|
الله يعوضك خيرأختي الحبيبه
أكثري من الإستغفاروالدعاء خاصة في جوف الليل ..وأدعي ربنا يرزقك من خيري الدنيا والله يسترعليكي |
أشكركم كثيرآ جميعآ
وأنا لا أشعر أبدآ انى حزينه لأن من 3 سنوات وانا على هذا الحال كل منا فى بلد وعندما يأتى تكون مجرد زيارة فى بيت أهلى وزاد على كل هذا التجاهل والاهمال لى ولابنتى وانا لاأستطيع ان أعيش معدومة مع شخص لايردينى ويتهرب منى وكل اجازة يمثل أنه لايقصد شىء وان ظروفه تمنعه ان يأخذنى ولما يسافر ينقلب 180 درجه ولا اعرف ماهو السبب فاأنا لاأشعر أبدآ بأى فارق متزوجه مطلقه الاثنان واحد مع زوج كان يحاول ان يكرهنى فى كل شىء حتى اطلب الطلاق واصبح انا اللى أخطأت وحتى لايشعر ان الله سيحاسبه وكانه يضحك على الله الذى أعلم بنية البنى أدم بمعنى (انا هكرهها وازهقها فى حياتها واكرها فيا وماديهاش حقوقها علشان هى اللى تطلب الطلاق وماتجيش منى علشان ربنا مايحاسبهوش ومابحس انه ظلمنى ومايعرفش ان ربنا عالم وان سبب طلبى كل اللى بيعملو ) واللى كان بيتابع مواضيعى هو اللى هيعرف ويحس زى اختى مصريه الله يوفقها يارب ويوفقنا ويهدينا جميعا |
حبيبتى مصريه ربنا يخليكى على اهتمامك بيا
أحب أطمنك أنى بخييييير الحمدلله وأقسم بالله ماحاسه بأى حاجه أبدآ حتى افتكرت لما أسمع كلمة الطلاق منه هيحصلى أى حاجه(زى الأفلام كده) لكن سمعتها فى التليفون وده كان بناءآ على طلبى طبعا هو ماصدق أنى صممت بس بعد ماعمل انه مش عايز لكن انا حاسه وعارفه كل حاجه هو كان بيبعمل كل ده علشان تييجى منى انا ياااه لو اقولك انى ماكنتش أتخيل انى أبقى مطلقه كنت بسمع بس وأستغرب ليه الناس بتتطلق لحد ماجربت سبحان الله انا مش زعلانه ابدآ لان دى كانت رغبتى بعد اللى بيعملو وانا مابحبش ابقى فى حياة حد ماليش لزمه ومااقدرش أعيش من غير مااحس انى جوزى ناسينى ومطنشنى ولما ييجى يجى زيارة كانى واحده صحبته ولانتقابل فى مطعم كاننا أصدقاء ساعتين ونمشى فى الاخر بقولك شكرآ ياحبيبتى على أهتمامك وبتمنالك التوفيق فى حياتك كلها وان شاء الله ابقى ادخل اطل عليكى لانى كان بقالى كتير مادخلتش لانى كل مااكتب حاجه فى المنتدى يمسحوها فازهقت مع الف سلامه ياقمر |
جاوبونى جميعآ
أزاى واحد بيخاف ربنا ويعمل كده فى بنات الناس بيصلى ويقرأ قرأن وهو عارف انه ظالمنى وبيقولهالى بس برضو مستمر فى التزهيق فيا معقول والده مأثر فيه كل ده لدرجة انه قالى لما بقوله انه ياخدنا هحاول اخدك من غير ما بابا يعرف كانى صديقته وخايف ليقول لابوه وهل ربنا هيرضى عن اللى بيعملوه علشان ابوه لسه مافتحش بيته وهيطلع هو وابوه حج مين احق انا وبنته ولا ابوه متاسفه بحس براحه أكتر لما اكتب بالعاميه ارجو ان تجاوبونى شكرآ ليكم على فكرة هو من النوع اللى بيندم علشان كده حاول يخلينى انا اللى أطلب الطلاق بطرقه وخصوصا انه كان بيقولى انتى ماعملتليش حاجه وحشه لكن فى أحتمال يحاول الرجوع لكن انا مش هرجع وزى ماقالولى أخوانى تانى فى الزواج الاخر احب اقولكم انى هعيش اربى بنتى وبس ده اللى انا عايزاه من الدنيا وبطلبه لكن زواج تانى لا تجارب لا |
