياض - الفهدي 25 - مخاوي العز - s_amerah -أميرات - daimound22 - ام زرع
شكراً لكم على اهتمامكم وتفاعلكم معي الله يسعدكم دنيا واخره خوفتوني من البعد فقررت انفذ رائي الاغلبية وقلت لزوجي اني ماراح اروح بيت اهلي لاني ما اقدر على بعده وفعلا فرح بس راح ارسل بنتي وولدي مع الشغاله بيت اهلي يومين واجدد في البيت وفي نفسي واجرب على فكرة اختي الفاضلة روجي فوشي تذكريني با اختي لانها تحب الروج الفوشي اختي عروس حبيبي فعلاً كلامك جميل الحياة بعد عدة سنوات من الزواج يسيطر عليها الحب والوفاء واشياء اخرى جميله نبهتيني اخي الفهدي شكرا لك على اهتمامك كلامك خوفني وخصوصاً المكتوب باللون الاحمر وبسبب اللون الاحمر قررت اني ما ابعد عن زوجي وجزاك الله خير اخي مخاوي العز شكرا لك وجزاك الله خير اليوم بإذن الله اشتري الكتاب واقراءه (ولكن من المؤلف ) اختي اميرات بإذن الله ادخل عالم تطوير الذات لاحقاً شكراً لك الله يسعدك اختي ام زرع فعلاً كلامك صحيح ومنطقي فعلاً يكفي انه يحبني ومتعلق بي وهذا بحد ذاته اهم من الشوق اخاف ابعد اخسر الحب شكراً لكم جميـــــــــــــــعاً جزاكــم الله خيـــر الجــــزاء |
بصراحة فكرة اكثر من رائعة
اساليني انا انا متزوجة من 4 سنوات وعندي طفلين 3 و8 اشهر وكل سنة ابتعد عن زوجي شهر لاننا مغتربين ننزل بلدنا سوى وبعدين هو يسافر ويتركني شهر بعدو انا والاولاد اقسم لكي انني بعد عودتي اجده مشتاق لي اكثر من ايام الخطوبة لانو تعود على وجودي بجانبه فعندما ابتعد يحس بحبه لي وغلاتي عند على فكرة زوجي الان يشتاق لي اكثر من ايام تعارفنا واحرصي عند عودتك ان يراكي جديدة مختلفة وجميلة اما بالنسبة للاخات اللاتي ترى ان البعد يولد الجفاء اختلف معهن لان الاخت لم تقول سابتعد سنة قالت اسبوع وانا ارى انه نوع من التغيير حسب تجربتي |
اختي موضوعك وسؤالك جوهري ........من رئيي الشخصي اقول فيه اختلاف ولك المرجح هو انو .....
له ضررو لأنو الزوج ماتزوج الا يريد زوجه تدلله تحبه..تعاشر امور كثيره ولك البعد ممكن ينحرف عنك اي ممكن يدور غيرك ممكن يقل اشتياقه لك لأنك كنتي بعيده عنو عاطفياً نفسياً جنسياً............ مداخله بسيطه ارجو تقبلها .....بوركتي............ |
اختي الفاضلة ابو تريكه شكراً لك على اهتمامك وكلامك فعلاً حمسني ابعد عنه وخصوصاً اني ماراح اطول بس لاحظت ان اراء الرجال في الموضوع كلها كانت ضدي وهذا الشي خوفني لاني اكيد رائي زوجي زي باقي الرجال
حيرتوني اعتقد يومين عند اهلي كافية وزوجي عنده دوامين يعني مشغول طوال اليوم وجداً عاقل ومحافظ على صلواته في المسجد يعني يخاف الله وبإذن الله مستحيل يدور على غيري ويفكر بالسهر وغيره هو في البداية حسيت انه ما وده اروح بس بعدين لما غيرت رائي وقلت له ماني رايحة فرح بس قالي انا موافق روحي يومين غيري جو وارتاحي وارجعيلي عروس اخي غارق في الاحلام شكراً لك على اهتمامك وجزاك الله خير |
واخيراً انا الان في بيت اهلي زوجي جابنا الصباح وهو رايح للدوام وقالي اجيك بعد بكرة في الليل وكان راضي تمام الرضى عن مجئينا
واليوم العصر رحت الكوفيرة قصيت شعري وصبغت ومريت السوق اشتريتله هديه وغلفتها بس ايش عندكم افكار تغير لانه هو في الاخير مررره عجبته الفكره وقالي ابغاك ترجعيلي من غير العيال :dلاني انا كمان محضرلك مفاجاءة:14: بس الله يستر المفاجئة ماتكون عروسه جديده :25: المهم ساعدوني بافكار بعد رجوعي البيت لاني احاول اجدد شهر العسل طفشت من الروتين اليومي افكر اخلي اخوي يرجعني بكرة الصباح بيتي ويجي زوجي من الدوام ويحصلني في البيت منها اسويها مفجاءه له ومنها ارتب البيت واجهز نفسي قبل مايجي ايش رائيكم وبكذا اكون ماطولت عند اهلي يوم واحد بس :d وشكرا لاني تعبتكم معايا |
حبيبتي
أهم شي ترتبي البيت وتهتمي بغرفة نومك طبعا الشموع والعطور تخلق جو جدا رومانسي قبل لا يجي من الدوام عبي البانيو موية دافية وحطي رغوة برائحة معطرة حلوة وأنصحك من عند نكتار ................تاخذي لك أشياء تجنن عطوووور وكريمات ورغوات وشي خيال وروائحها مختلفة امممم ....اش كمان اها ...لاتنسي العصير وكيكة بسيطة ....ممكن تشيز كيك طبعا خلي اضاءات البيت خافتة والبسي أحلى لبس عندك أو أحلى لبس هو دايما يطلب مثله ممكن بعدين تطلعوا تغيرو جو في مطعم أو كوفي وماشاء الله عليكي شاطرة إنك قصيت وصبغتي واهتميتي بنفسك بس بقولك شي من واقع تجربتي.................. مو دايما البعد يزيد المحبة والشوق بين الزوجين أنا وزوجي كنا في فترة بعيدين عن بعض...هو في منطقة وأنا بمنطقة ثانية بسبب العمل والدراسة صح كنا نشتاق لبعض ونفرح باليومين اللي نلتقي فيها بس لما ربي جمعنا في بيت واحد حسيت بأن حياتنا تحسنت كثير وبأن حبنا زاد عن أول ولله الحمد ممكن تغير جو عند أهلك يوم واحد بس لا تكثري الله يسعدكم ويهنيكم ويحفظ لكم أولادكم تحيــــــــــــــــــــــاتي |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©