|
لا املك سوي الدعاء لكم بأن الله يجمع شملكم ...وتربون عيالكم في حضنكم ....
الحياة قصيرة ...ولاتسوي الدنيا نقضيها بالزعل وقال... وقلت .... اقترح خلها ترتاح في بيت اهلها كم يوم ....واذا وحشوك العيال روح شوفهم وخذهم في نزهه واشتري لهم شوية اغراض واكل ومستلزمات ........ الين تهديْ النفوس والاوضاع .... |
هنالك حلقة مفقودة
اتمنى لو كان بوسعنا أن نسمع من الزوجة لا يعقل أن تتصرف امرأة بكل هذا دون دافع أو مبرر لا يمكن أن أبيع زوجي وبيتي وأشتت أبنائي بثمن بخس لاريب أن الثمن غالٍ ، وغالٍ جداً غير أننا نجهله اللهم اصلح أحوالهم ، وبارك في أبنائهم |
الحياه فيها الحلو والمر.. وبغض النظر عن من المخطيء في حق الثاني ، انا اتصور ان الحياه جهاد يجب ان تتحملني واتحملها،
لكن زبدة الهرج مشكلتها الاساسية خلاف بدا بيني وبين اهلها، وانتقل بينها ويبن اهلي، بمعنى على مدار سنوات كنت على خلاف مع اهلها، وبمجرد ان صلحت الامور مع اهلها، خربت علاقتها باهلي ، وبدءت المشاكل فتطور الخلاف الى ان طردتهم من بيتي " طبعا بشكل غير مباشر" ومن هنا بدات مشاكلنا الحقيقة. طبعا هي ندمت، او يمكن خافت على بيتها لمن شافته بينهدم، وراحت اعتذرت منهم واحد واحد، بعضهم رضي وبعضهم عاند، واستمر سيناريو المشاكل، حركة منهم ورد فعل منها، حتى صارت تطلب مني اطنش بعض اهلي لانهم ضايقوها، او مااخليهم يجون بيتي. احترت معاها اقول لهم لاتجون عندي، وبعدين انقطع حتى من اهلي، وهي في أي وقت تروح وتتركني، طبعا طنشتها، وصرت اسوي اللي ابغى ولا ادر عليها، يجون عندي واروح لهم. كنت احاول اقنعها بانها لازم تهدي ببس مافيه فايده، تهدي يوم وترجع تتكلم المشكله انها ماتتكلم فيهم قدامهم لا بالعكس قدامهم ماتقدر ، بس اذا جااات عندي تقول كلام عن اهلي يفقع المرارة وعلى مدار سنتين تقريبا وحنا نهدي يوم ونتشاكل يوم، وتسوي مشكله قبل سفرنا مثلا لاهلي بسنة، يعني مو تشبيه صدق، تخيلو انها تقول انا شايله هم الصيف الجاي بعد 12 شهر لو رحنا لهم يومين. سويت له شقه خاصه كلفتني مئات الالاف ، في بيت اهلي عشان لو رحنا لهم يومين بس، لانهم في ديرة بعيدة وعادة ابوي يقول جيب اولادك اسلم عليهم بس بعد تعبي وخسارتي قالت انت ماسويتها عشاني انت سويتها عشانهم يبغون كذا. ومن يومها مشاكل مشاكل . .. اوسوي له الشي .. وتشكرني وتسلم علي ... واول ماتزعل تقول ترى انا عارفه انه مو عشاني |
اخي ما شفت شي من كلامك يبين سبب تركها للبيت .. لان مشاكلكم مع الاهل عااارفينها من كتاباتك السابقه .. ما هي الشراره التي سببت في الحدث المجهول اللي خلاها تترك البيت ..؟؟؟!!!! يعني قبل ما تروحون دوامكم الصبح تخانقتوا ؟؟.. أو قبل ما تنامون تخانقتوا ..؟؟ معقول نمتوا وانتوا ما بينكم اي شي يزعل و تقوم هي تاخذ الاولاد وتروح بيت اهلها ؟؟ |
اختي اميرات ..