الله يعوضك خيرا
للأسف هذا الزمن اشبااااه رجال هذا اذا كانوا رجال ......!! الا من رحم الله فعلا والله بشرى لكي بالخير ان شاء الله سيعوضك الله خيرا ماعليك فقط هو عيشي حياتك على طاعة الرحمن اكثري من الإستغفاااار في كل دقيقه ان استطعتي والدعاااء بقيام الليل ولو ركعتين خلال ساعه ستشعرين براحة نفسية جميله اشغلي نفسك بما هو مفيد وفقك الله بزوج صالح يقدرك ويستاهلك عاجلا غير آجل اللهم آمييين وفقك الله لكل خير |
اقتباس:
معليش لم كنت اعرف تكرر الرد بسبب بطئ الرد للموقع وتوقعت لم يظهر الرد بسبب مثل صفحه لصيانه ياليت نستطيع ان نحذف باانفسنا اذا تكررت او ماشابه فااتمنى اخوتي في الله المشرفين حذف هذا الرد لتكراره وفقكم الله لكل خير |
الحمد الله ياحبيبتى
ان اطمئنت عليكى وبمناسبة انك مش عايزه تدخلى فى تجارب مره اخرى ورافضه الزواج فأحب اطمئنك لكل حدث رد فعل وكما تعرفينى اانا كنت مثلك ارفض الزواج والله شاهد على مااقول كنت ارفض عرسان بسم الله ماشاء الله يكفى اخلاقهم وكنت برفض حتى اقعد معاهم شوفه شرعيه حتى كنت رافضه الفكره وقولت لو فكرت اتزوج مستحيل يكون قبل 5 سنوات إلى ان جاء النصيب والله ييسر الامور يعنى لا تعقديها اضحكى بقى وعيشى حياتك ولله الحمد ان الله خلصك من الزواجه المعدوووووووومه الله يعوضك خير منه يارب وبكره ازغرررررردلك ياحبيبتى |
الحمدلله لن يصيبنا الا ماكتب الله لنا ..
الله يآجرك في مصيبتك ويخلفك خيراً منها قالتها آم السودة وعوضها الله بالرسول صلى الله عليه وسلم .. |
والله بجد مش عارفه أقول لك إيه ................ بس قدر الله وما شاء فعل
لكن أنا لو منك مش هأسيب حقى منه أبدا وهألففه حولين نفسه وزى ماكرهك فى حياتك لحد ما طلقك لازم تعلميه درس ما ينساهوش فى حياته وهو ان بنات الناس مش لعبه فى ايد حضرته لازم تطالبى بنفقة البنت وتطالبى بقايمة عفشك وترفعى قضيه بهذا الشأن وصدقينى ان لم يدفع فسيمنع من السفر حتى يعطيكى حقك الذى لم تستطيعى أخذه منه بالأدب. وللجميع: مش عايزه أى تذمر م رأيي لأنى عملت بحث فى مشاركات الأخت وقرأت ما تعرضت له من ظلم وغدر بدون أى مبرر وكتبت رأيي هذا بناءا على ما قرأت فاللى عايز/ه يكتب رد يقرأ الأول مشكلتها من الأساس والله حاجه تجنن كان الله فى عونك والحمد لله انك خلصتى من حياتك السابقه وستبدأى بإذن الله حياة جديدة وأنا متأكدة أنها ستكون أكثر سعاده (على الأقل يا شيخه أنتى كده عارفهراسك من رجلك) سأكون معك حتى تتجاوزى المحنة بإذن الله وتطمنينا بأحلى الأخبار عنك وعن بنتك فى القريب العاجل. |
لعل ذلك خيرة لك وله أسأل الله الرحيم أن يعوضك خيرا ويرزقك بمن يسعدك ويقر عينيك بصلاح وتوفيق ابنتك |
| الساعة الآن 01:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©