القصه تضحك بس باحكيها، هي طبعا متوتره لها فترة ودايم زعلانه خاصة من بداية الدراسة، بس اللي صار قبل امس انها كلمتني على المكتب وقالت بتتأخر قلت تغدو انا تغديت، زعلت وقعدت تدعي علي، كيف ماابلغها اني تغديت وهي تنتظرني وميته من الجوع. زعلت صراحه، ورحت البيت، ومن اول مادخلت البيت، استقبلني ولدي الصغير، وراسة مجربع حلقته بالمقص ولعبت في حسبت امه، المهم اني زعلت، وهي جايه تضحك من المطبخ، قلت الله لايبارك فيك، اول تدعين علي للغداء وبعدين تجربعين الولد، راحت غرفة اولادها وقعدت زعلانه، وتقول انت مو زي ابوك شوف وش يسوي معا امك، قلت طيب صيري زي امي اول، جلست تدعي علي، بالموت ومدري وشهو، اخيرا انا هديت شوي، وبعد ربع ساعه رحت اراضيها وابوسها، لقيتها مطنشة ومسويه مره، ولو سمحت ابعد، وتكلم اهلها، ومطنشتني. تركتها شوي ورجعت وحاولت اراضيها سمعت منها كلام زي السم، وانها عارفه ان حياتنا انتهت من زمان، وجلست تسمع لي ملفات قديمه من يوم زواجنا. يابنت الحلاال ، هدي، تعوذي من ابليس، قالت وخر عني، المهم مسكتها وحاولت اهديها، قالت الله يرحم والديك ارحمني وطلقني، انت ماتستحقني، راحت بتنام في غرفة الاولاد ، ورحت انا خليتها تنام معاي في الغرفه، ونمنا عادي، وديتها هي وبنتها المدرسه نفسها، وهي زعلانه ماتكلمني الا من طرف خشمها، رجعت اخذها من مدرستها لقيتها، راسله لي رساله انها في بيت اهلها، يعني اخذها اخوها من المدرسه وراحو البيت واخذو اولادها. |
من خلال ما قرأت .. اعتقد ان زوجتك يطلق عليها مصطلح ( الزوجه النكديه ) الزوجه اللي تخاف غضب ربها و عضب زوجها و تكون محتررررررمه و سنعه و مؤدبه ما تتلفظ بهذه الالفاظ مع زوجها .. خلها تخلل في بيت اهلها لحد ما تتسنع و يقصر لسانها و تعرف تحترمك ذيك الساعه رجعها .. هذا في حالة لو كنت انت تستطيع ان تصبر على فراقها !!!!!!! زوجتك عااارفه نقطة ضعفك .. فهل انت مدرك ذلك او لا ؟؟؟ انت غيّر من نفسك و اعرف ما هي نقاط ضعفك اللي من خلالها زوجتك تضغط عليك و تستغلك و صدقني راح تنصلح امور بيتك كلها .. ما اقول الا الله يعين اولادكم عليكم .. فانت ليّن بزياده و زوجتك الله يصلحها لسانها طووويل .. معلش اخوي لا تزعل من كلامي .. لان اللي يدق الباب يلقى الجواب .. |
اقتباس:
القصه ابداً ما تضحك .. انما تبكّي و نهايتها مؤلمه جدا .. |
أخي
سبحان الله العظيم قلة من الرجال وعفوا اقولها في مثل سماحة قلبك زوجتك بالصريح سيئة عشرة وتحتاج صفعة قوية يخليها تتأدب وانت للأسف بتصرفاتك زدت الطين بلة ....انت تساهلت الين وصلت لهالمرحلة المهم علاجها لازم تتركها شوي ولا تسأل عنها ولا ترد الين تعرف قيمة الزوج وواجبها نحو زوجها وبيتها واولادها اخوي بعض النساء للاسف ما ينفع معاها الا ان الواحدد يكشمهم من الاول وما يتساهل بحقوقه ابدا الله يعين |
لحضه انا شايفه عكس الاخوات بأنك انت الغلطان وراح اوضحلك
اولا انت قلت هي اتصلت عليك بالشغل وبلغتها انك تغديت!! وهي جالسه تنتظرك00هنا انت الغلطان كان بامكانك ترسلها مسج عالاقل قبل الظهر او بعد صلاة الظهر وتقلها بتغدى برا مو تتركها تطبخ وتنتظر وبعدين انت تقلها بكل بساطه انا تغديت!! ثانيا هي زعلت عليك وصار بيبنكم نقاش حاد وانتهى ورجعت بيتك ولقيتها تستقبلك وهي تضحك قمت انت قلت االله لا يبارك فيك علشان قصة شعر ابنك؟!! ماشوف السالفه تستاهل اللعن على شي ممكن يرجع يا اخي هذا شعر ومعروف انه راح يرجع يطول وبعدين ابنك طفل مهو عريس ثالثا انا شايفه السبب يعود لتراكمات منذ زمن بعيد جالسه تطلع على شكل شرار وحده من الشرار سبب حريق كبير ولا اعرف هل ستتمكنون من اطفاءه ام لا رعاك الله |
اقتباس:
صحيييييييح وفوق هذا كله .. انت شخصيتك ضعيفه الحين كم يوم صارلها عند اهلها ؟ وهل اتصلت عليها وراضيتها ؟ انا اقول خلها سبوع عند اهلها ولا تتصل ولا تعطيها مصروف حتى وانتظر شوف شو بيكون الرد .. خلك قوي ياخي انت رجال .. انت استعملت اسلوب الرضا وما نفع .. جرب تستعمل اسلوب العنف بانك تطنشها شوي وتعطيها فرصة تتنفس ةتراجع امورها في بيت اهلها تحياتي |
| الساعة الآن 12:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©